ការធ្វើអ្វីក៏ដោយ ក៏ត្រូវជំនឿចិត្តដែរ។ បើអ្នករកស៊ីគ្មានជំនឿចិត្តទេ ការរកស៊ីនឹងខាត។ បើអ្នកលេងបាល់ទាត់គ្មានជំនឿលើខ្លួនឯង អ្នកនឹងជួបការបរាជ័យជាមិនខានឡើយ។ មនុស្សគ្មានជំនឿលើខ្លួនឯង ធ្វើឱ្យគ្រោះថ្នាក់ដល់អនាគតខ្លាំងណាស់។ ហើយធ្វើឱ្យគេរស់នៅក្នុងការភ័យខ្លាចផងដែរ។ ចូរធ្វើរឿង ៣នេះបណ្តុះជំនឿចិត្តពីលោកAndrew Matthews ។
១.កាន់តែចាប់ផ្តើមកាន់តែរីករាយ៖ មនុស្សភាគច្រើនភ័យខ្លាចក្នុងការចាប់លើរឿងអ្វីមួយតាមក្តីសុបិនរបស់ខ្លួន វាធ្វើឱ្យផ្លូវចិត្តរបស់អ្នកគេកាន់តែចុះខ្សោយគ្មានជំនឿលើខ្លួនឯង។ តាមលោក Matthews បញ្ជាក់ថា អ្នកកាន់តែមានថាមពលនិងក្តីរីករាយច្រើនឡើងចំពោះកិច្ចការណាមួយនៅពេលអ្នកចាប់ផ្តើមធ្វើវា។ ថាមពលជំនឿដែលអ្នកទទួលបាន វាជាលទ្ធផលនៃសកម្មភាពក្នុងធ្វើកិច្ចការរបស់អ្នក។ ដូច្នេះ ចូរអ្នកចាប់ផ្តើមធ្វើសកម្មភាពជាមុនសិន ទើបចិត្តអ្នកមានជំនឿ។ អ្នកមានកម្លាំងចិត្តតាមរយៈធ្វើសកម្មភាព មិនមែនតាមរយៈការអង្គុយគិតត្រឹមតែចង់នោះទេ។ ចូរអ្នកចាប់ផ្តើមសកម្មភាព អ្នកនឹងរីករាយ ហើយឱ្យរំលេចឱកាសឲ្យអ្នកឃើញថែមទៀត។ ចូរបោះជំហានទៅមុខណា!
២. តាំងចិត្តមាំកាន់តែមានជំនឿលើខ្លួនឯង៖ មានមនុស្សជាច្រើនឆ្ងល់ថាហេតុអ្វីបានជាជីវិតរបស់ពួកគេមិនមានដំណើរការល្អបែបនេះឬបែបនោះ។ តាមលោក Matthews បញ្ជាក់ថា ចូរតាំងចិត្តចំពោះអ្វីមួយតែនៅពេលណាដែលអ្នកដឹងខ្លួនឯងច្បាស់ ថាធ្វើវានោះ អ្នកនឹងមានជំនឿលើខ្លួនឯង និងអនាគតមិនខានឡើយ។ ចូររៀនបង្កើតការតាំងចិត្តដើម្បីធ្វើការពាក្យសន្យាសម្តីរបស់ខ្លួន ធ្វើឱ្យអ្នកជាមានជំនឿលើខ្លួនឯង។ ការមានជំនឿលើខ្លួនឯ អ្វីក៏ដោយឲ្យតែអ្នកបានហារមាត់និយាយរួចទៅហើយ ពាក្យរបស់អ្នកនឹងក្លាយជាច្បាប់គ្រប់គ្រងលើចិត្តអ្នក ដូចនេះ អ្នកត្រូវតាំងចិត្តចាប់ផ្តើរឿងមួយអ្វីមតាមក្តីស្រមៃ អ្នករស់នៅកាន់តែមានជំនឿលើខ្លួនឯង។
៣. ភាពក្លាហាន៖ បុគ្គលក្លាហានមិនមែនមានន័យថាគេគ្មានសេចក្តីភ័យខ្លាចនោះទេ។ ភាពក្លាហានជាការហ៊ានធ្វើសកម្មភាពនៅក្នុងពេលអារម្មណ៍កំពុងតែភ័យខ្លាចនេះឯង ពេលអ្នកឆ្លងវាផុត អ្នកនឹងមានជំនឿចិត្តលើខ្លួនឯងនិងអនាគត។ មនុស្សដែលមិនហ៊ានប្រថុយធ្វើអ្វីសោះនៅក្នុងជីវិតជាមនុស្សដែលមានសេចក្តីក្លាហាន។ ការភ័យខ្លាចច្រើនដូចជាមនុស្សដែលកំពុងតែប្រថុយនឹងហានិភ័យធំៗ ផងដែរ។ ហេតុអ្វីក៏អ្នកមិនទទួលយកភាពភ័យខ្លាចដែលកើតចេញអំពីការធ្វើកិច្ចការ សំខាន់ក្នុងជីវិតវិញទៅ? អត្ថបទដោយ៖ ទ្រ សុភាព