១. អ្នកធាត់ឬស្រកគីឡូស្ថិតលើរបបអាហារ។ កាត់បន្ថយរបបអាហារជាតិខ្លាញ់ ជាតិស្ករកែច្នៃ និងភេសជ្ជៈផ្អែមៗ ចេញ ខ្លាញ់ក៏ចេញពីក្នុងខ្លួនរបស់អ្នកដែរ។ តាមប្រភពគេហទំព័រសុខភាព ResearchTrusted បញ្ជាក់ថា ការតាមដានរបបអាហារនាំឱ្យអ្នកដឹងពីស្ថានភាពរាងកាយដើម្បីកម្ចាត់ជាតិខ្លាញ់ជួយឱ្យអ្នកសម្រកគីឡូបានលឿន។ សម្រាប់អាហារសម្រកគីឡូមានដូចជា ស៊ុត ដំឡូង គ្រាប់​ធញ្ញជាតិ ទឹក​ដោះ​គោ​ស្រស់ ផ្លែប៉ោម ផ្លែប័រ មានត្រី... ព្រោះអាហារទាំងនេះមានសារធាតុរួមគ្នាដូចជាកាបូអ៊ីដ្រាត ប្រូតេអ៊ីន ខ្លាញ់ វីតាមីន និងសារធាតុរ៉ែច្រើន។

២. បើអ្នកគេងមិនគ្រប់ទេ អ្នកនឹងមានអារម្មណ៍តានតឹង និងអស់កម្លាំង។ ហើយក្រពះរបស់អ្នកត្រូវការអាហារជាតិផ្អែម និងខ្លាញ់ដើម្បីមានថាមពលឡើង នាំឱ្យអ្នកកាន់តែឡើងគីឡូ។ យោងតាមគេហៈទំព័រ WebMD បានឱ្យដឹងថា ការគេងមិនគ្រប់ធ្វើឱ្យអ្នកមានអារម្មណ៍ឃ្លានទោះបីអ្នកញ៉ាំឆ្អែតហើយក៏ដោយ ព្រោះការគេងមិនគ្រប់បានប៉ះពាល់ដល់អរម៉ូនដែលគ្រប់គ្រងលើចំណង់អាហារ ហើយបង្កើនផ្ទុកជាតិខ្លាញ់នៅក្នុងខ្លួន។ ចូលអ្នកគេងឱ្យបានគ្រប់គ្រាន់ អ្នកនឹងមានកម្លាំងចិត្ត និងហូបអាហារទៀងពេល អ្នកច្បាស់ជាស្រកគីឡូជាមិនខានទេ។

 ៣. គ្មានអ្វីមិនជំនួសការហាត់ប្រាណបានទេដើម្បីកម្ចាត់ជាតិខ្លាញ់ក្បាលពោះបានលឿននោះ។ សូម្បីតែតារាល្បីលោក Lee Dong-wook ជាតួរប្រុសបិសាចកញ្ច្រោងរូបស្រស់នេះ ហាក់ដូចជាមិនចាស់ទាល់តែសោះអាចរក្សាភាពសង្ហាដូចដើម ឬស្ទើរស្ទើតែអាចនិយាយបានថារូបរាងរបស់លោកមើលទៅក្មេងខុសពីវ័យ១០ឆ្នាំឯណោះ។ មូលហេតុមកពីលោកបានប្ដេជ្ញាចិត្តដាក់កម្រិតលើរបបអាហារសុខភាព និងដាក់វិន័យលើខ្លួនឯងខំហាត់ប្រាណយ៉ាងតឹងរឹងបំផុត ដើម្បីយកសាច់ដុំ កាយសម្បទាមាំមួនមកវិញមុននឹងចូលបម្រើការងារធ្វើជាតារាសម្តែង៕ អត្ថបទដោយ៖ ទ្រ សុភាព