យោងតាមរយៈការចុះផ្សាយរបស់ក្រសួងធនធានទឹក និងឧតុនិយមបានចុះផ្សាយនាព្រឹកថ្ងៃទី៣១ ខែ ឧសភា ឆ្នាំ ២០២៤នេះ ឱ្យដឹងថា កម្ពុជាយើងនឹងរងសម្ពាធទាបសម្ពាធទាបគ្របដណ្តប់មកលើឈូងសមុទ្រថៃ នៃអាងទន្លេមេគង្គ និងសមុទ្រចិនខាងត្បូង។

ស្ថានភាពបែបនេះនឹងធ្វើឱ្យ៖ ចាប់ពីថ្ងៃទី៣១ ខែឧសភា ដល់ថ្ងៃទី២ ខែមិថុនា ឆ្នាំ២០២៤

១-តំបន់វាលទំនាប៖

-សីតុណ្ហភាពអប្បបរមា២៤°C និងសីតុណ្ហភាពអតិបរមា៣៤°C ។ ខ្យល់បក់មកពីទិសនិរតី មានល្បឿនមធ្យម ២.៥ម៉ែត្រ វិនាទី។ ខេត្តបាត់ដំបង បន្ទាយមានជ័យ ឧត្តរមានជ័យ ប៉ៃលិន ពោធិ៍សាត់ សៀមរាប កំពង់ឆ្នាំង កំពង់ធំ ភ្នំពេញ កណ្តាល ព្រៃវែង ស្វាយរៀង កំពង់ស្ពឺ និង តាកែវ អាចមានភ្លៀង ផ្គរ រន្ទះ និងខ្យល់កន្ត្រាក់ គ្របដណ្តប់លើផ្ទៃដីពី១០%- ៤០%។

២-តំបន់ខ្ពង់រាប៖

-សីតុណ្ហភាពអប្បបរមា២៤°C និងសីតុណ្ហភាពអតិបរមា៣៤°C។ ខ្យល់បក់មកពីទិសនិរតី មានល្បឿនមធ្យម ២ម៉ែត្រ វិនាទី។ ខេត្តត្បូងឃ្មុំ កំពង់ចាម ក្រចេះ រតនគិរី ស្ទឹងត្រែង ព្រះវិហារ និងមណ្ឌលគិរី អាចមានភ្លៀង ផ្គរ រន្ទះ និងខ្យល់កន្ត្រាក់គ្របដណ្តប់លើផ្ទៃដីពី១០%-៤០%។

៣-តំបន់មាត់សមុទ្រ៖

- សីតុណ្ហភាពអប្បបរមា២៥°C និងសីតុណ្ហភាពអតិបរមា៣២°C ។ ខ្យល់បក់មកពីទិសនិរតី មានល្បឿនមធ្យម៣ម៉ែត្រវិនាទី។ ខេត្តកោះកុង ព្រះសីហនុ កំពត កែប អាចមានភ្លៀង ផ្គរ រន្ទះ និងខ្យល់កន្ត្រាក់ គ្របដណ្តប់លើផ្ទៃដីពី១០%-៤០%។

-លើផ្ទៃសមុទ្រមានភ្លៀង ផ្គរ រន្ទះ និង ខ្យល់កន្ត្រាក់ រលកសមុទ្រមានកម្ពស់មធ្យម អប្បបរមា០,៥០ម៉ែត្រ និងកម្ពស់មធ្យមអតិបរមា១,៧០ម៉ែត្រ។

អាស្រ័យហេតុនេះហើយសម្រាប់បងប្អូនដែលរស់នៅខេត្តដែលបានរៀបរាប់ខាងលើបង្កើនការប្រុងប្រយ័ត្នឱ្យបានខ្ពស់មុននឹងចេញដំណើរទៅណាមកណា ជាពិសេសអ្នកធ្វើដំណើរតាមផ្លូវទឹក មុនចេញដំណើរគួរពិនិត្យមើលស្ថានភាពអាកាសធាតុដែលក្រសួងជួនដំណឹងឱ្យបានមុន ដើម្បីការពារគ្រោះថ្នាក់ដោយប្រការណាមួយ៕

រូបភាព៖ khmertimeskh