ការឈឺចង្កេះ ឬឈឺឆ្អឹងខ្នងបណ្តាលមកពី មូលហេតុផ្សេងៗគ្នា រួមមានការ រងរបួស ឬគ្រោះថ្នាក់ ឥរិយាបថអង្គុយ ឬឈរមិនត្រឹមត្រូវ និងការវិវត្តន៍នៃអាយុកាលរបស់មនុស្ស។ នៅពេលអាយុកាន់តែចាស់ ភាគច្រើនគឺឈឺឆ្អឹងខ្នងផ្នែកខាងក្រោម (lower back pain) ដែលបណ្ដាលមកពីការសឹករិចរិលនៃទ្រនាប់ឆ្អឹងកង ឬបញ្ហារលាកសន្លាក់ឆ្អឹង និងពុកឆ្អឹងជាដើម។
បញ្ហាឈឺឆ្អឹងឬឈឺសន្លាក់ គឺកើតឡើងទៅលើមនុស្សគ្រប់រូបមិនថាប្រុសឬស្រីនោះទេ អ្នកខ្លះឈឺចាប់ពីអាយុ២០ឆ្នាំឡើងទៅហើយអ្នកខ្លះចន្លោះពី៣៥_៤០ឆ្នាំឡើងទៅរហូតទៅ។បើតាមប្រសាសន័របស់លោកឧកញ៉ាវេជ្ជបណ្ឌិត គួច ម៉េងលី ដែលលោកបានពន្យល់ក្នុងឆាលនេលយូធូប របស់លោកបានដឹងឱ្យថា«មនុស្សប្រុសស្រី ដល់ពេលចាស់បន្តិចទៅ ឈប់ហាត់ប្រាណ តែងតែឈឺឆ្អឹងខ្នង ហើយជាជំងឺច្រើនជាងគេក្នុងពិភពលោក ដែលមនុស្សភាគច្រើនពិការ និងមិនបានទៅធ្វើការដោយបញ្ហាហ្នឹង។ មនុស្សនៅក្មេងអត់សូវឈឺទេ ព្រោះមានសាច់ដុំក្បាលពោះ ដល់ពេលអង្គុយ គឺវាត្រង់ ម្ល៉ោះហើយឆ្អឹងខ្នងអត់ពត់ទេ។ អ៊ីចឹងរៀនអង្គុយឱ្យត្រង់ ឧស្សាហ៍ងើបពត់ខ្លួនប្រាណ ហ្នឹងជួយទី១ ទី២ យើងកុំលើករបស់ធ្ងន់ ហើយទី៣ ទម្ងន់ខ្លាំងពេក កាលណាដែលយើងលើកធ្ងន់ វាសង្កត់ទៅលើឆ្អឹងខ្ចី នាំឱ្យពុក ឬបាក់»។
លោកវេជ្ជបណ្ឌិត គួច ម៉េងលីបានបន្ថែមទៀតថា លោកមានប្រសាសន៍ថា ប្រសិនបើយើងគ្រោះថ្នាក់មានគេវាយយើងចំចង្កេះឬមួយយើងដួលដែលធ្វើអោយយើងឈឺចង្កេះនេះគឺជាសញ្ញាមួយដែលបង្ហាញថាវាអត់ស្រួលនោះទេ យើងត្រូវរួសរាន់ទៅពិនិត្យសុខភាពជាមួយអ្នកជំនាញឆ្អឹង គេនឹងធ្វើការពិនិត្យដល់យើងទី១គឺគេឱ្យថ្នាំយើង បើទី២គឺគេនិងសុំកាអនុញ្ញាតពិនិត្យតាម ឧបករណ៍ទំនើប ស្កេន (scan) ឬ (X-ray) ប៉ុន្តែការ scan ឬ x-rayគឺមើលឃើញត្រឹមតែឆ្អឹងថាឆ្អឹងយើងមានបញ្ហាអ្វីតែបើ គេនិងធ្វើបែបឧបករណ៍ ដែលទំនើបមួយទៀតគឺអរអឹមអាយ (RMI) ឬ ធីសីស្កេន (TC SCAN) ឧបករណ៍ទាំងនេះអាចមើលឃើញទាំងសរសៃឈាមនិងកោសិកាទាំងអស់ហើយយើងអាចព្យាបាលបាន។
លោកឧកញ៉ាសង្កត់ធ្ងន់ទៀតថា «ជួនកាលឆ្អឹងខ្ចីនេះ បើយើងអត់ប្រយ័ត្នទេ គឺវាអាចកកិតចេញមកក្រៅ គាបលើសរសៃ ចុកចាប់ណាស់ ឈឺរោយដល់ជើង ហ្នឹងអត់បាត់ទេ គឺត្រូវតែវះកាត់។ ជួនកាលវាអត់ធ្លាយទេ គឺគ្រាន់តែឆ្អឹងស្តើងឡើងៗ ហើយជួនកាលទៅវាប្រេះបែក អ៊ីចឹងវាធ្វើឱ្យយើងចុកឆ្អឹងខ្នង ហើយបើចុកទៅ យើងប្រើទឹកក្តៅស្អំឬធ្វើសរសៃទៅជាធម្មតាមួយអាទិត្យហ្នឹងគឺបាត់ហើយ...»។
អត្ថបទដោយ៖ ជុជ ណាឃីម