១. កូនត្រូវចេះបើកបរយានជំនិះដោយខ្លួនឯង។ នេះមិនសំដៅថា កូនត្រូវចេះបើកឡាន ដើម្បីបង្អួតអ្នកដទៃក្នុងសង្គមទេ។ ផ្ទុយទៅវិញកូនអាចមានសេរីភាពទៅណាមកណាដោយខ្លួនឯងបានដោយមិនចាំបាច់ពឹងអ្នកដទៃ (សេរីភាពស្ថិតនៅក្នុងដៃកូន)។

២. កូនត្រូវរៀនពីរបៀបចម្អិនអាហារ ពីព្រោះថានៅពេលដែលឪពុកម្ដាយរបស់កូនមិននៅក្បែរ។ កូនអាចមើលថែខ្លួនឯង ហើយអាចចម្អិនអាហារឱ្យខ្លួនឯងញ៉ាំបាន។ ការចេះនេះមិនសំដៅថា កូនត្រូវចេះធ្វើម្ហូបដើម្បីបម្រើនរណាម្នាក់នោះទេ (កូនត្រូវរៀនរស់នៅដោយភាពឯករាជ្យជារបស់ខ្លួន)។

៣. ទាន់វ័យកូននៅក្មេង កូនមានពេលគ្រប់គ្រាន់ កូនត្រូវតែរៀន។ នៅពេលកូនធំទៅកូននឹងមានបទពិសោធន៍ និងចំណេះដឹងដ៏រឹងមាំដែលជារបស់ខ្លួន ហើយកូនត្រូវប្រើបទពិសោធន៍ និងចំណេះដឹងនោះមកកសាងជីវិត។ (ពាក្យថា រៀន មិនមែនរៀនតែនៅសាលានោះទេ កូនត្រូវរៀនពីមនុស្សជុំវិញខ្លួន ទើបជីវិតរបស់កូនរឹងមាំ)។

ដូច្នេះឪពុកម្ដាយទាំងអស់គ្នាអាចយកក្បួនវិន័យទាំង ៣នេះ ទៅអប់រំកូនឱ្យបានល្អ។ ពេលអ្នកផ្តល់គំនិតឱ្យកូន កូនលោកអ្នកកាន់តែមានសមត្ថភាពពូកែមិនងាយចាញ់ច្រាបគេទេ និងហ៊ានតតាំងជាមួយអ្នកដទៃក្នុងសង្គមផងដែរ។ បើកូនអ្នកចង់សម្រេចអ្វីមួយ គឺកូនអ្នកត្រូវការភាពក្លាហាននេះឯង៕ អត្ថបទដោយ៖ ទ្រ សុភាព