ស្បូនគឺជាសរីរាង្គសំខាន់បំផុតក្នុងរាងកាយរបស់មនុស្សស្រី ជាក់ស្ដែងសរីរាង្គនេះគឺងាយនឹងប្រឈមជំងឺដូចគ្នា ហើយជំងឺខ្លះមិនទាំងដឹងទៀតថាកើត ដូច្នេះហើយការពិនិត្យសុខភាពស្បូនគឺជារឿងសំខាន់បំផុតមួយមិនអាចមើលរំលងបានឡើយ។
ជាមួយគ្នានេះដែរ យោងតាមរយៈការចែករំលែករបស់មន្ទីរពេទ្យកាល់ម៉ែត បានបញ្ជាក់ឱ្យដឹងថា ជំងឺស្អិតស្បូនជាមូលហេតុធ្វើអោយស្ត្រីមានវិបត្តិគ្មានកូន មានរដូវមិនទៀងទាត់ និងឈាមរដូវតិច ដែលបណ្តាលមកពីភ្នាសក្នុងស្បូនស្អិតជាប់គ្នាស្ទើរតែទាំងអស់។
ចំពោះរោគសញ្ញានៃជំងឺស្អិតស្បូនរួមមានដូចខាងក្រោមនេះ ៖
- ស្ត្រីមានរដូវតិចតួចក្នុងករណីភ្នាសក្នុងស្បូនស្អិតខ្លះនៅផ្នែកណាមួយ
- ស្ត្រីពុំមានរដូវទាំងវ័យក្មេងក្នុងករណីភ្នាសក្នុងស្បូនស្អិតទាំងស្រុង
- ស្ត្រីមានផ្ទៃពោះឧស្សាហ៍រលូតនៅត្រីមាសទី១
- ស្ត្រីធ្លាប់មានរោគសញ្ញាឈឺចាប់ក្នុងអាងត្រគាករ៉ាំរ៉ៃពីមុនមក
- ស្ត្រីធ្លាប់មានជំងឺរលាកដៃស្បូន
- ស្ត្រីធ្លាប់មានប្រវត្តិធ្លាក់ស និងក្លាយរោគ ដោយធ្លាក់ស និងមានធុំក្លិន។
ចំពោះមូលហេតុបង្កមួយចំនួនធ្វើឱ្យអ្នកប្រឈមនឹងជំងឺស្អិតស្បូនឡើងមក៖
- ជំងឺនេះកើតមកពីការរលាកភ្នាសក្នុងស្បូនរ៉ាំរ៉ៃ (Endometritis)
- ស្ត្រីធ្លាប់ធ្វើការរំលូតកូនជាញឹកញាប់ (Frequency abortion)
- ស្ត្រីមានរលាកអាងត្រគាក (Pelvic inflammatory)
អាស្រ័យហេតុដូចនេះហើយ បើស្រ្តីមានរោគសញ្ញាដូចបានរៀបរាប់ខាងលើ កុំទុកយូរគូរប្រយ័ត្នជួបពេទ្យជំនាញដើម្បីពិគ្រោះឱ្យបានទាន់ពេល វេលា ឬក៏អញ្ញើញមកពិនិត្យនិងព្យាបាលនៅមន្ទីរពេទ្យកាលម៉ែតបាន ដោយសារមន្ទីរពេទ្យមានឧបករណ៍ទំនើបៗសម្រាប់ព្យាបាលជូនបងប្អូនប្រកបដោយប្រសិទ្ធភាព ដោយខាងមន្ទីរពេទ្យមាន ឧបករណ៍ឆ្លុះស្បូន (Hysterocopy diagnosis) ហើយព្យាបាលដោយការវះកាត់តាមរយៈ ម៉ាស៊ីនឆ្លុះស្បូននេះនៅភ្នាសក្នុងរបស់ស្បូន (Hysteroscopy operative) នៅពេលនោះស្បូនស្ត្រីអាចវិវត្តមក សភាពធម្មតាវិញ និងអាចមានកូន ដោយលែងរលូតទៅថ្ងៃក្រោយ៕