១. ការធ្វើលំហាត់ប្រាណ៖ អ្នកដឹកនាំមុខជំនួញជោគជ័យបំផុតរបស់ពិភពលោក ដូចជា Oprah Winfrey , Sheryl Sandberg និង Bill Gates សុទ្ធតែចាត់ទុកការធ្វើលំហាត់ប្រាណជារឿងសំខាន់ មិនអាចខ្វះបានទេ។ មានអ្នកខ្លះគាត់ធ្វើពេលព្រឹក និងពេលល្ងាច។ ប៉ុន្តែការលំហាត់ប្រាណល្ងាចល្អ ព្រោះតែមានពេលច្រើនបានបញ្ចប់កិច្ចការ ហើយវាជួយឱ្យប្រព័ន្ធសរសៃឈាមបេះដូង ជួយការចងចាំខួរក្បាល និងឱ្យអាយុវែងទៀត។ មកពីវាបញ្ចេញសារធាតុ endorphins ដែលមានបញ្ចេញឥទ្ធិពលទៅលើ “អារម្មណ៍ល្អ” ផងដែរ។

២. ផ្តល់ភាពកក់ក្តៅទៅវិញទៅមក៖ អ្នកកោះអូគីណាវ៉ាបានដាំបញ្ចូលចិត្តគំនិតជាគោលការណ៍នាំឱ្យអ្នកដទៃមកលេងកោះអាយុវែងមានអារម្មណ៍កក់ក្តៅ និងក្តីស្រឡាញ់ថា “យើងប្រព្រឹត្តល្អចំពោះមនុស្សគ្រប់គ្នាដូចជាបងប្អូនរបស់យើងដែរ ទោះបីយើងមិនធ្លាប់ស្គាល់គ្នាពីមុនក៏ដោយ”។ អ្នកកោះអូគីណាវ៉ាមានគំនិតចងក្រងគ្នាជាសហគមន៍ ដើម្បីជួយគ្នាទៅវិញទៅមក រហូតម្នាក់ៗ មានអារម្មណ៍ស្រឡាញ់គ្នាដូចជាបងប្អូនបង្កើតនឹងគ្នា ហើយគេក៏យកអារម្មណ៍នេះ ទទួលស្វាគមន៍ភ្ញៀវមកលេងនៅទីនេះដោយការប្រព្រឹត្តក្តីស្រឡាញ់ដូចគ្នាតែមួយ។ នៅពេលល្ងាច អ្នកគួរចំណាយពេលខ្លះ និយាយគ្នាលេង ហូបអាហារជុំគ្នា និងហាត់ប្រាណជុំគ្នា ដើម្បីផ្តល់ភាពកក់ក្តៅឱ្យបេះដូង កុំឱ្យស្រ្តេសពេក។

៣. សិល្បៈស្ងប់ស្ងាត់ជប៉ុន៖ ការរស់នៅរបស់ប្រជាជនជប៉ុនតែងមានសិល្បៈក្នុងភាពស្ងប់ស្ងាត់ពេលយប់ ដើម្បីរក្សាចិត្តគំនិតមុតស្រួលទៅលើការងារឱ្យមាមប្រសិទ្ធភាពខ្ពស់។ ហើយវិធីជប៉ុននេះ គឺចេះអត់ធ្មត់តាមលទ្ធិ Zen ដែរ។ ការមានឆន្ទៈក្នុងការអនុញ្ញាតឱ្យមានភាពស្ងៀមស្ងាត់ចូលក្នុងជីវិតរបស់ពួកគេនោះ ធ្វើឱ្យពួកគេគិតហួសពីពាក្យសម្ដី និងបទពិសោធន៍ គឺការដឹងច្បាស់ថា ខ្លួនត្រូវធ្វើអ្វីឱ្យពិតប្រាកដដែរ ដើម្បីទទួលបានលទ្ធផល៕ អត្ថបទដោយ៖ ទ្រ សុភាព