អ្នកស្រីBlanca Garcia គឺជាអ្នកជំនាញផ្នែកអាហារូត្ថម្ភ និងអ្នកនិពន្ធផ្នែកចំណីរអាហារដែលមានបទពិសោធន៍ជាច្រើនឆ្នាំនៅក្នុងវិស័យចំណីរអាហារ និងអាហារូត្ថម្ភនេះផ្ទាល់តែម្តង។ កាលពីពេលថ្មីៗនេះ អត្ថបទមួយរបស់គាត់ដែលបានចុះផ្សាយដោយ Eat This, Not That បានឱ្យដឹងថា សម្រាប់អ្នកចង់ស្រកគីឡូលឿន ហើយឡើងសាច់ដុំវិញ ត្រូវញ៉ាំឱ្យបានច្រើន ទើបល្អជាងអត់ញ៉ាំ។



អ្នកទាំងអស់គ្នាប្រហែលជាឆ្ងល់ហើយថា ហេតុអ្វីញ៉ាំច្រើនបែរជាស្រកគីឡូឡើងសាច់ដុំវិញ? នៅក្នុងនោះ អ្នកស្រី Blanca Garcia ក៏យល់ស្របជាមួយអ្នកទាំងអស់គ្នាថា វាស្តាប់ទៅដូចជាផ្ទុយដែរ ប៉ុន្តែអ្នកស្រីបានពន្យល់យ៉ាងក្បោះក្បាលឱ្យកាន់តែច្បាស់ថានេះជាការពិត។ ការញ៉ាំច្រើនពិតជាអាចជួយឱ្យអ្នកសម្រេចបាននូវគោលដៅសម្រកគីឡូពិតមែន ឧទាហរណ៍ដូចជកុំរំលងអាហារដូចជាអាហារពេលព្រឹក។ ជឿឬមិនជឿ! ការសិក្សាបង្ហាញថាការញ៉ាំអាហារតិចៗច្រើនដងអាចជួយឱ្យអ្នកស្រកគីឡូបាន ព្រោះរាងកាយយើងមានតុល្យភាព និងទទួលបានសារធាតុចិញ្ចឹមជាប្រចាំដើម្បីរក្សាតុល្យភាពនៃគីឡូ មិនដូចយើងបង្អត់អាហារខ្លួនឯងនោះទេ។

ធម្មតា នៅពេលដែលអ្នកបង្អត់អាហារខ្លួនឯង ចុងក្រោយអ្នកនឹងត្រូវឡើងគីឡូលើសដើម។ រាងកាយអ្នកខ្វះអាហារូត្ថម្ភ ហេតុនេះពេលអ្នកឃ្លាន អ្នកនឹងញ៉ាំលើសអ្វីដែលអ្នកបានគិតទុក ចុងក្រោយអ្នកនឹងឡើងគីឡូ ហើយមិនស្រកដូចចិត្តទេ។ ជាការណែនាំ គឺអ្នកគួរតែញ៉ាំតិចៗតែញ៉ាំឱ្យច្រើនដងវិញ, អ្នកអាចសាកល្បងបាននឹងឃើញលទ្ធផលថាអាចស្រកគីឡូបានយ៉ាងងាយ, អាចបង្កើតសាច់ដុំដែលគ្មានខ្លាញ់, បង្កើនសក្តានុពលនៃការដុតរំលាយខ្លាញ់អាក្រក់ចោលទៀតផង។

ព្យាយាមញ៉ាំអាហារងាយៗតិចៗឱ្យញឹក ជាអាហារមានតុល្យភាពអាហារូបត្ថម្ភដូចជាជាតិកាបូអ៊ីដ្រាត ប្រូតេអ៊ីន និងខ្លាញ់ល្អរៀងរាល់៣ម៉ោងម្តង។ សារជាតិប្រូតេអ៊ីន ជាពិសេសជួយលើកកម្ពស់ការសម្រកទម្ងន់ និងមានសារៈសំខាន់សម្រាប់ការសំយោគប្រូតេអ៊ីនសាច់ដុំ។ ប្រសិនបើអ្នកញ៉ាំមិនគ្រប់គ្រាន់ រាងកាយរបស់អ្នកអាចចូលទៅក្នុងរបៀបអត់ឃ្លាន ដែលរារាំងការសម្រកទម្ងន់ និងការឡើងសាច់ដុំ។ របៀបអត់ឃ្លានធ្វើឱ្យរាងកាយរបស់អ្នករក្សាកាឡូរី រក្សាទុកជាតិខ្លាញ់ និងដុតសាច់ដុំសម្រាប់ថាមពលជំនួសឱ្យជាតិខ្លាញ់ ហេតុនេះអ្នកនឹងធាត់លើសគីឡូវិញ។

សរុបជាខ្លីមកវិញ ញ៉ាំឱ្យច្រើនដង ញ៉ាំអាហាររូបត្ថម្ភល្អៗសម្រាប់រាងកាយមានតុល្យភាព បើអាចញ៉ាំរៀងរាល់៣ម៉ោងម្តង និងកុំទុកឱ្យខ្លួនឯងឃ្លានខ្លាំង។ គ្រាន់តែសាកល្បងធ្វើបែបនេះ អ្នកនឹងមើលឃើញភាគខុសប្លែកនៃគីឡូអ្នកជាមិនខាន៕

អត្ថបទដោយ៖ កញ្ញា លីហួយ