កាលពីពេលម្សិលមិញនេះ វីរកីឡាការិនីតេក្វាន់ដូឆ្នើមជម្រើសជាតិកម្ពុជា ស៊ន សៀវម៉ី បានចូលរួមប្រកួតប្រភេទកីឡាតេក្វាន់ដូ វិញ្ញាសាប្រយុទ្ធ នារីទម្ងន់ ៧៣គីឡូក្រាម នៃព្រឹត្តិការណ៍កីឡាអាស៊ីអាគ្នេយ៍ លើកទី៣២ ឆ្នាំ២០២៣ ដោយបានយកឈ្នះកីឡាការិនីឡាវ គ្រងដំណែងមេដាយមាស ខណៈអ្នកនាងខានឡើងប្រកួតយូរឆ្នាំមកហើយ ប៉ុន្តែគាត់នៅតែធ្វើបានល្អយកមេដាយជូនជាតិឲ្យខានតែបាន។
យ៉ាងណាមិញចំពោះជ័យជំនះមួយនេះបានធ្វើឲ្យកីឡាការិនី ស៊ន សៀវម៉ី ផ្ទាល់ពិតជាមានមោទនភាព និងក្ដីរំភើបយ៉ាងខ្លាំង ដោយអ្នកនាងបានបង្ហោះសារយ៉ាងរំជួលចិត្តមួយនៅផេកផ្លូវការផ្ទាល់ខ្លួនបានរៀបរាប់យ៉ាងដូច្នេះថា៖ «ទីបំផុតនាងខ្ញុំធ្វើបានហើយ! អរគុណលោកគ្រូ ក្រុមគ្រួសារទាំងមូលនិងពុកម៉ែ បងប្អូនទាំងអស់សម្រាប់ការលើកទឹកចិត្តនិងការគាំទ្រដ៏ធំធេងមួយនេះ (4 times straight of gold medals) បកប្រែជាភាសាខ្មែរ (៤ដងជាប់គ្នាដែលបានទទួលមេដាយមាស)»។
ដោយឡែកចំពោះកាលពីម្សិលមិញនេះក្រុមការងារចាបតៃងក៏បានធ្វើការសម្ភាសជាមួយនឹងកីឡាការិនី ស៊ន សៀវម៉ី ដោយផ្ទាល់ដែលមុនការប្រកួតនេះអ្នកនាងបានអះអាងយ៉ាងច្បាស់ៗថា៖ «គោលដៅសំខាន់ដែលធ្វើឲ្យអ្នកនាងអាចពុះពារដណ្ដើមបានមេដាយមាសនោះ គឺអ្នកនាងទទួលបានចិត្តយ៉ាងពេញទំហឹងពីសំណាក់មិត្តរួមអាជីព គ្រូ ថ្នាក់ដឹកនាំ រួមទាំងពលរដ្ឋខ្មែរពីគ្រប់ទិសទីដែលពួកគាត់បានគាំទ្រអ្នកនាងយូរមកហើយ ដែលជាហេតុធ្វើឲ្យកំសួលអារម្មណ៍មានការប្ដេជ្ញាយ៉ាងមុតមាំក្នុងដំណើរឈានយកដណ្ដើមយកមេដាយមាសឲ្យខានតែបាន បើទោះបីជាអ្នកនាងមានរយៈពេលហាត់ខ្លីយ៉ាងណាក៏ដោយ» ៕
អត្ថបទដោយ៖ ស្រីណុច
