នាង Eliza Cheng ជាអ្នកជំនាញខាងចំណីអាហារនៅរដ្ឋកាលីហ្វ័រញ៉ាបានលើកឡើងថា ការរស់នៅមានសុខភាពទាំងរាងកាយ និងផ្លូវចិត្ត អាហារជាមួយពិតជាសំខាន់ណាស់។ គោលដៅចុងក្រោយរបស់ខ្ញុំគឺលើកទឹកចិត្តអតិថិជនរបស់ខ្ញុំឱ្យយកចិត្តទុកដាក់លើអាហារដែលផ្តល់ថាមពលដល់ពួកគេហើយឱ្យពួកគេឱ្យជៀសវាងអាហារកែច្នៃជ្រុល និងខ្វះសារធាតុចិញ្ចឹមសំខាន់ៗ ចេញពីជីវិត។ ខាងក្រោមនេះជាមូលហេតុដែលខ្ញុំឲ្យអ្នកប្រុងប្រយ័ត្នបំផុត៖
១. ភេសជ្ជៈប៉ូវកម្លាំងបង្កឱ្យរំខានដំណេក និងចំណង់អាហារ៖ គ្រឿងផ្សំសំខាន់មួយនៅក្នុងភេសជ្ជៈប៉ូវកម្លាំងជាច្រើនដែលជាតិកាហ្វេអ៊ីន។ វាអាចធ្វើឱ្យប្រសើរឡើងនៅការផ្តោតអារម្មណ៍ ប៉ុន្តែវាក៏ឱ្យផលប៉ះពាល់ដូចជាការកើនឡើងអត្រាបេះដូង សម្ពាធឈាមខ្ពស់ និងការថប់បារម្ភដែរ។ ហើយវាបន្តរំខានដល់ការគេង។ គ្រាន់តែចៀសវាងភេសជ្ជៈដែលមានជាតិកាហ្វេអ៊ីន កុំឱ្យរំខានការគេងនោះ វាជួយអ្នកកាត់បន្ថយការស្លាប់មុនអាយុផផងដែរ។
២. ភេសជ្ជៈប៉ូវកម្លាំងអាចបង្កើនជាតិស្ករក្នុងឈាម ហើយបង្កើនការរលាកលឿន៖ ភេសជ្ជៈប៉ូវកម្លាំងធម្មតាមួយកំប៉ុងមានជាតិស្កររហូតដល់ 30ក្រាមហើយ។ ជាតិស្ករច្រើនពេកអាចរួមចំណែកដល់បញ្ហាសុខភាពផ្សេងៗ រួមទាំងការកើនឡើងនៃការរលាក កើនទឹកនោមផ្អែម និងបញ្ហាធ្មេញឆាប់ពុកលឿន។ បើអ្នកចង់រស់នៅមានអាយុវែង លុះត្រាអ្នកមានសុខភាពល្អ ដើម្បីមានសុខភាពល្អ អ្នកត្រូវតែតមភេសជ្ជៈឬអាហារមានជាតិផ្អែមៗ ចេញ។
៣. ផឹកស្រាខូចសតិខួរក្បាល៖ មួយទៀតជាតិអាល់កុលមានក្នុងស្រា ដែលចូលក្នុងចរន្តឈាម ក៏ប៉ះពាល់ដល់ចង្វាក់បេះដូងរបស់អ្នក ធ្វើឱ្យជីបចររបស់យើងដើរមិនស្រួល ជាចុងក្រោយកាលណា ចរន្តឈាមដើរមិនស្រួល និងធ្វើឱ្យអ្នកមានបញ្ហា stroke (ពិការភាព) ឡើងមកនៅថ្ងៃមុខ ក៏ប៉ុន្ដែការទទួលទានប្រភេទស្រាក្រហម ដែលសម្រាប់មនុស្សប្រុសគេណែនាំឱ្យទទួលទាន២កែវក្នុង១ថ្ងៃ សម្រាប់ស្រ្តី១កែវក្នុង១ថ្ងៃ ការទទួលទានត្រូវបរិមាណបែបនេះគឺ ជួយដល់សុខភាពបេះដូង ឈាមរត់ស្រួល តែបើលើសគឺនឹងជួបផលវិបាកអាយុខ្លីផងដែរ។ បើអ្នកចង់កើនអាយុ ១០ឆ្នាំ ដកខ្លួនរសនៅឆ្ងាយពីស្រា មានន័យថាអ្នកដកខ្លួនចេញពីជំងឺផងដែរ៕ អត្ថបទដោយ៖ ទ្រ សុភាព