នៅក្នុងប័រ ១ផ្លែមានផ្ទុក ជាតិខ្លាញ់ល្អ៦ភាគរយ វីតាមីន E វីតាមីនអា វីតាមីនប៊ី វីតាមីនស៊ី ជាតិដែក មាននាទីជំនួយដល់ការលូតលាស់របស់ខួរក្បាលទាំងកុមារ មនុស្សពេញវ័យ និងមនុស្សចាស់ផងដែរ

ជាការពិតណាស់ យោងតាមការចុះផ្សាយនៅលើគេហទំព័រ avocadosfrommexico វេជ្ជបណ្ឌិត Frank E. Chang, M.Dបានឱ្យដឹងថា ការញ៉ាំផ្លែប័ររាល់ថ្ងៃ ១ថ្ងៃ២ផ្លែជួយដល់មុនងារខួរក្បាលរបស់មនុស្សឱ្យសកម្ម គិតរហ័ស កើតIQ ចងចាំបានល្អ មិនងាយភ្លេចភ្លាំងនោះទេ។ ខាងក្រោមនេះជាវិធីញ៉ាំឱ្យផ្លែប័រឱ្យបានត្រឹមត្រូវ ដើម្បីស្រូបទាញវីតាមីនពិសេសចេញពីផ្លែប័រឱ្យអស់ចូលមកក្នុងរាងកាយ៖

១. ជំនួយខួក្បាលនៅពេលព្រឹក៖ ពេលព្រឹកជាពេលដែលរាងកាយត្រូវការជាតិទឹក ហើយខួរក្បាលត្រូវការថាមពល។ ដូច្នេះនៅពេលព្រឹកអ្នកជំនាញណែនាំឱ្យអ្នកក្រឡុកផ្លែប័រធ្វើជាភេសជ្ជៈផឹក១កែវមុនអាហារពេលព្រឹក។ ការក្រឡុកទៀតសោត អ្នកអាចបន្ថែមផ្លែប៉ោមឬការ៉ុតជាមួយផ្លែប័របាន ប៉ុន្តែហាមបន្ថែមស្ករឬទឹកស្ករ អ្នកអាចដាក់ទឹកដោះគោស្រស់ចូលបន្តិចបាន។ ការផឹកបែបនេះរាល់ថ្ងៃគឺជួយឱ្យខួរក្បាលស្វាហាប់ មានថាមពល។

២. ជំនួយខួរក្បាលនៅពេលថ្ងៃ៖ ពេលថ្ងៃត្រង់អ្នកអាចញ៉ាំផ្លែប័រជំនួយបាយបាន ដោយយកផ្លែប័រមួយចំហៀង នំបុ័ងស្រូវសាលី២បន្ទះ ទឹកម៉ាយូណែសបន្តិច យកគ្រឿងផ្សំដាក់បញ្ចូលគ្នាធ្វើជានំសាំងវិច។ ការញ៉ាំបែបនេះអ្នកជំនាញប្រាប់ថា វាជួយពង្រឹងថាមពលឱ្យខួរក្បាលរបស់អ្នកធ្វើការបានកាត់តែលឿន។

៣. ជំនួយខួរក្បាលពេលល្ងាច៖ ចំពោះពេលល្ងាចអ្នកជំនាញណែនាំឱ្យញ៉ាំផ្លែប័រធ្វើជាសាឡាដ ដោយមានបន្ថែមជាមួយសាឡាដស្រួយ តាសក់ បន្លែបៃតង រួមជាមួយផ្លែប័រមួយចំហៀង ញ៉ាំជាមួយទឹកម៉ាយូណែស មុនអាហារល្ងាច។ ការញ៉ាំបែបនេះគឺជួយជួសជុលមុខងាររបស់ខួរក្បាលឱ្យនៅតែស្វាហាប់ទោះធ្វើការហត់ពេញ១ថ្ងៃក៏ដោយ។

ចំពោះម៉ោងនៅក្នុងការញ៉ាំ ពេលព្រឹកអាចចន្លោះម៉ោង៦ ពេលថ្ងៃចន្លោះម៉ោង១១ទៅ១២ និងពេលល្ងាចអាចចន្លោះម៉ោង៥ទៅម៉ោង៦៕

អត្ថបទដោយ៖ គន្ធា