នាពេលថ្មីៗនេះ ជំងឺភ្នែកក្រហម កំពុងមានករណីថ្មីឆ្លងច្រើន នៅតាមបណ្ដាខេត្តក្នុងប្រទេសកម្ពុជាយើង។ ដូច្នេះសូមបងប្អូនជ្រាបជាដំណឹង និងបង្កើនការប្រុងប្រយ័ត្នចៀសវាងមានករណីឆ្លងកើតមានឡើងកាន់តែខ្លាំង។ ដូច្នេះហើយដើម្បីចូលរួមទប់ស្កាត់ករណីឆ្លងថ្មីកើតមានឡើង ក្រសួងសុខាភិបាល បានចេញសេចក្តីណែនាំវិធីការពារនិងរោគសញ្ញានៃជំងឺនេះឱ្យបងប្អូនបានដឹងនឹងប្រុងប្រយ័ត្ន។

រោគសញ្ញាជំងឺភ្នែកក្រហម៖

-ផ្នែកសនៃភ្នែក ឡើងពណ៌ផ្កាឈូក ឬ ក្រហមហើមត្របកភ្នែក

-មានអាចម៍ភ្នែក ឬ ពពឹកស្អិតជាប់ភ្នែក ជាពិសេសនៅពេលព្រឹក

-ហូរទឹកភ្នែកច្រើន រកាំភ្នែកដូចមានសំរាមនៅក្នុងភ្នែក ឬ ចង់ញីភ្នែក

-រមាស់ភ្នែក រលាក ឬ ក្រហាយភ្នែក ចុកគ្រាប់ភ្នែក ។

វិធីបង្ការការឆ្លងជំងឺភ្នែកក្រហម៖ ក្នុងនោះ ក្រសួងសុខាភិបាកកម្ពុជាយើង បានណែនាំប្រជាជនយើងឱ្យមានការប្រុងប្រយ័ត្ននិងការពារខ្លួនពីជំងឺភ្នែកក្រហមតាមរយៈវិធីសាស្រ្តខាងក្រោម៖

-លាងដៃឲ្យបានញឹកញាប់ជាមួយសាប៊ូ

- ជៀសវាងប៉ះ ឬ ញីភ្នែក

-ជៀសវាងការប្រើប្រាស់របស់របររួមគ្ន

-ជៀសវាងការប៉ះ ឬ ប្រើថ្នាំភ្នែកខាងភ្នែកដែលឈឺ ទៅប្រើភ្នែកដែលមិនឈឺ ឬ ប្រើថ្នាំភ្នែករួមគ្នា ។

អាស្រ័យហេតុនេះហើយប្រសិនណាបងប្អូនបានដឹងពីរោគសញ្ញា និងវិធីការពារដូចក្រសួងបានចែករំលែកខាង សូមបន្ដអនុវត្តតាមជាពិសេសមនុស្សចាស់ និងកុមារតូចៗឪពុកម្ដាយត្រូវបង្កើនការយកចិត្តទុកដាក់ចំពោះកូនៗចៀសវាងឆ្លងជំងឺភ្នែកក្រហមឡើងមក។ មួយវិញទៀត បើមានករណីរោគសញ្ញាដូចបានរៀបរាប់ខាងលើកុំទុកយូរ សូមទៅពិគ្រោះជំងឺនៅមណ្ឌលសុខភាព ឬ មន្ទីរពេទ្យដែលនៅជិតអ្នកបំផុត៕

សៀវភៅ "លំហូរចិត្ត" ចេញលក់ឆាប់ៗ នេះ អាចកក់មុន មានតម្លៃបញ្ចុះពិសេសតាម https://t.me/hangchhengH24