អ្នកធាត់ងាយកើតជំងឺទឹកនោមផ្អែម និងជំងឺលើសឈាម ព្រោះតែហូបអាហារលើសកម្រិតពេកដូចជាប្រៃ ផ្អែម និងខ្លាញ់ជាដើម។ អាហារលើសកម្រិតរសជាតិបែបនេះ អ្នកកាន់តែហូប អ្នកកាន់តែធាត់លើសដើម។ បើអ្នកពិបាក់គ្រប់គ្រងលើខ្លួនឯង អ្នកកាន់តែពិបាកគឺរាងកាយកាន់តែធាត់ ហើយមានអារម្មណ៍ខ្មាស់អៀននឹងរូបរាងខ្លួនផងដែរ។
តាមលោកគ្រូ គឿន រាវី បញ្ជាក់ថា ការកាត់បន្ថយភាពស្រេកឃ្លានពីអាហារលើសកម្រិតបែបខាងលើ យើងត្រូវតែមានវិន័យក្នុងការញាំអាហារដែលចាំបាច់ដើម្បីទ្រទ្រង់រាងកាយ, បើទោះជាវាអត់ឆ្ងាញ់ត្រូវចិត្ត តែយើងចាំបាច់ត្រូវញុំាដើម្បីគោលដៅកាយសម្បទាផ្ទាល់ខ្លួនយើង។ ដូច្នេះអាហារចាំបាច់វាមិនមែនជាអាហារស្របតាមចំណង់ចិត្តទាំងអស់នោះទេ វាមិនឆ្ងាញ់ខ្លាំងរហូតឲ្យយើងស្រេកឃ្លានវាម្តងហើយម្តងទៀតនោះទេ វានឹងធ្វើឲ្យយើងទ្រលាន់ខ្លះហើយ តែយើងគ្រាន់តែដឹងដោយស្មារតីថា វាចាំបាច់ វាមានប្រយោជន៍សម្រាប់សុខភាពបច្ចុប្បន្ន និងរូបរាងកាយដែលជាគោលដៅអនាគតរបស់យើង។
ដូចនេះហើយ ពេលអ្នកមានគោលដៅជាក់លាក់ និងតាំងអារម្មណ៍ទ្រាំលំបាកមុនដំបូង ប្រហែល៣ទៅ៧ថ្ងៃ ទម្លាប់ការហូបអាហាររបស់អ្នកប្រែប្រួល ចូលចិត្តហូបបន្លែ ផ្លែឈើ និងត្រីសាច់ល្អ ដើម្បីសម្រកជាតិខ្លាញ់ និងសុខភាពល្អជាមុនដែរ។ ការសម្រកគីឡូនេះ អ្នកកំពុងតែប្រយុទ្ធជាមួយខ្លួនឯង ដើម្បីឈ្នះ។ ការឈ្នះលើខ្លួនឯង ការសម្រកគីឡូរបស់អ្នក ក៏ចេញលទ្ធផលលើសពីការរំពឹងទុកផងដែរ។
ដូចនេះហើយ អ្នកគួរតែផ្លាស់ប្តូរមុនដំបូង ដើម្បីសម្រកគីឡូនោះ គឺសម្រេចចិត្តក្នុងការផ្លាស់ប្តូររបបអាហារ។ ទោះបីការផ្លាស់ប្តូររបបអាហារលំបាកមុនដំបូងវាធ្វើឱ្យអ្នកចេះតែឃ្លានក៏ដោយ អ្នកគួរតែខំអត់ធ្មត់និងខំប្រឹងជម្នះអារម្មណ៍ឃ្លាននេះត្រឹមតែមួយអាទិត្យ អ្នកនឹងឈ្នះអារម្មណ៍នេះមិនខានទេ។ ហើយអ្នកគួរតែហាត់ប្រាណបន្ថែមខ្លះៗផង ដើម្បីឱ្យស្បែករបស់អ្នកតឹងណែនស្អាតស៊ីអារម្មណ៍ កុំឱ្យស្បែករបស់អ្នកធ្លាក់យារឱ្យមើលទៅស៊ីអារម្មណ៍មានរាងស្អាត៕ អត្ថបទដោយ៖ ទ្រសុភាព
សៀវភៅ លំហូរចិត្ត ១ក្បាលនេះអាចជួយពង្រឹងផ្លូវចិត្តរបស់អ្នកឲ្យងើបឡើងមកវិញ។ អ្នកអាចទិញសៀវភៅ "លំហូរចិត្ត" តាមនេះhttps://t.me/BusinessCambodiaBook