ការផ្លាស់ប្តូររាងកាយឱ្យស្អាត មិនមែនត្រូវពេលមួយយប់នោះទេ វាត្រូវការរាប់ឆ្នាំ ដើម្បីឱ្យរាងកាយមានការផ្លាស់ប្តូរកើតឡើង។ លោកគ្រួ Jordan Yeoh បានចំណាយពេលបីឆ្នាំ និងឆ្លងកាត់កំហុសជាច្រើន។ តើលោក Jordan Yeoh បានឆ្លងកាត់អ្វីខ្លះ?

នៅអាយុ ២២ ឆ្នាំ​ លោក Jordan Yeoh បានចាប់ផ្តើមធ្វើលំហាត់ប្រាណ ហើយលោកបាននិយាយថា” ខ្ញុំជាមនុស្សម្នាក់មានការព្យាយាមហ្វឹកហាត់ជាងគេនៅកន្លែងហាត់ប្រាណ ពីព្រោះខ្ញុំស្រឡាញ់វាពិតមែន។”​ គាត់ជាអ្នកកាយសម្បទាពិតប្រាកដរបស់ Malaysian ម្នាក់។

១. ការចាប់ផ្តើមហ្វឹកហាត់រាងកាយ

លោកគ្មានទំនុកចិត្តទៅកន្លែងហាត់ប្រាណទេ គាត់បានសម្រេចចិត្តចូលហាត់ប្រាណ គឺមកពីមិត្តភក្តិរបស់គាត់ នៅឆ្នាំ ២០០៨។ លោកបាននិយាយថា​” ខ្ញុំមានការហ្វឹកហាត់កាយសម្បទានេះខ្លាំង ដែលឆ្លងកាត់កំហុសជាច្រើន និងជាមនុស្សចុងក្រោយគេដែលចេញពីកន្លែងហាត់ប្រាណ។” បើអ្នកគ្មានចិត្តស្រឡាញ់វាទេ អ្នកមិនអាចធ្វើការងារខ្លាំងបានដែរ។

២. របួស និងការធ្លាក់ចុះ

លោកធ្លាប់មានបញ្ហាធំមួយនៅឆ្នាំ ២០១២ មានរបួសខ្នងខាងក្រោយ មកពីទម្រង់ហាត់របស់គាត់មិនល្អទេ គាត់ចេះតែលេងបន្ថែមទម្ងន់ឱ្យធ្ងន់គ្រប់ឈុតទាំងអស់។ គាត់បាននិយាយថា” ពេលនេះខ្ញុំជាគ្រួបង្វឹកផ្ទាល់ខ្លួន។ អ្វីៗ គ្រប់យ៉ាងបន្តធ្លាក់ចុះ ខ្ញុំមិនអាចធ្វើលំហាត់ប្រាណ ហើយខ្ចីលុយពីគេ ខ្ញុំនៅចាំថា ពេលនោះ ខ្ញុំលំបាកវេលនាខ្លាំងណាស់។” ការណាត់ជួបអថិតិជនរបស់គាត់ ត្រូវបានលុបចោលទាំងអស់...មកពីគាត់របួស។ លោកបានបន្តថា “របៀបខ្ញុំយកឈ្នះលើវា គឺបន្តដំណើរទៅមុខដោយទំនុកចិត្ត និងជំនឿលើជីវិត​ នេះជាភាពរឹងមាំក្នុងការរស់នៅរបស់ខ្ញុំ។” គាត់ជាមនុស្សមិនព្រមចុះចាញ់ទេ គាត់បានតស៊ូរហូតធ្វើឱ្យគាត់យកឈ្នះលើវាបាន។

៣.ការបណ្តុះរាងកាយ

ការហ្វឹកហាត់រាងកាយឱ្យស្អាតមានសាច់ដុំ មិនមែនប្រើពេលតែមួយថ្ងៃនោះទេ ប្រើពេលរាប់ឆ្នាំ​ ដែលហ្វឹកហាត់វាជាប្រចាំថ្ងៃ។​ លោក Jordan Yeoh បាននិយាយថា “មានមនុស្សភាគច្រើនរំពឹងថា “ការហាត់រយៈពេល ៣ ខែមានលទ្ធល្អ មានរាងស្អាត តែវាពិបាកណាស់ បន្ទាប់មក ពួកគេចាប់ផ្តើមស្អប់ខ្លួនឯង ដែលមានការខុសរំពឹងទុករបស់ពួកគេ។”

ការកសាងរាងកាយ វាចាប់ផ្តើមពីចំនួនខែ ចំនួនឆ្នាំ ដូចជាការដាំដើមឈើចឹង។ អ្នកត្រូវការភាពអត់ធ្មត់ដើម្បីចិញ្ចឹមរាងកាយ អ្នកកុំគិតរយៈពេល ២ ឆ្នាំ ខាងមុខ គឺអ្នកត្រូវគិតកសាងរាងកាយរបស់អ្នក ពេលនេះជាប្រចាំ។ វាជារបៀបដែលអ្នករីកចម្រើនតាមពេលវេលា។

៤. របបអាហារលោក Jordan Yeoh

របបអាហាររបស់ខ្ញុំតែងតែមាន​ ៦០% សម្រាប់មានសុខភាពល្អដូចជា សាច់មាន់ សាឡាត់ ដំឡូង ត្រី និងផ្លែឈើ ។ ចំណែក ៤០ % ទៀតជាអាហារមិនសូវល្អទេ មានដូចសាច់មាន់បំពង មានជាតិខ្លាញ់តិចតួច។ អ្វីក៏ដោយខ្ញុំហូបក្នុងបរិមាណការឡួរី ដែលរាងកាយខ្ញុំត្រូវការ។ អ្នកកុំហូបអាហារណា ដែលមានការប៉ះពាល់សុខភាពខ្លាំង មានដូចជា ស្រា បារី និងជាតិខ្លាញ់ច្រើន។

ការមានសុខភាពល្អ​ និងរាងកាយរឹងមាំ មិនមែនងាយស្រួលនោះទេ អ្នកត្រូវកសាងវាឱ្យជាប់ជាប្រចាំទាំងរបបអាហា និងការហាត់ប្រាណ។ វាមានសារៈសំខាន់ចំពោះសុខភាពខ្លាំងណាស់។ ដូចជាលោក Jordan Yeoh គាត់បានកសាងសុខភាពល្អ ​និងរាងកាយរឹងមាំបែបនេះ ដូចគាត់បាននិយាយថា “ ខ្ញុំមិនបានកសាងរាងកាយក្នុងរយៈពេលមួយយប់នោះទេ គឺរយៈពេល ៣ ឆ្នាំ។”

អត្ថបទស្រាវជ្រាវដោយ៖ ទ្រ សុភាព