បើអ្នកចង់បានសម្រស់ក្មេងជាងវ័យ ត្រូវថែសុខភាពឱ្យរឹងមាំ។ បើសុខភាពមានបញ្ហា រាងកាយអ្នកកាន់តែទ្រុឌទ្រោម និងសម្រស់កាន់តែលំបាកដែរ។ អ្នកគួរតែជ្រើសអាហារបំប៉ន់សុខភាព និងថែសម្រស់។ ថ្ងៃនេះ យើងនឹងលើពីភេសជ្ជៈទាំងបីនេះ កាន់បំប៉ន់សម្រស់ឱ្យក្មេងជាងវ័យ៖
១. ភេសជ្ជៈមួយនេះ ថែសម្រស់ និងការពារជំងឺ
បើអ្នកចង់បានភេសជ្ជៈមានគុណភាពដល់ជីវិត និងសម្រស់ អ្នកគួរជ្រើសតែបៃតង។ ពីព្រោះតែបៃតង មានផ្ទុកសារធាតុប្រឆាំងអ៊ុកស៊ីតកម្ម ដើម្បីការពារកោសិកាពីការខូចខាត និងប្រឆាំងនឹងភាពចាស់ ព្រមទាំងកាត់បន្ថយហានិភ័យនៃការកើតជំងឺមួយចំនួនទៀតផង ។ មិននត្រឹមតែជួយការពារសម្រស់ទេ សូម្បីជំងឺក៏ការពារបានល្អដែរ។
២. ទឹកផ្លែឈើនេះ មានសារធាតុចិញ្ចឹមច្រើនដល់សម្រស់
ការញ៉ាំផ្លែប៉ោម ឬទឹកផ្លែប៉ោម មានជាតិប្រូតេអ៊ីន និងវីតាមីនច្រើន ជួយបំប៉នសុខភាពសម្រស់ និងការពារជំងឺផងដែរ។ តាមលោកវេជ្ជបណ្ឌិត Chris មានប្រសាសន៍ថា មានការសិក្សាមួយបានរកឃើញថា ការញ៉ាំផ្លែប៉ោមមួយ ក្នុងមួយថ្ងៃ ជួយកាត់បន្ថយការគាំងបេះដូង និងការពារដាច់សរសៃឈាមខួរក្បាលបាន ១២ % ហើយជួយសម្រស់ផងដែរ។” ផ្លែប៉ោមមានផ្ទុកសារធាតុវីតាមីនសេរបស់ផ្លែប៉ោម ដែលមានអង់ទីអុកស៊ីដង់ពីធម្មជាតិដ៏មានឥទ្ធិពលក្នុងការទប់ស្កាត់ កុំឱ្យកោសិការខូច។ វីតាមីនសេរបស់ផ្លែប៉ោម គឺជួយបង្កើនភាពធន់របស់រាងកាយប្រឆាំងភ្នាក់ងារបង្ករោគ។
៣. ទឹកដូងជួយបង្កើតថាមពល
មានមនុស្សជាច្រើនបានមើលរំលងពីគុណប្រយោជន៍របស់ទឹកដូង ជួយដល់អ្នកហាត់ប្រាណជួយផ្តល់ថាមពល និងរក្សាសាច់ដុំ កុំឱ្យរមួលក្រពើក្នុងពេលហាត់ប្រាណ។ តាមអ្នកជំនាញផ្នែកសុខភាពមានបទពិសោធន៍ ១៥ ជាងឆ្នាំ គឺលោកវេជ្ជបណ្ឌិត Chris Iliades បាននិយាយថា “ការផឹកទឹកដូងជាប្រចាំថ្ងៃ ជួយឱ្យអ្នកលើសឈាម មានចរន្តឈាមថយចុះ និងជួយកាត់បន្ថយហានិភ័យនៃការគាំងបេះដូង និងថែសម្រស់ កុំឱ្យឆាប់ចាស់ជាងវ័យ។ ធ្វើឲ្យបេះដូងមានសុខភាពល្អ ជួយកាត់បន្ថយការរលាកក្នុង និងបញ្ចុះសម្ពាធឈាម ព្រមទាំងជួយបញ្ចុះជាតិខ្លាញ់អាក្រក់នៅក្នុងចរន្ដឈាមបានទៀតផង ។ សមាគមវេជ្ជសាស្ត្រអាមេរិកបានគាំទ្រពីការស្រាវជ្រាវរបស់ជនជាតិជប៉ុន មានអ្នកចូលរួមជាង ៤ ម៉ឺននាក់ បានរកឃើញថា អ្នកដែលផឹកតែបៃតង ៥ ពែងឬច្រើនជាងនេះក្នុងមួយថ្ងៃ មានអត្រាស្លាប់ ១៦ នាក់តែប៉ុណ្ណោះ ទាបជាងអ្នកដែលផឹកតែមួយពែងក្នុងរយៈពេល ១១ ឆ្នាំ។