ដូចនេះ អ្នកកុំខ្វល់ច្រើនពេកសម្តីបង្កការឈឺចាប់ដល់បេះដូងរបស់អ្នក។ ចូរអ្នកខ្វាយខ្វល់ពីខ្លួនឯងថា ថ្ងៃនេះខ្លួនបានរីកចម្រើនអ្វី? ចំណែកធ្វើការវិញ មានលទ្ធផលអ្វីខ្លះ? ហើយចូលអ្នកចំណាយពេលមួយថ្ងៃ ១០នាទី គិតពីចំណុចខ្វះខាតរបស់អ្នក រួចកក់ត្រាពីចំណុចដែលខ្លួនអ្នកកែលម្អែ។ ពេលអ្នកផ្តោតការគិតពង្រីកខ្លួន ពង្រឹងសមត្ថភាពបែបនេះ សម្តីអ្នកដទៃគ្រាន់តែជាផ្សែងគ្មានឥទ្ធិពលមកលើចិត្តអ្នកទេ។ គ្រាន់តែអ្នកគិតថា មនុស្សនៅក្នុងសង្គមនេះ ចូលនិយាយច្រើនជាងធ្វើ ហើយពេលខ្លះគេនិយាយមើលងាយអ្នក គ្រាន់តែគេឃើញមួយជ្រុងនៃជីវិតអ្នកតែប៉ុណ្ណោះ។

បើពួកគេធ្វើច្រើនមែន គេនឹងយល់ថា មនុស្សម្នាក់ៗ សុទ្ធតែមានចំណុចខ្សោយ ឬមានកំហុស ពេលគេយល់ឃើញបែបនេះ សម្តីមើលងាយក្នុងចិត្តគេលែងមានទៀតហើយ គេមានគំនិតបែបស្ថាបនា បែបលើកទឹកចិត្ត និងជួយថែមទៀត។ ដូចនេះ អ្នកកុំខ្វល់សម្តីអ្នកដទៃច្រើន ចូរអ្នកខ្វល់ពីការងារ បន្តផ្តោតលើលទ្ធផល ដើម្បីផ្លាស់ប្តូរអនាគតឱ្យប្រសើរឡើងជានិច្ច។ ចិត្តរឹងមាំពេលអ្នកបន្តបណ្តុះសមត្ថភាព មិនបោះបង់ក្តីស្រមៃ មិនមែនអង្គុយពិបាកចិត្តជាមួយសម្តីអ្នកដទៃនោះទេ។ អនាគតនិងការខំប្រឹងរបស់អ្នក វាពិតជាមានតម្លៃជាងសម្តីមើលងាយគេឆ្ងាយណាស់។

២. មនុស្សមើលឃើញពីភាពជោគជ័យរបស់អ្នក តែពួកគេមិនងាយមើលមិនឃើញពីតម្លៃការប្រឹងប្រែរបស់អ្នកទេ។ ពេលអ្នកជោគជ័យមិនខ្វះទេមនុស្សរាប់អានអ្នក ប៉ុន្តែពេលអ្នកធ្លាក់ខ្លួន ជាពេលអ្នកស្គាល់ពីខ្លួនឯង និងមនុស្សជុំវិញខ្លួនច្បាស់ដូចជាពន្លឺថ្ងៃ។ មនុស្សភាគច្រើនមើលឃើញពីភាពជោគជ័យរបស់លោក Elon Musk ជាម្ចាស់ក្រុមហ៊ុនធំៗ និងមានលុយរាប់ពាន់លានដុល្លារ តើពីក្រោយខ្នងគាត់ហែងឆ្លងកាត់រឿងអ្វីខ្លះ? គាត់ត្រូវបានគេដកចេញពីក្រុមហ៊ុន Zip2 បរាជ័យផលិតគ្រាប់រ៉ុតកែតអស់លុយរាប់លានដុល្លារ ជិតស្លាប់ព្រោះតែជំងឺគ្រុនឈាម...អ្នកឃើញទេ! ការឈឺចាប់ ការប្តូរជីវិត ការប្រឹងប្រែង និងបញ្ហារាប់មិនអស់របស់គាត់...កម្រមនុស្សឃើញណាស់!

បើគេមើលមិនឃើញតម្លៃរបស់អ្នក វាជារឿងធម្មតាទេ នៅក្នុងសង្គមនេះ។ ព្រោះតែមនុស្សយើងមួយភាគធំ។ កម្រមនុស្សលើកអ្នកខ្ពស់ជាងខ្លួនគេណាស់។ គេតែងតែមើលតម្លៃមិនស្មើគេនោះទេ។ ហើយពេលខ្លះ គេជ្រិញជោគជ័យរបស់អ្នកក្នុងចិត្តថែមទៀត ប៉ុន្តែមាត់គេនិយាយថា សូមអបអរផង... ខ្ញុំនិយាយនេះ មិនមែនឱ្យអ្នកស្អប់មនុស្សទេ។ គ្រាន់តែមានន័យថា គេឱ្យតម្លៃអ្នក ឬមួយគេមិនឱ្យតម្លៃអ្នក កុំទាមទារតម្លៃពីគេ គ្រាន់តែអ្នកដឹងថា ខ្លួនមានតម្លៃសម្រាប់ខ្លួនឯងបានហើយ រួចបន្តខំប្រឹងទៅមុខទៀត។ ពេលអ្នកគិតបែបនេះ វាធ្វើឱ្យចិត្តស្ងប់ មានថាមពលរស់ជាមួយខ្លួនឯង៕ អត្ថបទដោយ៖ ទ្រ សុភាព