ការលើសឈាមមានហានិភ័យដាច់សរសៃឈាមលឿនណាស់ ពេលអ្នកមានអារម្មណ៍ភ័យខ្លាច និងខឹង ចរន្តឈាមរបស់អ្នកកើនឡើងនៅត្រង់សរសៃមានផ្ទុកជាតិខ្លាញ់ វាធ្វើឱ្យសរសៃឈាមរបស់អ្នកឡើងប៉ោម ហើយងាយដាច់សរសៃឈាមនាំឱ្យពិការាងកាយផ្នែកណាមួយនៃរាងកាយ ឬស្លាប់មួយចំហៀងខ្លួនផងដែរ។ ដើម្បីកុំឱ្យមានគ្រោះថ្នាក់ទុកជាមុន លោកអ្នកអាចនិយាយជាមួយពេទ្យសិនក៏ជាការល្អដែរ។ មានវិធីខាងក្រោមនេះជួយបញ្ចុះឈាម និងកម្ចាត់ជាតិខ្លាញ់។
ជារឿយៗ សម្ពាធឈាមបានកើនឡើងនៅពេលដែលអ្នកលើសគីឡូ លើសជាតិខ្លាញ់ នាំឱ្យអ្នកមានបញ្ហាដល់ការគេងក្នុងការដកដង្ហើម ហើយចរន្តឈាមក៏កើនឡើង។ ការផ្ទុកគីឡូច្រើនពេកនៅជុំវិញចង្កេះអាចបង្កើនហានិភ័យជំងឺលើសឈាម។ ការសម្រកគីឡូជារបៀបផ្លាស់ប្តូរក្នុងការរស់នៅនិងគ្រប់គ្រងសម្ពាធឈាមដ៏មានប្រសិទ្ធភាពបំផុតគឺការហាត់ប្រាណ។ តាមគេហទំព័រ Mayoclinic បានចុះផ្សាយថា ការធ្វើលំហាត់ប្រាណជាប្រចាំថ្ងៃរយៈពេល ៣០នាទី ជួយរំលាយជាតិខ្លាញ់ និងលាងជាតិពុលចេញពីឈាមរបស់អ្នក ហើយធ្វើឱ្យចរន្តឈាមរបស់អ្នកមានដំណើរការដោយរលូនផងដែរ។ សូម្បីតែវេជ្ជបណ្ឌិតស្ទើរគ្រាប់មន្ទីរពេទ្យសុទ្ទតែណែនាំអ្នកជំងឺលើសឈាមឱ្យហាត់ប្រាណទាំងអស់គ្នា។
សម្រាប់អ្នកលើសឈាម អាចហាត់ប្រាណដើរ រាំ ហែលទឹក និងរត់តិចៗ អាចថាមួយថ្ងៃដំបូង ១០នាទី ថ្ងៃទីពីរ ២០នាទី និងថ្ងៃទីបីចំនួន ៣០នាទីជាប្រចាំថ្ងៃ ហើយអាចចូលក្លឹបហាត់ប្រាណ មានគ្រូបង្វឹកបន្ថែមក៏សុវត្ថភាពល្អដែរ។ មានរឿងមួយទៀត ការបញ្ចុះឈាមបានល្អក៏ស្ថិតនៅលើរបបអាហារមួយផ្នែកដែរ។ បើយោងទៅតាមប្រភពចេញផ្សាយរបស់ Eatthis បានលើកឡើងពីរបបអាហារល្អៗ ថា ទឹកដោះគោស្រស់ យ៉ាអួ ខ្ទឹមស ស្លឹកខ្ទឹម ចេក និងស្ពៃតឿ... វាមានជាតិខ្លាញ់ទាប មានជាតិខ្លាញ់ឆ្អែត និងកូលេស្តេរ៉ុលទាប អាចកាត់បន្ថយសម្ពាធឈាមបានរហូតដល់ 11 mm Hg ។ វាមានជាតិប៉ូតាស្យូមនៅក្នុងរបបអាហារអាចកាត់បន្ថយផលប៉ះពាល់ជាតិអំបិល (សូដ្យូម) លើសម្ពាធឈាម។ សូមអ្នកចៀសវាងអាហារនិងភេសជ្ជៈមានដូចជា ស្រា ភេសជ្ជៈជាតិផ្អែម អាហារប្រៃ មានខ្លាញ់ និងឈប់ជក់បារី។
ការគេងតិចជាងប្រាំមួយម៉ោងរៀងរាល់យប់រយៈពេលជាច្រើនសប្តាហ៍ និងជាច្រើនខែ ធ្វើឱ្យអ្នកមានជំងឺលើសឈាមផងដែរ។ បើអ្នកមានបញ្ហាការគេង នាំឱ្យអារម្មណ៍មានបញ្ហាអាចខឹង ស្រ្តេស និងតានតឹង វាក៏ធ្វើឱ្យអ្នកមានបញ្ហាឈាមកើនឡើង។ បើអ្នកដឹងថាខ្លួនមានបញ្ហាគេងអត់លក់ហើយ គួរតែព្យាយាមរកវិធីគេងលក់មានដូចជាសមាធិ ការអានសៀវភៅ ការហាត់ប្រាណពេលល្ងាចឱ្យអស់កម្លាំង អាហារល្អៗ និងពិភាក្សាជាមួយអ្នកជំនាញជាអ្នកចិត្តសាស្រ្ត និងពេទ្យជាដើម។ វិធីខាងលើទាំងអស់នេះ ជួយបញ្ចុះឈាមរបស់អ្នកកុំឱ្យកើនឡើងខុសបីធម្មតា។ ហើយជួយឱ្យសុខភាពរបស់អ្នកស្រកគីឡូ និងមានអាយុវែងផងដែរ៕ អត្ថបទដោយ៖ ទ្រ សុភាព
សៀវភៅ "លំហូរចិត្ត" លោកអ្នកអាចទិញតាម https://t.me/hangchhengH24
