ធ្លាប់លឺគេថាផឹកទឹកក្រូចឆ្មាលាយជាមួយទឹកឃ្មុំពេលព្រឹកធ្វើឱ្យស្រកគីឡូលឿន ប៉ុន្តែបងប្អូនមានបានដឹងរបៀបក្នុងការលាយល្បាយទាំងនេះនេះចូលគ្នាហើយឬនៅ។ ទឹកក្រូចឆ្មាលាយជាមួយទឹកឃ្មុំនេះ វាអាចមានប្រសិទ្ធនៅក្នុងរាយកាយរបស់យើងបានលុះត្រាតែយើងចេះពីរបៀបនៃការលាយបញ្ចូលគ្នារវាងបរិមាណទឹក កម្តៅទឹក ជាមួយនឹងល្បាយផ្សេងៗជាមុខសិន។ ចង់ដឹងទេថាពេលផឹកទឹកក្រូចឆ្មាទឹកឃ្មុំគេលាយរបៀបណាឱ្យត្រូវស្តង់ដារ?
ជាការពិតណាស់ ប្រសិនជាអ្នកចង់មានទម្លាប់ផឹកក្រូចឆ្មាទឹកឃ្មុំដើម្បីស្រកគីឡូ ធ្វើឱ្យរាងស្អាតនិងទទួលបានសុខភាពល្អ អ្នកត្រូវតែជ្រើសរើសពេលវេលាក្នុងការញ៉ាំឱ្យបានសមស្រប។ ពេលវេលាល្អបំផុតសម្រាប់ញ៉ាំ គឺអ្នកត្រូវញ៉ាំនៅពេលព្រឹកបន្ទាប់ពីហាត់ប្រាណរួច ១៥ នាទី ឬញ៉ាំមុនអាហារពេលព្រឹកចាប់ពី ៣០ នាទី ទៅ ១ម៉ោង ដើម្បីឱ្យសារធាតុក្រូចឆ្មាជាមួយទឹកឃ្មុំមានសមត្ថភាពល្អទៅដុតជាតិខ្លាញ់នៅក្នុងខ្លួន ជាពិសេក្បាលពោះបានល្អ។
បន្ថែមលើនេះទៀត នៅពេលឆុងក្រូចឆ្មាលាយជាមួយទឹកឃ្មុំអ្នកត្រូវ ដាំទឹកឱ្យពុះល្អ បន្ទាប់មកទុកវាមួយឡែកសិនរងចាំឱ្យទឹកនោះចុះកម្តៅនៅឧណ្ហៗ ពីព្រោះថាការដែលយើងលាយល្បាយក្រូចឆ្មាទឹកឃ្មុំនៅពេលដែលទឹកទើបតែពុះរួច ឬទឹកដែលមានកម្តៅខ្លាំងវាអាចធ្វើឱ្យបាត់បង់ប្រសិទ្ធភាពរបស់ក្រូចឆ្មា ជាទឹកឃ្មុំ ហើយវាក៏មិនអាចទៅដុតជាតិខ្លាញ់បានល្អដែរ។ មួយវិញទៀត ចំពោះរបៀបនៃការលាយ អ្នកត្រូវយកទឹកក្តៅឧណ្ហៗមួយកែវ បន្ទាប់មកយកម្សៅល្មៀត មួយស្លាបព្រាកាហ្វេមកដាក់នៅក្នុងទឹកនោះរួចកូរវាឱ្យសព្វ បន្ទាប់មកត្រូវហាត់ក្រូចឆ្មាជាបន្ទះស្តើងៗចំនួន ២ ទៅ ៣ បន្ទះដាក់ក្នុងទឹកល្មៀតដែលយើងបានកូររួចនោះ ហើយចុងក្រោយបង្អោះអ្នកត្រូវ យកទឹកឃ្មុំមួយស្លាបព្រាបាយដាក់ចូលទៅក្នុងទឹកនោះដែរ រួចកូរល្បាយទាំង៣ ចូលគ្នាឱ្យសព្វសឹងផឹកជាការស្រេច។
សូមបញ្ជាក់ផងដែរថា ការផឹកក្រូចឆ្មាទឹកឃ្មុំលាយជាមួយនឹងម្សៅល្មៀតរាល់ថ្ងៃ ជាការធ្វើឱ្យអ្នកស្រកគីឡូបានលឿន ពីព្រោះល្បាយទាំងនេះវាមានតួនាទីទៅដុតជាតិខ្លាញ់នៅក្នុងខ្លួនរបស់យើងបានល្អ។ ប៉ុន្តែប្រសិនជាអ្នកមានបញ្ហាឈឺក្រពះ ឬពោះវៀន អ្នកមិនគួរប្រើវិធីនេះទេ ព្រោះក្រូចឆ្មាមានជាតិអាស៊ីតខ្ពស់ មិនល្អសម្រាប់អ្នកមានជំងឺក្រពះពោះវៀននោះទេ៕