ខួរក្បាលគឺជាសរីរាង្គដ៏សំខាន់មួយនៅក្នុងរាងកាយ បើទោះបីជាវាមានត្រឹមតែ២% នៃទំងន់រាងកាយក៏ដោយ ប៉ុន្តែរាងកាយទាមទារ២០%លើថាមពល និងអុកស៊ីសែនសរុបនៃរាងកាយទាំងមូល។ ដើម្បីឱ្យសីរាង្គមានសុខភាពល្អ បត់បែន និងល្អប្រសើរបំផុតចាំបាច់ត្រូវផ្ដល់សារធាតុចិញចឹមឱ្យបានគ្រប់គ្រាន់។ បើយោងតាមប្រភព VNexpress។

បើយោងតាមតារាងសមាសភាពអាហារ ខួរក្បាលមានប្រូតេអ៊ីន០៩ក្រាម ខ្លាញ់៩.៥ក្រាម កាល់ស្យូម០៧មីលីក្រាម ផូស្វ័រ០.៣ក្រាម ជាតិដែក១.៦ក្រាម។ នៅក្នុងនោះដែរ យុវវ័យជាច្រើនប្រហែលជាធ្លាប់ញុំាខួរជ្រូកចំហុយហើយ បើនិយាយពីរសជាតិលាយលំជាមួយទឹកជ្រលក់ ដឹងតែឆ្ងាញ់ជាប់មាត់។ ប៉ុន្តែរឿងមួយដែលគ្រប់គ្នាតែងយល់ច្រឡំនោះទេ ញុំាខួរជ្រូកប៉ូវកម្លាំងខ្លាំងណាស់។ តើខួរជ្រូកប៉ូវកម្លាំងខ្លាំងមែនទេ?

ខួរក្បាលជ្រូកគឺជាសរីរាង្គខួរក្បាលមួយដែលមានកូឡេស្ដេរ៉ុលច្រើនជាងគេ។ ការទទួលទានខួរក្បាលជ្រូកច្រើនផ្ដល់កូឡេស្ដេរ៉ុលដល់រាងកាយលើសពីតម្រូវការ។ ដូច្នេះហើយ វាមិនល្អសម្រាប់ការចងចាំនោះទេ ប៉ុន្តែផ្ទុយទៅវិញ វាអាចបង្កគ្រោះថ្នាក់ដល់សុខភាព ជាពិសេសសុខភាពនៃប្រព័ន្ធសរសៃឈាមបេះដូង។ នៅក្នុងរយៈពេលវែង ការទទួលទានខួរជ្រូកច្រើនអាចនាំឱ្យប្រឈមនឹងជំងឺលើទម្ងន់ ធាត់ ជំងឺសរសៃឈាមបេះដូង ខ្លាញ់ក្នុងឈាម និងបង្កឱ្យមានភាពស្លេកស្លាំងកង្វះជាតិដែក។

ចំពោះមនុស្សពេញវ័យអាចញុំាខួរជ្រូកបាន ប៉ុន្តែត្រូវញុំាក្នុងបរិមាណតិចតួច អាចញុំាបានម្តងរៀងរាល់១-២សប្ដាហ៍។ លើសពីនេះទៅទៀត អ្នកគួរបន្ថែមនៅអាហារតុល្យភាពដូចជា សាច់ ត្រី អាហារសមុទ្រ ស៊ុត និងទឺកដោះគោ ដើម្បីឱ្យមានសុខភាពល្អ។

ដើម្បីបង្កើនការចងចាំបានល្អ អ្នកគួរតែបន្ថែមនូវគ្រាប់ធញ្ញជាតិ អាហារសម្បូរខ្លាញ់ល្អដូចជា អូមេហ្គា២ វីតាមីន និងសារធាតុរ៉ែសំខាន់ៗ សារធាតុប្រឆាំងអុកស៊ីតកម្មពីបន្លែបៃតង និងផ្លែឈើទុំ។ អាហារទាំងនេះ ជួយបង្កើនសារអាតុចិញ្ចឹមសម្រាប់ខួរក្បាល ពង្រឹង និងរក្សាការចងចាំដល់ខួរក្បាល។

ករណីប្រសិនបើអ្នកសង្ស័យថា ការចងចាំរបស់អ្នកមានសញ្ញានៃការថយចុះខុសប្រក្រតី អ្នកគួរតែទៅជួបគ្រូពេទ្យសរសៃប្រសាទខាងក្នុង ដើម្បីពិនិត្យ និងធ្វើកាឥព្យាបាល៕