១. របបអាហារសាច់ច្រើនលើសកម្រិតជាប្រចាំថ្ងៃ ក៏មិនល្អដល់សុខភាពបេះដូងដែរ។ ការហូបសាច់ច្រើនពេកអាចបង្កើនកូលេស្តេរ៉ុលអាក្រក់ ការរលាកពោះវៀន និងមានហានិភ័យនាំឱ្យដល់ការកកឈាម មានបញ្ហាទាំងវ័យក្មេងផងដែរ។ អ្នកគួរផ្តល់អាទិភាពដល់របបអាហារដូចជាបន្លែ ផ្លែឈើ គ្រាប់ធញ្ញជាតិ ប្រូតេអ៊ីនគ្មានខ្លាញ់ និងខ្លាញ់ត្រីដែលមានសុខភាពល្អ វាធ្វើឱ្យសម្ពាធឈាមអ្នកមានស្ថេរភាព និងល្អដល់ពោះវៀន។

២. ធ្វើការឡើងសម្ពាធផ្លូវចិត្តច្រើនពេកពីការងារ និងការរកស៊ីក៏ធ្វើប៉ះពាល់ដល់ខួរក្បាល និងលើសឈាមដែរ។ ទម្លាប់តានតឹងនេះបណ្តាលឱ្យមានការកើនឡើងសម្ពាធឈាមបណ្តោះអាសន្ន បើអ្នកបណ្តោយវាកាន់តែយូរ អាចនាំឱ្យកើតជំងឺលើសឈាមរ៉ាំរ៉ៃ។ ការធ្វើសមាធិ និងគេងឱ្យបានគ្រប់គ្រាន់ដើម្បីបន្ធូរផ្លូវចិត្តឱ្យបេះដូងប្រសើរឡើង។

៣. ការផឹកគ្រឿងស្រវឹងញឹកញាប់ពេកធ្វើឱ្យសម្ភាធឈាមកើនឡើង និងអាចបណ្តាលឱ្យខូចបេះដូង នេះជាកត្តាឆក់ជីវិតរបស់អ្នកលឿនណាស់។ បើយោងតាមអ្នកឧកញ៉ាវេជ្ជបណ្ឌិត គួច ម៉េងលី​ មានប្រសាសន៍ថា “ជំងឺសសៃឈាមយើងនឹងមានបញ្ហា បើយើងមិនហាត់ប្រាណ ផឹកស្រាជាប្រចាំថ្ងៃ ឬញុំាសាច់មានជាតិខ្លាញ់ច្រើនពេក ហើយយើងអត់​ដុត​ជាតិខ្លាញ់តាមរយៈការហាត់ប្រាណ វានឹង​​​ស្តុកទុកក្នុងសសៃឈាមយើង ធ្វើឱ្យសសៃឈាមរួមតូច នោះវានឹងបង្កសម្ពាធឈាមឡើងខ្ពស់ មកពីខ្លាញ់ក្នុងសរសៃឈាមយើងច្រើនធ្វើឱ្យឈាមមិនអាច​ធ្វើរត់ស្រួល”។

ដូច្នេះហើយ! អ្នកគួរចៀសវាងញ៉ាំហូបសាច់ច្រើន ធ្វើការឬរកស៊ីរងសម្ពាធផ្លូវចិត្ត និងផឹកគ្រឿងស្រវឹង ទើបអ្នកមានសុខភាពល្អដល់បេះដូង និងសរសៃឈាម។ ដើម្បីមានសុខភាពដល់បេះដូងល្អចូលអ្នកចៀសទម្លាប់ទាំងអស់នេះហើយ អ្នកគួរប្តូរទម្លាប់មកហាត់ប្រាណ ពិសារទឹកឱ្យបានគ្រប់គ្រាន់ និងគេងឱ្យបានគ្រប់មួយយប់៧ទៅ៨ម៉ោង៕ អត្ថបទដោយ៖ ទ្រ សុភាព