តាមអ្នកជំនាញ Louise Jackson ប្រាប់ថា មនុស្សយើងម្នាក់ៗ គិតថា ការមានភាពស្មោះត្រង់ជាធាតុធ្វើឱ្យអ្នកមានក្តីសុខ។ ប៉ុន្តែមានមនុស្សខ្លះបានយល់ច្រឡំថា ធ្វើរឿងទាំងនេះហើយជារឿងស្រឡាញ់លើខ្លួនឯង ប៉ុន្តែពួកគេបែបជាគ្មានអារម្មណ៍ល្អជាជីវិតនេះទៅវិញ។ លោកស្រី Jackson ធ្វើរឿងទាំង ៥យ៉ាងនេះធ្វើឱ្យអ្នកមានបញ្ហាផ្លូវចិត្ត៖

១. សភាវគតិជាអារម្មណ៍ពូកែដឹង៖ មនុស្សយើងពេលមានសភាវគតិប្រាប់រឿងអ្វីមួយ មិនព្រមជឿនោះទេ តែងមានហេតុផលផ្សេងៗ ដើម្បីគាំទ្រអារម្មណ៍មិនល្អរបស់ខ្លួន។ ដូចជាអ្នកលេងល្បែងស៊ីសងចឹង សភាវគតិជាអារម្មណ៍ប្រាប់យើងថា វាអត់ល្អទេ។ ប៉ុន្តែយើងថា លេងវាសប្បាយ រាងយូរៗទៅ វាបំផ្លាញ់យើងជីវិត បានយើងដឹងខ្លួនឡើងវិញ។

២. ពឹងលើអ្នកដទៃ៖ អ្នកដែលធ្វើការសម្រេចចិត្តសំខាន់ៗដោយផ្អែកលើការរំពឹងទុករបស់អ្នកដ៏ទៃដូចជាឪពុកម្តាយ បងប្អូន មិត្តភក្តិ និងអ្នកដទៃ ធ្វើឱ្យខ្លួនអ្នកបាត់ភាពម្ចាស់លើខ្លួនឯង និងបាក់ទឹកចិត្តលើសដើម។ ព្រោះអ្វី? បេះដូងអ្នកចេះតែស្តាប់អ្នកដទៃច្រើនជាងខ្លួនឯង យូរៗ អ្នកកើនស្រ្តេស និងសម្ពាធផ្លូវចិត្តថែមទៀត។

៣. អ្នកអត់ដឹងពីខ្លួនឯង៖ បើអ្នកមិនដឹងថា ខ្លួនចង់បានអ្វីទេ ធ្វើឱ្យអ្នកចេះតែជឿការគិតរបស់អ្នកដទៃជាងជឿលើខ្លួនឯង។ បើអ្នកមានទង្វើបែបនេះ ពេលមានកំហុសឆ្គង ធ្វើឱ្យបាត់បង់ភាពម្ចាស់ការលើខ្លួនឯងទៅបន្ទោសអ្នកដទៃនោះឯង។ ចូរអ្នកគិតថា តើអ្នកស្រឡាញ់អ្វីខ្លះសម្រាប់អនាគត? ចូលរកខ្លួនដោយឆ្លងបទពិសោធន៍ឱ្យច្រើនក្នុងជីវិត។

៤.​ គិតចំពោះខ្លួនឯង៖ តាមសុភាសិតបារាំងមួយថា ពេលអ្នកឱ្យតម្លៃលើខ្លួនប៉ុន្មាន អ្នកដទៃក៏វាយតម្លៃអ្នកកម្រិតនោះដែរ”។ បើអ្នកអាល័យតែបារម្ភថា អ្នកគួរឱ្យស្អប់ ជារឿងត្រឹមត្រូវនោះ អ្នកកំពុងតែដើរលើផ្លូវខុសហើយ។ ការគិតបែបនេះ ធ្វើឱ្យផ្នត់គំនិតរបស់អ្នករីកធំដោយរឿងអវិជ្ជមានច្រើនឡើង។   

៥. ខ្លាចលំបាក៖ អ្នកអាចគិតថា ស្រឡាញ់ខ្លួនឯង កុំធ្វើការងារណាពិបាក ខ្លាចខូចខ្លួន។ បើអ្នកជ្រើសរើសភាពងាយស្រួល និងខ្ចិលច្រើននោះ ជីវិតកាន់តែលំបាកលើសដើម។ តាមសុភាសិតខ្មែរថា “នឿយមុន ស្រណុកក្រោយ”។ មានន័យថា អ្នកមិនអាចគេផុតពីការលំបាកទេ ប៉ុន្តែអ្នកអាចមានទ្រព្យ ការងារល្អៗ ហើយលែងខ្វះមុខ ខ្វះក្រោយទៀត។

ដូចនេះ រឿងទាំង ៥នេះ បើអ្នកមានចំណុចណាមួយ ចូលកែប្រែវាដើម្បីឱ្យខ្លួន កុំឱ្យបាកទឹកចិត្ត និងមានចំណុចអាក្រក់ច្រើន។ អារម្មណ៍ផ្លូវចិត្តរបស់យើងពេលណាមានរឿងអាក្រក់មួយហើយ បើយើងមិនកែវាទេ ចំណុចអាក្រក់នឹងរីកធំលើសដើមមិនខានឡើយ៕ អត្ថបទដោយ៖ ទ្រ សុភាព