ពេទ្យប្រាប់រោគសញ្ញា អាចបង្ហាញថាអ្នកកំពុងប្រឈមនៃជំងឺគ្រុនឈាមលើមនុស្សពេញវ័យ
នាខែនេះបងប្អូនត្រូវប្រុងប្រយ័ត្នឱ្យមែនទែន ព្រោះអាចងាយនឹងជំងឺឈឺច្រើនហើយ។ជាពិសេសគឺជាជំងឺគ្រុនឈាមតែម្ដង។ នេះបើយោងតាមរយៈប្រភពមន្ទីរពេទ្យកាល់ម៉ែត្របានបញ្ជាក់ឱ្យដឹងថា ជំងឺគ្រុនឈាមជាទូទៅតែងតែកើតមាននៅលើកុមារ តែបច្ចុប្បន្ននេះនៅកម្ពុជាក៏មានករណីខ្លះ កើតមាននៅលើមនុស្សពេញវ័យដូចគ្នា។ យើងសង្កេតឃើញថា ជំងឺនេះច្រើនកើតឡើងនៅរដូវវស្សា ដោយហេតុថារដូវភ្លៀងជាអំណោយផលដល់ការកកើតពពួកមូសខ្លា ដែលជាភ្នាក់ងារចម្លងរោគ។
ខាងក្រោមនេះគឺជារោគសញ្ញាជំងឺគ្រុនឈាមកើតលើមនុស្សពេញវ័យ
- ក្តៅខ្លួនខ្លាំង
- ឈឺក្បាល
- ឈឺខ្លួន និងសាច់ដុំ
- ក្អួតចង្អោរ
- ស្នាមអុចក្រហមលើស្បែក។
ដូច្នេះហើយសម្រាប់បងប្អូនដែលមានរោគសញ្ញាដូចបានរៀបរាប់ខាងលើ សូមបងប្អូនគួរតែចំ អញ្ជើញមកធ្វើការពិគ្រោះជាមួយគ្រូពេទ្យជំនាញនៃមន្ទីរពេទ្យកាល់ម៉ែត ដើម្បីអាចធ្វើរោគវិនិច្ឆ័យពិតប្រាកដនៃជំងឺនេះ ដើម្បីចៀសវាងមានបញ្ហាកាន់តែធ្ងន់ធ្ងរពេលយើងមិនយកចិត្តទុកដាក់៕