អ្នករស់នៅបានយូរ ដែលមានសុខភាពល្អ មានសម្រស់ក្មេងជាងវ័យ ត្រូវការទម្លាប់ល្អៗ និងរបបអាហារបំប៉នផថដែរ។ ដូចជាពាក្យចាស់បុរាណក្រិចបានពោលថា របបអាហារអ្នកបែបណា សុខភាពអ្នកបែបនោះដែរ។ បើអ្នកចង់បានជីវិតរស់នៅបានយូរ និងសម្រស់ក្មេងជាងវ័យ មកដឹងពី របបអាហារ០៨នេះ មានដូចជា៖

១. ត្រីខ្លាញ់៖ ប្រជាជនជប៉ុនមានអាយុកាលវែងជាងគេបំផុតនៅលើពិភពលោកនេះ មានគន្លឹះរបបអាហារប្រពៃណីរបស់ខ្លួនគឺខ្លាញ់ត្រីនេះឯង។ ពួកគេមិនសូវហូបសាច់គោរ សាច់ជ្រូកប៉ុន្មានទេ។ ពីព្រោះប្រភេទត្រីដែលមានជាតិខ្លាញ់ល្អៗ មានដូចជា ត្រីសាលម៉ុន ត្រីសាឌីន និងត្រីត្រឡាច មានអត្ថប្រយោជន៍ចំពោះសុខភាពការពាជំងឺបេះដូង។

២. ផ្លែប៊្លូបឺរី៖ សម្បូរជាតិវីតាមីនC ដែលដើរតួទីជាអង់ទីអុកស៊ីដង់ដ៏ខ្លាំងក្លា។ ផ្លែឈើនេះមានកាឡូរីទាប មានជាតិសរសៃខ្ពស់ និងការពារជំងឺចាស់ជាងវ័យផងដែរ។ បើអ្នកមានបំណងចង់សម្រកទម្ងន់នោះ ការញ៉ាំផ្លែប៊ឺរី ជួយកម្ចាតិជាតិខ្លាញ់ផងដែរ។

៣. ខ្ទឹមស៖ តាម Realbuzz បានចុះផ្សាយថា អ្នកញ៉ាំខ្ទឹមស មានសមាសធាតុជាច្រើន ដែលជួយប្រឆាំងមហារីក និងពង្រឹងប្រព័ន្ធភាពស៊ាំ ដែលជួយបំបែកសារធាតុដែលបង្កឱ្យកើតជំងឺមហារីកបានយ៉ាងល្អ។

៤. ផ្លែឈើ និងបន្លែចម្រុះ​៖ តាមការស្រាវជ្រាវបានបង្ហាញថា អ្នកញ៉ាំផ្លែឈើ និងបន្លែច្រើន តែងមានអាយុវែង មកពីអាហារទាំងនេះមានសារធាតុចិញ្ចឹម ដើម្បីបំប៉នសុខភាព និងប្រឆាំងជំងឺ។

៥. ត្រីសាម៉ុង៖ ត្រីនេះមាន​សារ​ធាតុ​ខ្លាញ់​អូមេហ្គា៣​ល្អ​សម្រាប់​សុខភាពបេះដូង ​មកពីវាមានអាស៊ីត​ក្នុងសាច់នេះ និងវា​ជួយ​រក្សា​ស្បែក​​ឱ្យ​មាន​សំណើម​ ហើយជួយ​កាត់​បន្ថយ​ការ​រលាក។​ ប្រភេទត្រីខ្លាញ់ត្រីសាម៉ុង និងម៉ាស្ការ៉េ គឺជាប្រភពដ៏ប្រសើរនៃអាស៊ីតខ្លាញ់អូមេហ្គា ៣ ដែលជួយដល់សុខភាពបានយ៉ាងល្អ។

៦. ទឹកធម្មតា៖ ការផឹកនេះ ក៏ជួយសម្រកគីឡូបានល្អ និងចិញ្ចឹមរាងកាយទៀត។ អ្នកអាចផឹកទឹកធម្មតានេះ មុន ឬក្រោយពេលហាត់បា្រណ នៅពេលអ្នកហាត់ប្រាណ ធ្វើឱ្យបាត់បង់ជាតិទឹកក្នុងខ្លួន និង បែកញើសកម្ចាត់ជាតិពុល។ នៅក្នុងមួយថ្ងៃ អ្នកគួរតែពិសារទឹក ៤លីត្រ។

៧. តែទឹកឃ្មុំក្រូចឆ្មា៖ យោងតាមប្រភព Lifehack បានឱ្យដឹងថា ការផឹកទឹកក្រូចឆ្មាទឹកឃ្មុំក្ដៅៗមួយកែវពេលព្រឹក គឺជួយជំរុញប្រព័ន្ធភាពស៊ាំនៃរាងកាយឱ្យរឹងមាំ,ជួយលាងសម្អាតជាតិពុលក្នុងក្រពះ ជួយកម្ចាត់ជាតិពុលពីរាងកាយ ជួយផ្ដល់សំណើមដល់ស្បែក ធ្វើឱ្យស្បែកមានភាពភ្លឺរលោង។

៨. ទឹកដូងជួយបង្កើតថាមពល៖ មានមនុស្សជាច្រើនបានមើលរំលងពីគុណប្រយោជន៍របស់ទឹកដូង តាមអ្នកជំនាញផ្នែកសុខភាពមានបទពិសោធន៍ ១៥ ជាងឆ្នាំ គឺលោកវេជ្ជបណ្ឌិត Chris Iliades បាននិយាយថា “ការផឹកទឹកដូងជាប្រចាំថ្ងៃ ជួយឱ្យអ្នកលើសឈាម មានចរន្តឈាមថយចុះ និងជួយកាត់បន្ថយហានិភ័យនៃការគាំងបេះដូងបានល្អផងដែរ។ សម្រាប់អ្នកហាត់ប្រាណ ទឹកដូងជួយសម្រកទម្ងន់ ពីព្រោះភេសជ្ជទឹកដូងនេះមានខ្លាញ់តិច តែផ្តល់ថាមពលច្រើន។” អត្ថបទដោយ៖ ទ្រ សុភាព