១. អ្នកមានទម្លាប់ញុំាបន្លែផ្លែឈើជាប្រចាំថ្ងៃ ជាសញ្ញាល្អមួយបញ្ជាក់ថាអនាគតអ្នកមានអាយុវែង។ លោក Longo បានបង្កើតរបបអាហារអាយុវែង ដែលគាត់បានណែនាំឱ្យញុំាបន្លែឱ្យបានច្រើន និងផ្លែឈើមធ្យម ញុំាគ្រប់ធញ្ញធម្មជាតិ និងត្រី 3–4 ដងក្នុងមួយសប្តាហ៍។ ជៀសវាងសាច់ក្រហម និងសាច់ស ស៊ុត 2–3 ក្នុងមួយសប្តាហ៍ និងឈីសតិចតួចប៉ុណ្ណោះ របបអាហារមេឌីទែរ៉ាណេត្រូវបានបង្ហាញថាអាចបន្ថយហានិភ័យជំងឺទឹកនោមផ្អែមប្រភេទទី 2 និងជំងឺបេះដូង។

២. ការអាននាំចិត្តរីករាយ។ តាមការសិក្សាមួយធ្វើឡើងដោយសាកលវិទ្យាល័យ Yaleបានបង្ហាញថា ការអានសៀវភៅ ជារឿងទាក់ទងដោយផ្ទាល់ទៅនឹងការរស់នៅបានយូរ។ មានអ្នកអានសៀវភៅដែលមានអ្នកចូលរួម ៣.៥៣៦នាក់ មានអាយុលើសពី ៥០ឆ្នាំ បែងចែកជា ២ក្រុម៖ មានអ្នកអានសៀវភៅ ៣ម៉ោងក្នុង១សប្តាហ៍ និងក្រុមទី២ អានលើស ៣ម៉ោងក្នុង១សប្តាហ៍។ ការស្រាវជ្រាវនេះរយៈពេល ១២ឆ្នាំនេះ បញ្ជាក់ថា អ្នកអានសៀវភៅក្រុមទី២នេះ រស់នៅបានយូរជាងក្រុមទី១ ចំនួន ២៣ខែឯណោះ និងគ្មានជំងឺវង្វេងថែមទៀត។ ពេលអ្នកមានសញ្ញានៃទម្លាប់អានសៀវភៅ អ្នកនឹងអាយុវែងមិនខានឡើយ។

៣. កុំធ្វើតាមអារម្មណ៍មួយភ្លែត៖ តាមលោក Garcia បានប្រាប់ថា៖ ការធ្វើកិច្ចការអ្វីមួយដោយមានអារម្មណ៍ប្រញាប់ប្រញាល់ វាពិតជាអាចមានឥទ្ធិពលអវិជ្ជមានទៅលើគុណភាពនៃជីវិតរស់នៅ និងលទ្ធផលការងាររបស់អ្នកណាស់។ បើអ្នកចំណាយពេលរបស់អ្នកមើលពីគោលដៅផ្ទាល់ខ្លួនឱ្យបានល្អិតល្អន់ ហើយសម្រេចវាតាមរយៈជំហានតូចដោយតាមលំហូរចិត្តមួយៗ ផ្លូវចិត្តអ្នកនឹងសប្បាយ កុំចង់សម្រេចគគ្រប់រឿងក្នុងពេលមួយព្រពិចភ្នែកឱ្យសោះ៕ អត្ថបទដោយ៖ ទ្រ សុភាព