ការផ្តោតអារម្មណ៍ឱ្យចំគោលដៅ ទើបអ្នកចិត្តមានលំហូរ ចំណូលកើន។ តាមសៀវភៅ លំហូរចិត្ត បានលើកឡើងថា ប្រសិនបើអ្នកធ្វើការអត់ផ្តោតអារម្មណ៍ឱ្យចំគោលដៅទេ រវល់តែលេងបណ្តាញសង្គម ធ្វើការគ្មានលំហូរចិត្តនោះទេ គ្រាន់តែធ្វើការបានល្អមើល តែមិនល្អស៊ី បើអ្នកធ្វើការនិងរកស៊ីបែបនេះ អ្នកខាតពេល ខាតថាមពល និងខាតចំណូលច្រើនណាស់។ តាមលោកគ្រូ សំ កុសល ជាអ្នកនិពន្ធសៀវភៅ “មេដែក” បានលើកឡើងថា “បើអ្នកមិនផ្តោតឱ្យចំទេ មួយថ្ងៃគិតពីនេះ លុះថ្ងៃស្អែកឡើងឈប់គិតទៅគិតលើរឿងមួយទៀត នោះខួរក្បាលអ្នកនឹងចាយថាមពលចោលខុសរបស់ខ្លួន ហើយគ្មានជំនឿថាខ្លួនអាចជោគជ័យបានឡើយ”។ លោកគ្រូបានបន្តថា “ខួរក្បាលអ្នកផ្តោតលើអ្វី ថាមពលនឹងទៅនោះ”។ ពេលអ្នកផ្តោតអារម្មណ៍មិនចំគោលដៅម្តងទៅឆ្វេង ម្តងទៅស្តាំ មានចិត្តរេដូចជាដើមស្រល់ អ្នកធ្វើកាអ្វីក៏គ្មានលទ្ធផល សូម្បីតែចំណូលក៏ធ្លាក់ចុះតាមហ្នឹងដែរ។
អ្នកដែលញៀននឹងបណ្តាញសង្គមមួយចំនួនមិនអាចបញ្ជាលើអារម្មណ៍និងការគិតរបស់ខ្លួន ព្រោះដំណើរខួរក្បាលរបស់អ្នកមិនអាចបែងចែកទៅលើការងារច្រើនមុខក្នុងពេលតែមួយបានទេ។ តាមលោក Hector Garcia និងលោក Francesc Miralles ជាអ្នកនិពន្ធសៀវភៅ Ikigai បានបញ្ជាក់ថា “អ្នកធ្វើការងាច្រើនមុខក្នុងពេលតែមួយ ធ្វើឱ្យលទ្ធផលគេធ្លាក់ចុះរហូត៦០% និង IQ របស់គេក៏ធ្លាក់ចុះជាង ១០ពិន្ទុថែមទៀត”។ បើអ្នកចង់ធ្វើការស្ថិតក្នុងស្ថានភាពលំហូរចិត្ត ចូរអ្នករស់ក្នុងល្អាងក្នុងភាពស្ងប់ស្ងាត់ ទើបអារម្មណ៍អ្នកមុតស្រួចចាក់ទម្លុះក្នុងការងារដុះចំណូលច្រើន”។ អ្នកឃើញទេ! ពេលអ្នកផ្តោតអារម្មណ៍ចំគោលដៅបែបនេះ តាមសៀវភៅ លំហូរចិត្ត អ្នកនឹងរស់នៅគ្មានសម្ពាធផ្លូវចិត្ត ចំណេញពេលវេលា ហើយធ្វើការងារក៏រីករាយដែរ។ ជីវិតរបស់អ្នកជាការសម្រេចចិត្តរបស់អ្នកតែប៉ុណ្ណោះ កុំឱ្យជីវិតរបស់អ្នកមានទុក្ខលំបាកច្រើនោះ ចូរអ្នកផ្តោតអារម្មណ៍ធ្វើរឿងណាចំណេញដល់ជីវិតនិងសង្គម ទើបជីវិតរបស់អ្នកមានតម្លៃ៕ ចង់ឲ្យជីវិតរីករាយ ផ្លូវចិត្តតាន់ អ្នកគួរអានសៀវភៅ លំហូរចិត្ត៕ អ្នកអាចទិញតាមនេះ https://t.me/BusinessCambodiaBook
អត្ថបទដោយ៖ ទ្រ សុភាព