១. ផ្លែប៉ោមសម្បូរទៅដោយសារធាតុ pectin ជាជាតិសរសៃរលាយដែលជួយកម្ចាត់ជាតិពុលចេញពីថ្លើម។ ហើយផ្លែប៉ោមនេះក៏មានសមត្ថភាពកាត់បន្ថយជាតិពុលចេញពីថ្លើមតាមរយៈពោះវៀនបញ្ចេញកាកសំណល់ដែរ។ ព្រោះផ្លែឈើនេះក៏ជួយការពារជាតិខ្លាញ់អាក្រក់ កុំឱ្យប្រមូលផ្តុំនៅក្នុងកោសិកាថ្លើមរបស់អ្នកដែរ។ មកពីផ្លែប៉ោមសម្បូរទៅដោយសារធាតុ polyphenols ហើយនៅក្នុងនោះក៏មានសារធាតុចំនួនពីរគឺ quercetin និង catechins ជួយប្រឆាំងនឹងភាពតានតឹង និងអុកស៊ីតកម្ម។ សមាសធាតុទាំងពីរនេះជួយកាត់បន្ថយការរលាក និងការពារកោសិកាថ្លើមពីការខូចខាតដោយសារលើសជាតិខ្លាញ់អាក្រក់យ៉ាងល្អ។

២. ក្រូចឆ្មាសម្បូរទៅដោយវីតាមីនC ជួយបន្សាបជាតិពុលពីថ្លើមដោយគាំទ្រដល់ការផលិត glutathione ជាសារធាតុប្រឆាំងអុកស៊ីតកម្មដ៏សំខាន់។ អ្នកមានសុខភាពល្អ អាចហូបផ្លែក្រូចឆ្មាលាយជាមួយទឹកក្តៅតិចៗ ជួយលើកកម្ពស់ថ្លើមដើម្បីបន្សាបជាតិពុល។ សម្រាប់ទឹកក្រូចឆ្មាជួយជម្រុញការផលិតទឹកប្រមាត់ បំបែកខ្លាញ់អំឡុងពេលរំលាយអាហារ ការពារជាតិខ្លាញ់អាក្រក់កុំឱ្យប្រមូលផ្តុំនៅក្នុងថ្លើមរបស់អ្នកផងដែរ។

៣. ផ្លែប័រនេះសម្បូរទៅដោយខ្លាញ់ដែលមានសុខភាពល្អជួយកែលម្អប្រព័ន្ធរំលាយអាហារ និងកាត់បន្ថយកូលេស្តេរ៉ុលអាក្រក់ចេញពីថ្លើម។ ព្រោះផ្លែប័រមានផ្ទុកនូវសារធាតុ glutathione ប្រឆាំងអុកស៊ីតកម្មជួយឱ្យថ្លើមបន្សាបជាតិពុល ការពារសរីរាង្គពីការខូចខាតដោយសារអុកស៊ីតកម្ម។ ផ្លែប័រនេះក៏មានផ្ទុកនូវវីតាមីន C, E, ប៉ូតាស្យូម និង folate ច្រើនដែលជួយកែលម្អសុខភាពទូទៅថែមទៀត។

ដូច្នេះហើយ បើអ្នកហូបផ្លែឈើទាំងបីនេះជាប្រចាំថ្ងៃ ពិតជាមានសុខភាពល្អ គ្មានខ្លាញ់រុំថ្លើមនោះទេ។ សម្រាប់ផ្លែប៉ោមអ្នកអាចហូបពេលព្រឹក និងពេលថ្ងៃ ជួយកម្ចាត់ខ្លាញ់បានល្អ។ ចំណែកក្រូចឆ្មាវិញ បើអ្នកមានបញ្ហាក្រពះ សូមហូបអី។ បើអ្នកមានសុខភាពល្អវិញ ហូបក្រូចឆ្មាជាមួយទឹកក្តៅពេលព្រឹកមានគុណភាពរំលាយជាតិខ្លាញ់ចេញពីថ្លើមនិងស្រកគីឡូទៀត។ សម្រាប់ផ្លែប័រអ្នកហូបជាប្រចាំថ្ងៃកាន់តែជួយសុខភាព ព្រោះវាមានជាតិខ្លាញ់ល្អដេញខ្លាញ់អាក្រក់ចេញពីថ្លើមរបស់អ្នកបានល្អបំផុតផងដែរ៕ អត្ថបទដោយ៖ ទ្រ សុភាព