រោគសញ្ញាមានមេរោគក្នុងក្រពះទុកយូរអាចរលាកក្រពះ ដំបៅក្រពះ បង្កជាជំងឺមហារីកក្រពះនៅថ្ងៃមុខ
ក្រពះគឺជាសរីរាង្គមួយមានមុខងារសំខាន់បំផុតក្នុងការរំលាយអាហារ។ ក៏ប៉ុន្ដែនាពេបច្ចុប្បន្ននេះមនុស្សជាច្រើនគឺកំពុងតែមានបញ្ហាឈឺក្រពះស្ទើរតែគ្រប់គ្នាទៅហើយ។ តើមូលហេតុអ្វីខ្លះទៅធ្វើឱ្យមនុស្សជាច្រើនឈឺក្រពះដូចជា រលាកក្រពះមេរោគក្នុងក្រពះ ដំបៅក្រពះ រួមទាំងមានអ្នកខ្លះដំបៅយូរៗក្លាយជាមហារីកក៏មានដែរ។
ជាមួយគ្នានេះដែរក្រុមការងារចាបបៃតង សូមធ្វើការលើកយកប្រធានបទមួយដែលនិយាយអំពី មូលហេតុដែលធ្វើឱ្យអ្នកមានបញ្ហារលាកក្រពះ ដំបៅកក្រពះ ឬក៏អាចមានអ្នកខ្លះប្រឈមកើតជំងឺមហារីកក្រពះក៏មានដែរ។
យោងតាមរយៈវេជ្ជបណ្ឌិត គឹម សុធារ៉ាឯកទេសជំងឺក្រពះពោះវៀន ថ្លើម និងឫសដូងបាត បានឱ្យដឹងថា ជំងឺមេរោគក្រពះគឺជាផ្នែកមួយនៃជំងឺក្រពះ ដែលយើងចំណាំថាហៅថាឈឺក្រពះៗ។ ជាទូទៅមេរោគនេះគឺសង្ងំនៅក្នុងក្រពះរបស់យើង វេជ្ជបណ្ឌិតបានបកស្រាយថាមេរោគនេះអាចជចូលនៅក្នុងកោសិកាក្រពះហើយអាច កេចចេញពីអាស៊ីតក្រពះបាន ហើយភាគច្រើនវាអាចចម្លងពីម្នាក់ទៅមនុស្សម្នាក់ទៀត តាមរយៈលាមក តាមរយៈរបបអាហារ ដូចជាការខ្វះអនាម័យ ជាដើម។
ទន្ទឹមនឹងនេះ វេជ្ជបណ្ឌិត បានបកស្រាយឱ្យដឹងថាជាធម្មតា មេរោគក្រពះនេះភាគច្រើនមិនចេញជារោគសញ្ញាគួរឱ្យកត់សម្គាល់នោះទេ។ ក៏ប៉ុន្ដែលុះត្រាតែមេរោគក្រពះនេះបានបង្កទៅជារលាកក្រពះ ដំបៅក្រពះទើបអាចចេញជារោគសញ្ញាដូចខាងក្រោយ៖
-ក្រហាយ ចុក ច្អល់នៅក្នុងពោះ
-អាចក្អួត ចង្អោរ
- ពេលញុំាអាហារចូលទៅឆាប់ឆ្អែត ហើយក៏ឆាប់ឃ្លានមកវិញ តែពេលខ្លះក៏អត់ឃ្លាន
-ចាប់ផ្ដើមចុះគ្រាប់ឈាមអត់ដឹងមូលហេតុ
-បន្ទោរបង់មកមានពណ៌ខ្មៅជាដើម។
អាស្រ័យហេតុនេះហើយវេជ្ជបណ្ឌិតបានណែនាំថាប្រសិនណាមានរោគសញ្ញាទាំងនេះត្រូវប្រញាប់មកពិនិត្យឱ្យបានទាន់ពេលវេលា ជាពិសេសអ្នកមានប្រវិត្តគ្រួសារមានដុំក្នុងក្រពះ រលាកក្រពះ ឬក៏អ្នកដែលប្រើប្រាស់ថ្នាំច្រើនជាដើម។ មួយវិញទៀតទៀតដើម្បីការពារមេរោគក្រពះបងប្អូនគួរតែ បន្ទោរបង់ត្រូវលាងសម្អាតដៃឱ្យបានស្អាត បរិភោគអាហារឱ្យបានស្អាត អនាម័យឱ្យបានត្រឹមត្រូវ(ហូបស្អាត ផឹកស្អាត រស់នៅស្អាត) ជាពិសេសគឺបើអ្នកនៅជាមួយអ្នកដែលមានមេរោគក្រពះស្រាប់គឺកាន់តែត្រូវការពារ ព្រោះមេរោគនេះអាចឆ្លងតាមរយៈទឹកមាត់ និងការប្រើប្រាស់របស់រួមជាដើម៕