សរីរាង្គតម្រងនោម ឬក៏ប្រជាជនយើងនិយមហៅថា ក្រលៀន អាចនិយាយបានថាជាគ្រឿងក្នុង សំខាន់បំផុត១នៅក្នុងរាងកាយរបស់មនុស្សគ្រប់គ្នា។ ព្រោះក្រលៀនមាននាទីស្រូបយកជាតិពុល​ កាកសំណល់កង្វក់ចេញពីឈាម បញ្ចេញមកតាមទឹកនោម ដែលនោមចេញជាប្រចាំថ្ងៃ យើងសាកស្រមៃមើល ប្រសិនណាក្រលៀនស្វិតខូចលែងដំណើរការបន្ដ លែងច្រោះជាតិពុលចេញពីក្នុងឈាម លែងបញ្ចេញទឹកនោមមកក្រៅ តើរាងកាយយើងអាចរស់យ៉ាងម៉េចកើត?

ដូច្នេះហើយ ទើបតម្រូវឱ្យអ្នកជំងឺដែលពួកគាត់ ខូចតម្រងនោមធ្ងន់ធ្ងរត្រូវលាងឈាមចេញ ដើម្បីបន្តជីវិតរស់នៅបន្ត ប្រសិនណាអ្នកជំងឺខ្លះគាត់មានលទ្ធភាព គឺមានវិធីប្តូរតម្រងនោមចេញ ហើយការប្តូរ ទៀតសោត បើជោគជ័យអាចរស់នៅបន្ត តែប្រសិនណាបបរាជ័យ គឺស្លាប់។ នេះបើយោងតាម រយៈគេហទំព័រ eatthis បានធ្វើការណែនាំឱ្យដឹងថាប្រភេទអាហារខាងក្រោមនេះ ដែលល្បីខាងបំផ្លាញក្រលៀនឱ្យខូចលែងដំណើរការ មិនអា​ចស្រោចស្រង់មកវិញបានឡើយប្រសិនណា ក្រលៀនខូច។

១.ប្រភេទសាច់យកទៅកែច្នៃ៖ ដូចជាពពួក សាច់ក្រក​​ bacon, sausage, deli meat សម្បូរដោយជាតិសូដ្យូមច្រើន មានន័យថា សម្បូរ ជាតិអំបិល លើសកំណត់ក្នុងការញុំា ដោយជាទូទៅគេតម្រូវ ឱ្យញុំាអំបិលត្រឹមតែ២៣០០មីលីក្រាមប៉ុណ្ណោះ/ថ្ងៃ គឺស្មើ២.៣ក្រាម ។ ក្រៅពីអំបិលគេអាចមានបន្ថែមសារធាតុគីមីដែលគ្រោះថ្នាក់បំផុត ដើម្បីរក្សាទុក ដែលសារធាតុនេះគេប្រើដាក់ក្នុងសាកសពដើម្បីកាត់បន្ថយការភាយក្លិន និងការរលួយសាកសព។ កាលណាញុំាសាច់ប្រភេទសាច់ទាំងនេះ គឺប៉ះពាល់ដល់តម្រងនោម អាចរលាកតម្រងនោម រលាកយូរទៅៗបង្កជាស្វិតតម្រងនោមតូចទៅៗ បណ្ដាលឱ្យខូចកែលែងឡើង។

២.នំភីហ្សា៖ នំភីហ្សាត្រង់ចំណុចនេះ យើងនិយាយពីម្សៅ ដែលគេទុកយូរ ហើយយកមកធ្វើជានំភីហ្សាឬក៏ប្រភេទភីហ្សាយកទៅបង្កក បន្ថែមជាមួយសាច់ក្រកកែច្នៃ ទឹកជ្រលក់​​ សម្បូរជាតិអំបិល ជាតិខ្លាញ់អាក្រក់​ គឺមានហានិភ័យខ្លាំងបំផុត ដល់សុខភាពតម្រងនោម ​ សូមព្យាយាមញុំាប្រភេទនំភីហ្សាធ្វើភ្លាមៗ ល្អជាង។

៣. ជាតិអាល់កុល៖ ជាតិអាល់កុលមានឥទ្ធិពល ទៅបំផ្លាញដល់​ តម្រងនោម (ក្រលៀន) នេះបើតាមការសិក្សាប្រៀបធៀបមួយបានចេញផ្សាយនៅក្នុងទស្សនាវដ្តី Nephrology Dialysis Transplantation បានរកឃើញថា ក្នុងចំណោមក្រុមមនុស្សពេញវ័យចំនួន ៦២៥៩ នាក់ដែលនិយមផឹកគ្រឿងស្រវឹង ឬភេសជ្ជៈដែលមានជាតិអាល់កុល ងាយប្រឈមនឹងជំងឺតម្រងនោមជាងអ្នកធម្មតា។

អត្ថបទដោយ៖ ប៉ែត ធីតា