សព្វថ្ងៃនេះ អ្នកកើតជំងឺទឹកនោមផ្អែមមានការកើនឡើងព្រោះតែអាហារ និងភេសជ្ជៈលើសកម្រិតជាតិស្ករនេះឯងនេះ។ តាមក្រសួងសុខាភិបាលបានលើកឡើងថា ក្នុងឆ្នាំ២០២៥ អត្រាអ្នកកើតជំងឺទឹកនោមផ្អែមនៅកម្ពុជាបានកើនជិត ២៧% ពោលគឺជិត ៣០ម៉ឺននាក់ បើធៀបនឹងឆ្នាំ២០២៤។ នេះបើតាមរបាយការណ៍របស់ក្រសួងសុខាភិបាលចេញផ្សាយនៅថ្ងៃទី២៦ មករា ឆ្នាំ២០២៦។ ដើម្បីការពារជំងឺទឹកនោមផ្អែមទុកជាមុន នេះជារោគសញ្ញាទាំង ៤នេះ៖
១. អស់កម្លាំងខ្លាំងខុសពីធម្មតា៖ ប្រភេទជំងឺទឹកនោមផ្អែមប្រភេទ២ មានឥទ្ធិពលធ្វើឱ្យអ្នករាងអស់ថាមពលខុសពីធម្មតា ហើយអ្នកមានជំងឺនេះមានអារម្មណ៍ហត់នឿយ ឬអស់កម្លាំង។ ការមានអារម្មណ៍អស់កម្លាំងនេះ កើតឡើងដោយសារស្ករក្នុងចរន្តឈាមមិនអាចផ្ដល់ទៅកោសិការាងកាយបានគ្រប់គ្រាន់នេះឯង។
២. របួសអ្នកជារាងយឺត៖ ពេលកម្រិតជាតិស្ករក្នុងឈាមខ្ពស់ វាបានបំផ្លាញដល់ប្រព័ន្ធប្រសាទរាងកាយ និងសរសៃឈាមតូចៗ ប៉ះលំហូរឈាមចុះខ្សោយធ្វើឱ្យស្បែករបស់អ្នកមានរបួសមិនងាយជានោះទេ។ កន្លែងមុតមានរបួសហ្នឹង គឺត្រូវការពេលរាប់អាទិត្យឯណោះដើម្បីជាពីរបួស។ ការជាសះពីរបួសយឺត អាចបង្កើនឱកាសប្រឈមនឹងការឆ្លងរោគផ្សេងៗ ផងដែរ។
៣. អ្នកមានអារម្មណ៍ស្រេកទឹក ហើយផឹកទឹកច្រើនជាងធម្មតាជាច្រើមថ្ងៃផងដែរ។ ការនោមញឹកញាប់ដែលចាំបាច់ដើម្បីយកជាតិស្ករលើសពីក្នុងឈាមអាចបណ្តាលឱ្យរាងកាយទ្រុឌទ្រោមដោយសារបាត់បង់ជាតិទឹកច្រើន ។ បញ្ហានេះយូរ ៗ ទៅអាចបណ្តាលឱ្យខ្វះជាតិទឹកនិងនាំឱ្យមានអារម្មណ៍ស្រេកទឹកច្រើនជាងធម្មតា។