វីតាមីន C គឺជាវីតាមីនរលាយក្នុងទឹក និងជាសារធាតុប្រឆាំងអុកស៊ីតកម្មដែលអាចជួយកែលម្អស្បែករបស់អ្នក និងរក្សាប្រព័ន្ធភាពស៊ាំរបស់អ្នកឱ្យមានសុខភាពល្អ ថែមទាំងអាចជួយបង្ការជំងឺកាចៗមួយចំនួនបានផងដែរ។ វីតាមីនមួយប្រភេទនេះក៏ត្រូវបានគេបង្ហាញថាមានអត្ថប្រយោជន៍សម្រាប់កាត់បន្ថយហានិភ័យនៃការវិវត្តទៅជាជំងឺរ៉ាំរ៉ៃដូចជាមហារីក atherosclerosis ជំងឺទឹកនោមផ្អែម ជំងឺសរសៃប្រសាទ បានផងដែរ។យោងទៅតាម ប្រសាសន៍របស់វេជ្ជបណ្ឌិត Mareiniss ក្នុងគេហទំព័រ eatthisបានឱ្យដឹងថាវីតាមីនស៊ីអាចជួយ៖
១. អាចជួយឱ្យរាងកាយរបស់អ្នកជាសះស្បើយ ៖ "វីតាមីន C គឺជាសមាសធាតុសំខាន់អាចជួសជុលនិងធ្វើឱ្យជាលិកាភ្ជាប់គ្នាបានល្អវិញ ជាពិសេសអាចជួយក្នុងការព្យាបាលមុខរបួស" ។
២. មានថាមពលប្រឆាំងអុកស៊ីតកម្ម ៖ វីតាមីន C គឺជាសារធាតុប្រឆាំងអុកស៊ីតកម្ម មានន័យថា ពួកគេអាចជួយការពារការបំផ្លាញកោសិកាដែលបណ្ដាលមកពីមូលហេតុផ្សេងៗដែលអ្នកមានទម្លាប់ខុសរាល់ថ្ងៃ។
៣.វីតាមីន C អាចជំរុញការផលិតខូឡាជេនរបស់អ្នក ៖ វីតាមីន C "ត្រូវបានទាមទារសម្រាប់ការសំយោគកូឡាជែន"។ នេះជាមូលហេតុដែលវាជាសារធាតុផ្សំសំខាន់ក្នុងផលិតផលថែរក្សាស្បែកជាច្រើនមុខ។
៤.អាចជួយការពារការកើតជំងឺមហារីក ៖ វីតាមីន C អាចជួយការពារជំងឺមហារីកបាន។ ពួកគេបានបង្ហាញឱ្យដឹងថា "ការសិក្សាលើករណីភាគច្រើនបានរកឃើញទំនាក់ទំនង រវាងការទទួលទានវីតាមីន C ដែលមានក្នុងរបបអាហារ អាចបង្ការជំងឺហារីកសួត សុដន់ ពោះវៀនធំ ក្រពះ មាត់ ឬបំពង់ក និងបំពង់អាហារ"។
៥.អាចជួយពង្រឹងសុខភាពបេះដូង ៖ ការសិក្សាដ៏ធំបំផុតមួយ ដែលពាក់ព័ន្ធនឹងស្ត្រីជាង ៨៥ ០០០នាក់ បានរកឃើញថា ការទទួលទានវីតាមីន C ទាំងក្នុងទម្រង់របបអាហារ និងអាហារបំប៉នបានកាត់បន្ថយហានិភ័យនៃជំងឺសរសៃឈាមបេះដូងបានយ៉ាងល្អ
៦.ជួយការពារភ្នែកពីការបាត់បង់គំហើញ ៖ វីតាមីន C អាចព្យាបាលជំងឺភ្នែកឡើងបាយដែលទាក់ទងនឹងអាយុ និងជំងឺភ្នែកឡើងបាយ ដែលបណ្ដាលមកពី ការបាត់បង់ការមើលឃើញនៅពេលវ័យកាន់តែចាស់។
៧.ការពារជំងឺក្រិនសរសៃឈាម ៖ សញ្ញានៃ scurvyអាចលេចឡើងក្នុងរយៈពេលមួយខែនៃកង្វះវីតាមីន C ។ មានរោគសញ្ញាដំបូងមានដូចជា អស់កម្លាំង ល្ហិតល្ហៃ និងការរលាកពិសេសចំពោះអ្នកហាត់ប្រាណនិងមានសញ្ញានៃការបាក់ទឹកចិត្ត និងហើមអញ្ចាញធ្មេញ ។
រាល់វីតាមីនគឺសំខាន់ណាស់សម្រាប់រាងកាយ និងសារធាតុចិញ្ចឹមផ្សេងៗដែលមានក្នុងអាហារ ហេតុនេះបងប្អូនត្រូវមានទម្លាប់ញុំាបន្លែផ្លែឈើត្រីសាច់ ស្រស់ៗល្អ ហើយសម្បូរជីវជាតិនោះទើបអាចការពារនិងទ្រទ្រង់រាងកាយយើងបានល្អ។បន្ថែមពីនេះបងប្អូនក៏ត្រូវទទួលយកនូវវីតាមីនឬសារធាតុចិញ្ចឹមនីមួយៗក្នុងបរិមាណសមល្មមផងដែរបើច្រើនពេកក៏មិនល្អដល់សរីរាង្គផងដែរ។
អត្ថបទដោយ៖ ជុជ ណាឃីម