ប៉ុន្មានឆ្នាំមកនេះឃើញថា ជំងឺទឹកនោមផ្អែម ទឹកនោមប្រៃ បានគម្រាមកំហែងអាយុជីវិតមនុស្សជាច្រើន ទាំងមនុស្សចាស់ មនុស្សពេញវ័យ និងកុមារ។ មានកត្តាជាច្រើនដែលនាំឱ្យមនុស្សឈានទៅរកការកើនទឹកនោមផ្អែមឬទឹកនោមប្រៃបានគឺ កត្តាហ្សែន កត្តាតំណពូជ កត្តារស់នៅមិនបានត្រឹមត្រូវ កត្តាហូបចុក និងកត្តាសំខាន់មួយទៀតនោះគឺមនុស្សភាគច្រើនមិនបានតាមដាន ពិនិត្យសុខភាពនោះទេ។

យោងតាមការណែនាំពីមជ្ឈមណ្ឌលប្រយុទ្ធប្រឆាំងជំងឺឆ្លង cdc សហរដ្ឋអាមេរិកបានឱ្យដឹងថា ដើម្បីបង្ការ ការពារជំងឺទឹកនោមផ្អែម ទឹកនោមប្រៃ ឱ្យបានទាន់ពេលវេលា កុំឱ្យឈានទៅរកជំងឺធ្ងន់ធ្ងរ មនុស្សគ្រប់រូបគួរដឹងពីរបៀបសម្គាល់ទឹកនោម។ ដើម្បីដឹងថា ទឹកនោមអ្នកប្រៃ ផ្អែម ឬទឹកនោមធម្មតា អាចប្រើក្បួនខាងក្រោមបាន៖

១. របៀបសម្គាល់ទឹកនោមផ្អែម

 ជាទូទៅអ្នកដែលមានទឹកនោមផ្អែម ច្រើនតែជួបនូវរោគសញ្ញារួមមាន៖

- ទឹកនោមមានពណ៌ស្រាល ឬពណ៌ស

-ស្រេកទឹកខ្លាំង

-ស្រកទម្ងន់ខុសធម្មតា

-ព្រិលភ្នែក (ខ្សោយភ្នែក)

-នោមញឹកញាប់ ពិសេសនៅពេលយប់

-ស្ពឹកដៃ ស្ពឹកជើង

-ស្បែកស្ងួតខ្លាំង

-មានរបួសមិនងាយជាសះស្បើយ

បើមានអាការៈ និងសញ្ញាទឹកនោមដូចដែលបានរៀបរាប់ខាងលើសូមប្រញាប់ទៅពិនិត្យទឹកនោម។

២. របៀបសម្គាល់ទឹកនោមប្រៃ

ជាទូទៅអ្នកដែលមានទឹកនោមប្រៃ ច្រើនតែជួបនូវរោគសញ្ញារួមមាន៖

- ហើមធ្ងន់ធ្ងរ ជាពិសេសនៅជុំវិញភ្នែក កជើង និងជើង

- ពេលបត់ជើងតូចម្តងៗ ទឹកនោមឡើងពពុះច្រើន ដែលជាលទ្ធផលនៃការកើនឡើងបរិមាណប្រូតេអ៊ីនក្នុងទឹកនោម

- មិនសូវបត់ជើងតូច មានន័យថាផឹកទឹកច្រើនតែមិនសូវបត់ជើង

- ឡើងទម្ងន់ ដោយសារតែការរក្សាសារធាតុរាវក្នុងខ្លួន

- អស់កម្លាំង

- បាត់បង់ចំណង់អាហារ។

បើមានអាការៈ និងសញ្ញាទឹកនោមដូចដែលបានរៀបរាប់ខាងលើសូមប្រញាប់ទៅពិនិត្យទឹកនោម។

៣. របៀបសម្គាល់ថាទឹកនោមធម្មតាមិនមានជំងឺ

ប្រសិនបើអ្នកមានសុខភាពធម្មតា មិនមានជំងឺទឹកនោមផ្អែមឬទឹកនោមប្រៃអ្នកអាចសម្គាល់បានតាមរយៈ

- ការបត់ជើងតូចធម្មតា១ថ្ងៃ៤ទៅ៨ដង

- ទឹកនោមមិនមានពពុះ

- ទម្ងន់ធម្មតាមិនឡើងមិនចុះ

- មិនអស់កម្លាំង ឃ្លានអាហារធម្មតា...។

សរុបមកវិញក្រោយអាចអត្ថបទនេះរួចហើយ ប្រសិនជាអ្នកចង់ដឹងថាទឹកនោមអ្នកប្រៃ ផ្អែម ឬធម្មតា អ្នកអាចសម្គាល់ទៅតាមការរៀបរាន់ខាងលើបាន។ ប្រសិនអាការរបស់អ្នកចូលទៅក្នុងជំងឺណាមួយសូមប្រញាប់ទៅពិគ្រោះជាមួយគ្រូពេទ្យឱ្យបានកាន់តែឆាប់កាន់តែល្អ៕

អត្ថបទដោយ៖ មឿន គន្ធា