ដើរលែងច្រើន ខ្មៅស្បែក ខ្មៅមុន មកដឹងពីភេសជ្ជៈបំពេញជាតិទឹកជួយស្បែកកាត់ ភាពខ្មៅស្រអាប់
នៅក្នុងឱកាសបុណ្យឆ្លងឆ្នាំសកល ប្រាកដណាស់ ច្បាស់ជាបងប្អូន ដើរកម្សាន្តច្រើនកន្លែង ជាហេតុធ្វើឱ្យស្បែកចាប់ផ្ដើមខ្មៅស្រអាប់ជាំដោយសារពន្លឺថ្ងៃ មុនក៏កើតច្រើនទ្វេដងដោយសាររបបអាហារចម្រុះជាច្រើន ចេះតែញុំាចេះតែដាក់ ដល់ពេលចប់ទើបដឹងថាគីឡូក៏ឡើងមុនក៏ឡើងស្បែកក៏ខ្មៅខ្លាំងទាំងមុខទាំងខ្លួន។
ឥឡូវឈប់បារម្ភច្រើនទៀតទៅ បងប្អូនអាចញុំាភេសជ្ជៈប៉ុន្មានមុខខាងក្រោមនេះគឺជួយឱ្យស្បែកចាប់ផ្ដើមប្រែជាភ្លឺថ្លា កាត់បន្ថយភាពខ្មៅស្រអាប់ ប្រែជាស្រស់ថ្លា ថែមទាំងជួយកាត់បន្ថយមុនស្នាម បានបន្ដិចម្ដងៗផងដែរឱ្យតែផឹកជាប់។
-ចាប់ផ្ដើមផឹកទឹកឱ្យបានគ្រប់៖ ក្រោយពីដើរកម្សាន្ដច្រើនច្បាស់ថាបងប្អូនទាំងស្រីទាំងប្រុសមិនសូវផឹកទឹកបានគ្រប់គ្រាន់តែ គឺច្រើនផឹកភេសជ្ជៈផ្អែម ៗឬក៏ស្រាជំនួសវិញជាហេតុធ្វើឱ្យរាងកាយខ្វះជាតិទឹក ។ ឥឡូវឱកាសបុណ្យចូលឆ្នាំសកលបានបញ្ចប់ហើយ តែសម្រស់និងសុខភាពរាងយ៉ាប់បន្ដិច ដូច្នេះបងប្អូនគួរតែរក្សាឱ្យបានល្អមកវិញតាមរយៈការផឹកទឹកឱ្យបានគ្រប់គ្នា។
-ទឹកបន្លែផ្លែឈើ៖ មានដូចជាទឹកក្រូច ទឹកប័រ ទឹកការ៉ុត ទឹកតាសកជាដើម ទឹកភេសជ្ជៈទាំងនេះគឺសម្បូរដោយ វីតាមីន សារធាតុចិញ្ចឹម ជាតិទឹក ដែលវាមានប្រយោជន៍ច្រើនសម្រាប់ស្បែក ជួយប៉ូវស្បែកឱ្យភ្លឺរលោងស្អាត កាត់បន្ថយភាពខ្មៅស្រអាប់របស់ស្បែក ប្ដូរមកវិញនៅស្បែកភ្លឺថ្លា កាត់បន្ថយស្នាមមុន ស្នាមបានយ៉ាងបន្ដិចម្ដង។
-លាបឡេផ្ដល់សំណើម ខាត់ស្បែក៖ នៅពេលត្រូវកម្ដៅខ្លាំងច្រើន ស្បែកចាប់ផ្ដើមខ្មៅ ស្រអាប់ហើយ ក្រិន ដូច្នេះគួរតែខាត់ស្បែក ១សប្ដាហ៍២ដងក៏បាន ៣ដងក៏បាន ដើម្បីជម្រុះកោសិកាចាស់ៗចោលនិងលាបឡេផ្ដល់សំណើមឱ្យបានត្រឹមត្រូវ ដើម្បីជួយស្បែក ចាប់ផ្ដើមភ្លឺរលោងបន្តិចម្ដងៗ ។ ចំណែកឯស្បែកមុខវិញក៏ត្រូវតែលាបឡេផ្ដល់សំណើមឱ្យបានគ្រឹមត្រូវ បិតម៉ាស់ និងលាងសម្អាតមុខឱ្យបានត្រឹមត្រូវ។
ជាចុងក្រោយ សម្រាប់បងប្អូនដែលមានបញ្ហាស្បែកមុខស្បែកខ្លួន ព្រោះដើរលេងច្រើន អាចសាកវិធីខាងលើនេះបាន ដើម្បីជួយកាត់បន្ថយភាពខ្មៅស្រអាប់របស់អ្នកឱ្យភ្ឡឺរលោងថ្លាបន្ដិចម្ដងៗបាន៕
អត្ថបទដោយ៖ ប៉ែត ធីតា