ចង់បានស្បែកសភ្លឺរលោងកុំរំលងអត្ថបទនេះ អ្នកចូលចិត្តស្បែកសស្អាត ភ្លឺរលោងចេញពីខាងក្នុងគួរតែស្គាល់ពីស្ដេចភេជ្ជៈ៣មុខនេះ ដែលវាមានប្រសិទ្ធភាពនៅក្នុងការ​ជួយថែរក្សា បន្តឹងស្បែក កាត់បន្ថយភាពជ្រីវជ្រួញរបស់ស្បែក ធ្វើឱ្យស្បែកអ្នកភ្លឺរលោងស្អាតចេញពីខាងក្នុង ព្យាយាមញុំាជាប្រចាំ ស្រឡាញ់ស្បែកខ្លួនឯងមិនខាន។

យោងតាមរយៈគេហទំព័រbebeautifulបានណែនាំភេសជ្ជៈ៣ប្រភេទ ដែលអ្នកងាយស្រួលធ្វើ ចំណាយពេលខ្លី រសជាតិឆ្ងាញ់ ញុំាហើយសុខភាពក៏ល្អថែមទៀត​ភេសជ្ជៈទាំងនោះមានដូចជា៖

១.ទឹកត្រសក់៖ ផ្លែត្រសក់មានផ្ទុកជាតិទឹកប្រមាណ៩៨ភាគរយ សារធាតុរ៉ែ​ វីតាមីន ដែលត្រូវបានគេហៅថាជាឱសថទិព្វមួយ ដែលផឹកទៅជួយផ្ដល់ជាតិទឹកដល់ស្បែកច្រើន ជួយឱ្យស្បែកមានសំណើម ភ្លឺរលោងមិនងាយជ្រួញ ខ្មៅស្រអាប់ឡើងមក អ្នកដែលមានស្បែកស្ងួត​ស្រអាប់អាចសាកធ្វើ ទឹកត្រសក់ញុំាជាប្រចាំថ្ងៃបាន។

២.ទឹកប្រទាលកន្ទុយក្រពើ៖ ប្រទាលកន្ទុយក្រពើមានផ្ទុកអរម៉ូនដូចជា auxin និង gibberellins ដែលត្រូវបានគេស្គាល់ថាជួយ ព្យាបាលស្បែក​ វាមានផ្ទុកដោយសារធាតុរ៉ែ វិតាមីនជួយឱ្យស្បែកភ្លឺថ្លាចេញមកពីខាងក្នុង។

៣.ទឹកប៉េងប៉ោះ៖ ទឹកប៉េងប៉ោះស្រស់ៗញុំារាល់ថ្ងៃជួយទៅបំបាត់ស្នាមអុចខ្មៅ ស្នាមជ្រួញនៃស្បែក កាត់បន្ថយជាតិខ្លាញ់កើតលើស្បែក ជួយឱ្យស្បែក ភ្លឺស្រស់ថ្លា បង្រួមរន្ធញើស វាជាស្ដេចភេសជ្ជៈញុំាទៅស្បែកស្អាត។

បន្ថែមពីនេះទៀតដើម្បីជួយស្បែកអ្នកឱ្យស្រស់ស្អាត ភ្លឺរលោងគួរតែមានទម្លាប់ល្អៗទាំងនេះជាប្រចាំថ្ងៃ៖

-គេងឱ្យបានគ្រប់គ្រាន់

នៅពេលដែលអ្នកគេងបានគ្រប់គ្រាន់ គឺជាពេលវេលាមួយដែលកោសិកាលូតលាស់ និងជួសជុលកោសិកាចាស់ៗដែលខូចខាត។ ហើយពេលវេលាដែលអ្នកគួរតែចូលគេង គឺមុនម៉ោង១១យប់ ពីព្រោះពេលវេលានេះ ជាពេលវេលាមួយដែលថ្លើមចាប់ផ្ដើមបញ្ចេញជាតិពុល។ ​ប្រសិនបើអ្នក ពិបាកក្នុងការចូលគេង សូមចៀសវាងភេសជ្ជៈគ្រឿងកំប៉ុងដែលមានជាតិស្ករមួយចំនួន និងជាពិសេសដូចជាភេសជ្ជៈដែលមានជាតិកាហ្វេអ៊ីនជាដើម។

-ផឹកទឹកឱ្យបានគ្រប់ចំនួន

ការផឹកទឹកបានច្រើន គឺដើម្បីជួយបណ្ដេញជាតិពុលដែលបង្កគ្រោះថ្នាក់នៅក្នុងស្បែករបស់អ្នក និងបង្កើនបត់បែនរបស់ស្បែក ជាពិសេសអ្នកត្រូវធ្វើលំហាត់ប្រាណឱ្យបានច្រើនដើម្បីបញ្ចេញជាតិញើស និងជាតិពុល។

-កុំលាបគ្រឿងសំអាងច្រើនពេក

នៅពេលអ្នកលាបគ្រឿងសំអាងច្រើនពេក នឹងធ្វើឱ្យរន្ធញើសរបស់អ្នកស្ទះ ធ្វើឱ្យបាក់តេរី ធូលីដីផ្សេងៗកកស្ទះនៅលើផ្ទៃមុខ។ នៅពេលអ្នកលាងសម្អាតមិនបានជ្រះល្អ ជាតិម្សៅ ឬគ្រឿងសំអាងទាំងនោះហើយជាមេរោគ ដែលធ្វើឱ្យមុខអុ្នកក្លាយជាមុន មុនកប់សាច់ រោល រមាស់ជាដើម។

-លាបSunscreen ការពារកម្ដៅថ្ងៃ

ឡេការពារពន្លឺថ្ងៃមានអត្ថប្រយោជន៍ជួយកាត់បន្ថយកត្តាប្រឈមមួយចំនួនដូចជា ជំងឺមហារីកស្បែកប្រភេទ Melanoma និង Squamous Cell Carcinoma (SCC​, រលាកស្បែក, កាត់បន្ថយស្នាមជ្រីវជ្រួញ,ស្នាមអាចម៍រុយ,ស្នាមប្រជ្រុយ,ការពារមុខជាំ,មុខស្រអាប់ខ្មៅ៕

អត្ថបទដោយ៖ប៉ែត ធីតា