ខ្យងជាមុខម្ហូបដ៏ឆ្ងាញ់ដែលមនុស្សជាច្រើនចូលចិត្តញុំា ដែលភាគច្រើនគេតែងកែច្នៃខ្យងក្លាយជាមុខម្ហូបជាច្រើនមុខដូចជា ស្ងោរ ចំហុយ ដុត និងអាំងជាង។ ទោះជាយ៉ាងណាក៏ដោយ ប្រសិនអ្នកចម្អិនមិនបានត្រឹមត្រូវ វាអាចបង្កើនហានិភ័យនៃការឆ្លងមេរោគប៉ារ៉ាស៊ីត ជាពិសេសបង្កឱ្យកើតជំងឺគ្រុនពោះវៀនតូចទៀតផង។ នេះបើយោងតាមប្រភព VNexpress។
សំបកខ្យងមានភាពក្រាស់ និងរឹង ដូច្នេះវាត្រូវការពេលយូរដើម្បីឱ្យសាច់ខ្យងនៅខាងក្នុងចម្អិនបានល្អ។ ចំពោះខ្យងដុត ពេលខ្លះសំបកត្រូវឆេះអស់ ប៉ុន្តែសាច់ខាងក្នុងមិនទាន់ឆ្អិនល្អ។ ទន្ទឹមនឹងគ្នានេះដែរ មនុស្សជាច្រើនឃើញសំបកខ្យងឆេះ គិតថាខ្យងឆ្អិនហើយយកវាចេញមកហូប។ នេះជាមូលហេតុដែលមនុស្សជាច្រើនកើតជំងឺគ្រុនពោះវៀនដោយសារញុំាខ្យង។
ការដែលចម្អិនខ្យងមិនបានឆ្អិនល្អ ដែលអនុញ្ញាតឱ្យប្រភពនៃការឆ្លងមេរោគប៉ារ៉ាស៊ីតចូលទៅក្នុងខ្លួន។ ករណីជាច្រើននៃការឆ្លងមេរោគបង្កឱ្យកើតជំងឺគ្រុនពោះវៀនតូច ហើយពួកគេមិនដែលញ៉ាំអាហារឆៅដូចជា ត្រី ឬបង្គានោះទេ ប៉ុន្តែនៅពេលដែលពួកគេគិតមើលកាន់ល្អិតល្អន់ បានដឹងថាពួកគេបាននិយាយថា ពួកគេតែងតែញ៉ាំខ្យងស្ងោរនៅខាងក្រៅ។
មេរោគប៉ារ៉ាស៊ីតនៅក្នុងខ្យង នៅពេលដែលចូលទៅក្នុងខ្លួនមនុស្ស នឹងចូលទៅក្នុងក្រពះ ហើយបន្ទាប់មកចូលទៅក្នុងបំពង់ទឹកប្រមាត់ទៅកាន់ថ្លើម។ នៅពេលចូលទៅក្នុងជាលិកាថ្លើមបង្កឱ្យកើតជំងឺគ្រុនពោះវៀនតូច បន្ទាប់ពីការជ្រៀតចូលបានមួយខែ មេរោគប៉ារ៉ាស៊ីតបានលូតលាស់ និងមានពង។ ទោះបីជាជំងឺគ្រុនពោះវៀនតូចមិនវិវត្តបង្កជាជំងឺស្រួចស្រាវក៏ដោយ ប្រសិនបើមិនបានធ្វើរោគវិនិច្ឆ័យត្រឹមត្រូវ និងទាន់ពេលវេលា វាអាចបង្កឱ្យកើតនូវជំងឺផ្សេងទៀត៕
