តាមអ្នកឧកញ៉ាវេជ្ជបណ្ឌិត គួច ម៉េងលី បានប្រាប់ថា អាហារមានខ្លាញ់ច្រើននាំឱ្យកើនជាតិខ្លាញ់នៅក្នុងសរសៃឈាម អាចមកពីខ្វះការលំហាត់ប្រាណ។ មួយវិញទៀតសម្ពាធឈាមកើនឡើងខ្ពស់ដោយសារការញ៉ាំអាហារមានរសជាតិប្រៃនិងជាតិផ្អែមដែលបង្កជាខ្លាញ់ នេះជាការបន្ថែមបង្ហាញពីបញ្ហាសុខភាព។ ដើម្បីការពារខ្លួនពីជំងឺនេះ ត្រូវទទួលទានអាហាររសជាតិសាប និងកាត់បន្ថយជាតិស្ករ ព្រមទាំងញ៉ាំអារហារណាដែលសម្បូរជាតិប៉ូតាស្យូម (potassium)”។ បើអ្នកចង់ការពារកាត់បន្ថយហានិភ័យនៃជំងឺលើសសម្ពាធឈាមនេះ អ្នកគួរញ៉ាំអាហារ ២នេះ៖
១. ខ្ទឹមស៖ និយាយទៅខ្ទឹមសពិតជាមានអត្ថប្រយោជន៍អាចជួយបញ្ចុះសម្ពាធឈាមដោយសារតែវារាំងស្ទះដល់ការផលិតអ័រម៉ូន angiotensin ២ វាជាអ័រម៉ូនធ្វើធ្វើឱ្យសរសៃឈាមរួមតូច រក្សាជាតិអំបិល និងទឹកនៅក្នុងខ្លួនច្រើនធ្វើឱ្យសម្ពាធឈាមកើនឡើង។ តាមគេហទំព័រ Clevelandclinic បានឱ្យដឹងថាការញ៉ាំខ្ទឹមសជួយសុខភាពសរសៃឈាមរបស់អ្នកបានល្អណាស់ក្នុងការបញ្ចុះសម្ពាធឈាម និងធ្វើឱ្យសរសៃឈាមរីកធំបាន។ ទាំងខ្ទឹមសនិងខ្ទឹមបារាំងសុទ្ធតែផ្សំឡើងដោយសមាសធាតុសំខាន់ៗ (Adenosin) ដែលធ្វើឱ្យសាច់ដុំរបស់អ្នករលាក់បន្តិចក៏ដោយ។
២. សណ្តែកអ្វី?៖ ជាគ្រាប់ធម្មជាតិដែលមានផ្ទុកនូវសារធាតុប្រឆាំងមហារីកជាច្រើន រួមទាំងអ៊ីសូហ្វ្លាវ៉ូន សារធាតុ phytosterols ដែលរារាំងការស្រូបយកកូលេស្តេរ៉ុលដែលបណ្តាលឱ្យកម្រិតកូឡេស្តេរ៉ុលក្នុងឈាមថយចុះ។ មិនតែប៉ុណ្ណោះទេ ព្រោះសណ្តែតសៀងមានអត្ថប្រយោជន៍ជួយរក្សាកម្រិតសម្ពាធឈាមក្នុងរាងកាយកុំឱ្យលើស។
ការញ៉ាំសណ្តែកសៀងដែលផ្សំគ្នាជាមួយនឹងរបបអាហារមានបន្លែផ្លែនិងឈើខ្ពស់នោះ វាជួយឲ្យសម្ពាធឈាម Systolic ចុះច្រើនរហូតដល់ ១០មីលីម៉ែត្រប៉ារត។ ហើយវាបង្កើនឱកាសកុំឲ្យវិវត្តទៅរកជំងឺលើសសម្ពាធឈាមពេលអនាគត។ សណ្តែកសៀងសារធាតុ Isoflavones បង្កើនការផលិតអង់ស៊ីមរបស់រាងកាយដែលបង្កើតជាសារធាតុ Nitric Oxide សម្រាប់ជួយធ្វើឲ្យសរសៃឈាមរីកធំ ដូច្នេះវាក៏នឹងជួយបញ្ចុះសម្ពាធឈាមផងដែរ។ ដូចនេះហើយ ការញ៉ាំអាហារទាំង ២នេះ វាពិតជាមានអត្ថប្រយោជន៍ដល់សុខភាពរបស់សរសៃឈាមណាស់។ ព្រោះវាជួយបញ្ចុះសម្ពាធឈាមរបស់យើងពីវ័យក្មេង កុំឱ្យចាស់ឡើងមានបញ្ហាលើសឈាមជាដើម៕ អត្ថបទដោយ៖ ទ្រ សុភាព
អ្នកអាចតាមដានផេកថ្មី គឺផេកកម្មវិធី លំហូរចិត្ត
អ្នកអាចទិញសៀវភៅ លំហូរចិត្ត តាមនេះ https://t.me/BusinessCambodiaBook
