នាពេលបច្ចុប្បន្ននេះ ការរីកចម្រើ​រោងចក្រ ការខូចខាតរបស់ធម្មជាតិ ការប្រើប្រាស់សារធាតុគីមីដាក់ក្នុងចំណីអាហារខ្វះស្ដង់ដារ ការប្រើប្រាស់គ្មានមូលដ្ឋានត្រឹមត្រូវ ជាហេតុនាំឱ្យមនុស្សងាយប្រឈមជាមួយជំងឺកាចសាហាវជាច្រើន ដូចជាជំងឺមហារីកសួត រលាកសួត និងប្រភេទជំងឺជាច្រើនទៀត។

អាស្រ័យហេតុនេះហើយដើម្បីជាក្បួននៅក្នុងកាថែសួតឱ្យចៀសពីជំងឺបងប្អូនគួរតែរស់នៅដោយមានការប្រុងប្រយ័ត្ន ដោយហេតុថា​ ទាំងរបបអាហារនិងទីលំនៅប្រចាំថ្ងៃព្រោះជាកត្តានាំឱ្សសួតខូចលែងដំណើរការ បង្កជាគ្រោះថ្នាក់ខ្ពស់ដល់អាយុជីវិត នេះបើយោងតាមរយៈគេហទំព័រ lung.org។

១. នៅឱ្យឆ្ងាយពីកន្លែងមានជាតិពុល៖ ប្រសិនណាមានកន្លែងដែរសម្បូរដោយជាតិពុលអាក្រក់ ដូចជាកន្លែងចោលសម្រាមផ្ដេសផ្ដាស កន្លែងលំហូរកាកសំណល់គីមី កន្លែងមានផ្សែងពុលចេញពីរោគចក្រផ្សេងៗ បងប្អូនគួរតែ នៅឱ្យឆ្ងាយពីទីកន្លែងនោះ មានន័យថា បើនៅក៏ត្រូវតែព្យាយាម ការពារដូចជាពាក់ម៉ាសជាដើម។

២.កុំជក់បារី៖ មូលហេតុចម្បងនៃជំងឺមហារីកសួត រលាកទងសួត​ រលាកសួតរុំារ៉ៃ ត្រូវបានគេរកឃើញថា ភាគរយច្រើនមកពីកត្តានៃការប្រើប្រាស់បារីជាប្រចាំថ្ងៃ ហើយចំពោះអ្នកដែលស្រូបផ្សែងបារីពីអ្នកជក់ ក៏ប្រឈមគ្រោះថ្នាក់ដូ​​ចគ្នា។ អាស្រ័យហេតុនេះហើយដើម្បីការពារសួតសូមកុំជក់បារី សម្រាប់អ្នកដែលមិនជក់ព្យាយាមនៅឱ្យឆ្ងាយពីអ្នកជក់ព្រោះអាចស្រូបផ្សែងដោយប្រយោលមកប៉ះពាល់សុខភាពយើងបាន។ 

៣.អនាម័យ៖ ត្រង់ចំណុចអនាម័យនេះ សួតងាយនឹងប៉ះពាល់ដោយសារការ ស្រូបដី ស្រូបធូលី​ ផ្សែង ផ្សេងៗមក ដូច្នេះ អ្នកគួរតែសម្អាតកន្លែងគេងឱ្យបានស្អាតល្អ បោកមុង ភួយ ខ្នើយឱ្យបានទៀងទាត់ កុំឱ្យមានធូលីដី​ សត្វល្អិត ផ្សេងៗព្រោះអាចមានហានិភ័យដល់សួតបាន។

៤.ពិនិត្យសុខភាពសួត៖ ការពិនិត្យសុខភាពសួត និងការចាក់វ៉ាក់សាំងការពារជំងឺសួតគឺជារឿងមួយដែលត្រូវតែធ្វើ ព្រោះវ៉ាក់សាំងអាចជួយការពាសួតអ្នកចៀសពីជំងឺកាចសាហាវបានច្រើន តែប្រសិនណាអ្នកទុកសួតឱ្យមានជំងឺដូចជារលាកធ្ងន់ធ្ងរ មហារីកជាច្រើន អាចហួសពេលក្នុងការព្យាបាលបាន។

គូសបញ្ជាក់ឱ្យដឹងផងដែរថា ក្បួនខាងលើគឺជាវិធីជួយឱ្យសួតអ្នកមានសុខភាពល្អចៀសពីជំងឺរុំារ៉ៃ ជំងឺកាចសាហាវ ដែលអាចប៉ះពាល់ដល់អាយុជីវិតអ្នកនៅថ្ងៃខាងមុខបាន៕

អត្ថបទដោយ៖ ប៉ែត ធីតា