ស្បែកមុខ ស្បែកខ្លួន បើចង់ឱ្យ ស ប្រហែលជាមិនសូវពិបាកខ្លាំងដូចចង់ឱ្យក្លៀក ស ទេ។ ស្បែកមុខ ស្បែកខ្លួន ជាស្បែកដែលមាំ មិនសូវមានបញ្ហាងាយប្រតិកម្មដូចស្បែកក្លៀកឡើយ ហេតុនេះចង់ឱ្យស្បែកនិងមុខ ស ស្អាតមានជម្រើសច្រើនណាស់ មិនថាផលិតផល ឬសេវាកម្ម។ ដោយឡែកស្បែកក្លៀកវិញ បើខ្មៅហើយពិបាកណាស់ រើសផលិតផលមិនត្រូវ ប្រើមិនស្រួល បែកញើស មានក្លិន ឡើងខ្មៅអាក្រក់លើសដើមក៏មាន។ ដើម្បីឆ្លើយតបបញ្ហានេះ Healthline បានធ្វើការបកស្រាយនូវវិធី៣ជំហាន មិនងាយពេកតែក៏មិនពិបាកខ្លាំង អាចជួយឱ្យក្លៀក ស ស្អាត គ្មានក្លិនអាក្រក់។

មុនចូលដល់វិធីធ្វើឱ្យក្លៀក ស ខ្ញុំសូមរម្លឹកបន្តិចអំពីមូលហេតុដែលធ្វើឱ្យក្លៀកខ្មៅ មានក្លិន មិនស្អាត។ ប្រភពដដែលបានពន្យល់ថា មូលហេតុភាគច្រើនចាប់ពី៧ទៅ៧៤% មនុស្សប្រែពណ៌ស្បែកក្លៀកទៅជាខ្មៅដោយសារតែជំងឺស្បែកមួយប្រភេទឈ្មោះថាacanthosis nigricans (AN) ពោលគឺវាធ្វើឱ្យស្បែកក្លៀកឡើងក្រាស់ ហើយខ្មៅ។ ខណៈមូលហេតុខ្លះទៀត អាចជាសញ្ញានៃជំងឺមួយចំនួនដូចជាជំងឺទឹកនោមផ្អែម ជំងឺធាត់ ផលរំខាននៃថ្នាំមួយចំនួន ឬអាចជាសញ្ញានៃជំងឺមហារីកផងដែរ។

ប្រសិនបើក្លៀកខ្មៅ ព្រោះតែកត្តាសុខភាពឬជំងឺ ប្រហែលជាមិនងាយធ្វើឱ្យ ស វិញទេ ប៉ុន្តែបើមិនមែនក្នុងលក្ខណ្ឌសុខភាព ក្លៀកខ្មៅដោយសារកោរោមច្រើនដងពេក,ដាច់ រលាត់ស្បែក ឬជាំស្បែកក្លៀកនោះ អ្នកអាចធ្វើឱ្យក្លៀក ស វិញតាមវិធីដូចខាងក្រោម៖

១. បញ្ឈប់ការកោរោមក្លៀក៖ ការកោរោម អាចបណ្តាលឱ្យមានការដាច់ រលាត់ស្បែក ដែលងាយធ្វើឱ្យស្បែកទៅជារលាក ឡើងខ្មៅ ជាំក្លៀកជាដើម។ ត្រលប់វិញ អ្នកគួរងាកទៅប្រើកាវបករោម ឬឡាស៊ែរជម្រុះរោមវិញ។ ចង់បានក្លៀក ស ជំហានដំបូងបំផុតគឺអ្នកត្រូវតែមិនមានរោមក្លៀក។

២. ប្រើប្រាស់ស្ក្រាប់ ឬផលិតផលជម្រុះកោសិកា៖ ក្លៀកក៏មិនខុសពីស្បែកមុខ ស្បែកខ្លួនដែរ វាមានកោសិកាថ្មី កោសិកាចាស់ដូចគ្នា ហេតុនេះអ្នកគប្បីជម្រុះកោសិកាចាស់ដោយប្រើផលិតផលធម្មជាតិ គ្មានជាតិកាត់យ៉ាងតិច២ទៅ៣ដងក្នុង១សប្តាហ៍ ដើម្បីឱ្យកោសិកាចាស់ៗចេញអស់ ដុះកោសិកាថ្មីមកស្អាតជាងមុន។ ហាមដាច់ខាត ប្រើផលិតផលជម្រុះកោសិកា ឬស្ក្រាប់ដែលមានជាតិកាត់ខ្លាំង ព្រោះស្បែកក្លៀកអ្នកស្តើងខ្លាំងណាស់។

៣. ប្រើផលិតផលជំនួយក្លៀក៖ ផលិតផលក្លៀកគឺជាអាវុធមុខ២ បើរើសខុស ក្លៀកខ្មៅលើសដើម បើរើសត្រូវក្លៀកនឹងស្អាត សជាងមុន។ អ្នកជំនាញលើកទឹកចិត្តឱ្យរើសប្រភេទផលិតផលដែលផ្សំពីធម្មជាតិ គ្មានជាតិកាត់ខ្លាំង គ្មានសារធាតុគីមីផ្សំដើម្បីឱ្យបានផលលឿនឡើយ។

អមជាមួយការលើកឡើងរបស់Healthline ផលិតផលជំនួយក្លៀកមួយដែលជាប្រ៊េនរបស់ដូនតាខ្មែរ គឺសាជូរដូនតា។ សាជូរដូនតា គឺជាផលិតផលថែរក្សាក្លៀកដែលជារូបមន្តចាស់បុរាណប្រើតាំងពីឆ្នាំ១៩៧៩មកទល់បច្ចុប្បន្ន។ សាជូរដូនតា គឺជារូបមន្តធម្មជាតិ១០០% ផ្តោតសំខាន់លើការជួយឱ្យស្បែកក្លៀកស្អាត បំបាត់ក្លិន បំបាត់បញ្ហាបែកញើស និងជួយឱ្យស្បែកក្លៀកប្រែជា ស បន្តិចម្តងៗតាមធម្មជាតិ។

១ក្លងតម្លៃ២ម៉ឺនរៀលខ្មែរ ប្រើបាន២ទៅ៣ខែ ប្រើត្រឹម១០ទៅ១៥ថ្ងៃនឹងឃើញលទ្ធផលថាប្លែក ហើយអ្វីដែលសំខាន់ ទោះបីជាឈប់ប្រើក៏មិនប៉ះពាល់ មិនត្រលប់មកអាក្រក់លើសដើមដូចផលិតផលគីមីមួយចំនួននោះទេ។ ងាយស្រួលខ្លាំង ទាំងការដាក់តាមខ្លួន និងការប្រើប្រាស់ដោយសារម្សៅសាជូរដូនតាជាប្រភេទសាជូរដែលច្នៃរួចតាមក្បួនធម្មជាតិ។ ងូតទឹករួច ចាក់លើដៃបន្តិចលាបលើក្លៀក ដូចលាបម្សៅលើមុខអ៊ីចឹង គឺងាយស្រួលខ្លាំង។ មួយថ្ងៃ ត្រឹមតែ១ដង ២ដង ឬ៣ដងក៏បាន មិនប្រកាន់ពេលវេលា ប្រកាន់តិចច្រើននោះឡើយ។

ចុងក្រោយ Healthline ក៏បានណែនាំបន្ថែម ការបញ្ឈប់ការជក់បារីប្រសិនបើអាច, ស្លៀកពាក់ខោអាវរលុងៗកុំរឹបតឹងនៅក្លៀកខ្លាំងពេក និងសម្អាតអនាម័យក្លៀកឱ្យបានជាប្រចាំ។ តោះអ៊ីចឹងសាកអនុវត្តទាំងអស់គ្នាណា! ក្លៀកស្អាត ជឿជាក់ មិនមានផលរំខាន អាចសាកបានតាមវិធីងាយៗខាងលើនេះ៕

អត្ថបទដោយ៖ កញ្ញា លីហួយ