អាហារពេលល្ងាច បានក្លាយទៅជាជម្រើសអាហារបំពេញក្តីសុខក្នុងមួយថ្ងៃ ខណៈវេលានេះមនុស្សគ្រប់រូបបានសម្រាកពីការងារ និងត្រូវការបំប៉នកម្លាំងរបស់ខ្លួនដែលខំចំណាយភាពនឿយហត់ពេញមួយថ្ងៃ។ ដោយឡែកក្នុងបែបបទនៃការសម្រកទម្ងន់វិញ គឺមិនដូចគ្នាទេ ព្រោះថាអាហារពេលល្ងាច ទទួលទានរហូតដល់យប់នេះហើយ បណ្ដាលឱ្យឡើងគីឡូលឿនណាស់។
១ ត្រី ៖ ត្រីគ្រប់ប្រទេស សម្បូរដោយវីតាមីនD ហើយវាអាចជួយគ្រប់គ្រងជាតិកាល់ស្យូមនៅក្នុងខ្លួនបានល្អ ម្យ៉ាងវិញទៀតទទួលទានសាច់ត្រីងាយរលាយ សម្រួលដល់ប្រព័ន្ធរំលាយអាហារ។ បងប្អូនអាចយកត្រី ទៅចំហុយ ឬស្ងោរ គួរជៀសវាងការចំអិនដោយប្រើជាតិស្ករនិងជាតិខ្លាញ់ច្រើន។ អាចទទួលទានជាមួយនឹងបាយអង្កសម្រូប ឬបាយអង្កធម្មតាក្នុងបរិមាណតិច។
២ ស៊ុត ៖ ស៊ុតមាន់ឬស៊ុតទា ជាអាហារដែលសម្បូរដោយប្រូតេអ៊ីន មានជាតិកាល់ឡូរីទាប។ អាចយកស៊ុតទៅស្ងោរ ឬចំហុយ ដោយលាយជាមួយនឹងអំបិលឬម្រេចតិចៗ។ ម្យ៉ាងវិញទៀតអាច ចំអិនលាយជាមួយនិងបន្លែបៃតងដូចជាស្ពៃក្ដោប ពោតបារាំង ផ្កាខាត់ណាខៀវ និងបន្លែដែរសម្បូរដោយជាតិកាកសរសៃផ្សេងទៀត ព្រោះជួយសម្រួលដល់ការរំលាយអាហារ ព្រឹកឡើងបត់ជើងអស់មិនធ្វើឱ្យឡើងគីឡូ។
៣ យ៉ាអួ ៖ សម្រាប់អ្នកសម្រក់គីឡូយ៉ាអួរជា អាហារដែលល្អបំផុត ប៉ុន្តែសូមជ្រើសរើសយកយ៉ាអួរសជាតិដើមដែលមានជាតិស្ករទាប។ អាចទទួលទានលាយជាមួយនឹងផ្លែឈើឬគ្រាប់ធញ្ញជាតិបាន។
៤. ផ្លែប័រ( Avocado)៖ លោក Jaramillo អ្នកជំនាញផ្នែកចំណីអាហារបាននិយាយថា ការញ៉ាំផ្លែប័រ ពេលព្រឹកគឺល្អខ្លាំងណាស់។ ផ្លែប័រមានផ្ទុកដោយសារធាតុខ្លាញ់ អូមេហ្កា៣ ដែលជួយផ្ដល់សំណើមដល់ស្បែក ជួយឱ្យកោសិកាស្បែកលូតលាស់បានល្អ។ ពិសេសជាងនេះ ផ្លែឈើមួយប្រភេទនេះ គឺជួយឱ្យអ្នកឆាប់ឆ្អែត ដូចនេះវាក៏អាចជួយទប់ស្កាត់ការឡើងគីឡូរបស់អ្នកផងដែរ។
៥. ដំឡូងជ្វា( Sweet potato)៖ លោក Christensen ដែលជាអ្នកឯកទេសខាងចំណីអាហារបានឱ្យដឹងថា ដំឡូងជ្វាគឺ មានផ្ទុកសារធាតុ ខារ៉ូទីនច្រើនបំផុតដែលអាចជួយទប់ស្កាត់ និងប្រឆាំងភាពចាស់នៃស្បែករបស់អ្នកដោយសារតែ វាផ្ទុកវីតាមីនអា វីតាមីនសេ ដែលបានដើរតួនាទីយ៉ាងសំខាន់ក្នុងការការពារស្បែកកុំឱ្យចាស់។ លើសពីនេះ ដំឡូងជ្វាមានកាឡូរីទាបជាងបាយស ដូចនេះការបរិភោគដំឡូងជ្វានៅពេលព្រឹក គឺផ្ដល់គុណប្រយោជន៍ច្រើនចំពោះសុខភាព។