រចនាសម្ព័ន្ធរបស់ឆ្អឹងគឺជាឃ្លាំងមួយដ៏សំខាន់ដែលផ្ទុកនូវសារជាតិកាល់ស្យូម និងសារធាតុរ៉ែផ្សេងៗ ទៀតសម្រាប់តម្រូវរបស់រាងកាយ។ ជំងឺពុកឆ្អឹងគឺជាប្រភេទនៃជំងឺមួយដែលគួរមនុស្សគ្រប់រូបត្រូវតែ មានការប្រុងប្រយ័ត្ន និងយកចិត្តទុកដាក់ដោយសារតែជំងឺប្រភេទនេះអាច នឹងមិនបង្ហាញ ឬកម្រនឹង លេចចេញនូវរោគសញ្ញាណាមួយគួរឱ្យគត់សម្គាល់នោះទេ។ នៅពេលដែលមានការបាត់បង់នូវកំហាប់ របស់ឆ្អឹងដែលអាចបង្កទៅជាបញ្ហានៃការផ្លាស់ប្តូរស្ថានភាពឆ្អឹងដែលធ្វើឱ្យលេចចេញនូវអាការៈនៃការឈឺចាប់។
សញ្ញាសំគាល់មួយ ឬច្រើនសម្រាប់ករណីលើជំងឺពុកឆ្អឹង ត្រូវបានចង្អុលបង្ហាញនៅក្នុងលទ្ធផលនៃការ ធ្វើតេស្តឈាម ដូចជាការថយចុះនៃកម្រិតនៃវិតាមីនឌី។ ដោយសាតែរោគសញ្ញានៃជំងឺពុកឆ្អឹងអាច មានការវិវត្តយឺតដែលជាមូលហេតុធ្វើឱ្យបុគ្គលជាច្រើន តែមើលរំលង និងមានការប្រងើយកន្តើយនឹង សញ្ញាព្រមាន។ការមានអាការៈចុករោយនៅតាមម្រាមដៃ និងការបង្កជាបញ្ហាលើសកម្មភាពផ្សេងៗ រោគសញ្ញានៃជំងឺពុកឆ្អឹងក៏បានស្តែងឡើងដូចជា៖
- បាត់បង់កម្ពស់ ដោយសារតែភាពចុះខ្សោយនៃខួរឆ្អឹងខ្នង
- មានអាការៈឈឺខ្នងដោយសារតែស្រុត ឬបាក់នៃឆ្អឹងកងខ្នង
- ស្ថានភាពលំនឹងជំហរនៃដងខ្លួនមានសភាពខ្សោយ
- មានស្ថានភាពលំបាកក្នុងការធ្វើសកម្មភាពសាមញ្ញៗ ដូចជាករណីក្រោកឈរជាដើម
ជំងឺពុកឆ្អឹងអាចកើតមានឡើងទាំងបុរស និងស្រ្តី ប៉ុន្តែសម្រាប់ស្រ្តីគឺងាយប្រឈមនឹងជំងឺនេះណាស់ដោយសារតែមកពីការផ្លាស់ប្តូរអ័រម៉ូននៅពេលវ័យចំណាស់។ រោគសញ្ញានៃជំងឺពុកឆ្អឹងអាចបណ្តាល ឱ្យមានអាការៈឈឺចាប់ពិសេសនៅត្រង់ខ្នង ក ត្រគាក និងកដៃជាដើម។ ការជួបពិភាក្សា ឬធ្វើការ ព្យាបាលជាមួយគ្រូពេទ្យជំនាញគឺជាតម្រូវការមួយដ៏ជាក់លាក់បំផុតក្នុងការវាយតម្លៃពីសា្ថនភាពជំងឺ៕
អត្ថបទដោយ៖ សែម សុធារី