និយាយពីជំងឺមហារីកស្បូន ស្រីៗយើងប្រាកដជាមានអារម្មណ៍ថាខ្លាចរអាជាខ្លាំង ព្រោះជំងឺនេះធ្វើឱ្យស្រ្តីមានហានិភ័យដល់អាយុជីវិតបាន។ ក៏ប៉ុន្ដែមិនថាធ្វើបែបណាដើម្បីការពារជំងឺមហារីកស្បូនបាន។ ឥឡូវឈប់បារម្ភទៀតក្រុមការងារចាបៃតង នឹងពាំនាំវិធី ដែលអាចជួយបងប្អូនចៀសពីជំងឺមហារីកស្បូនបាន តែអាស្រ័យលើបងប្អូនដែរថាអាចធ្វើបានឬអត់?
-វិធីទី១៖ ចាក់វ៉ាក់សាំងការពារជំងឺមហារីកមាត់ស្បូន បើនិយាយពីចាក់វ៉ាក់សាំងការពារនេះ យើងបានចែករំលែកច្រើនអត្ថបទមកហើយ គ្រាន់តែមិនដឹងថា មានប្អូនយើងប៉ុន្មាននាក់ទេ ដែលបានទៅចាក់វ៉ាក់សាំង។ យើងនិយាយដដែលៗព្រោះយើងដឹងថាវិធីនេះគឺអាចជួយការពារស្រ្តីយើងសឹងតែ១០០ភាគរយណាពីជំងឺមហារីកមាត់ស្បូន បើបានចាក់ជាពិសេសចាក់នៅអាយុក្មេង នៅមិនទាន់មានគ្រួសារ។ ក៏ប៉ុន្ដែសម្រាប់អ្នកមានគ្រួសារក៏ចាក់បានដូចគ្នាគ្រាន់តែបើចាក់នៅក្មេងមានប្រសិទ្ធភាពខ្ពស់ជាង។
-វិធីទី២៖ កាត់បន្ថយអាហារកែច្នៃ និងគ្រឿងស្រវឹង របបអាហារ និងការផឹកគ្រឿងស្រវឹង យើងបាននិយាច្រើនណាស់មកហើយ របបអាហារទាំងអស់នេះ គឺធ្វើឱ្យអ្នកញុំាងាយប្រឈមនឹងជំងឺឡើងមក មានដូចជាជំងឺមហារីកស្បូន មហារីកក្រពះ ជំងឺមហារីកថ្លើមជាដើម។ ដូច្នេះហើយស្រីៗយើងគួរតែកាត់បន្ថយឱ្យបានច្រើនកាន់តែល្អ។
ជាចុងក្រោយបើសិនបងប្អូនស្រីៗចង់ការពារជំងឺមហារីកស្បូន គួរតែទៅចាក់វ៉ាក់សាំងការពារព្រោះអាចការពារបាន ជាពិសេសសម្រាប់បងប្អូនដែលមានកូនស្រីគួរនាំកូនទៅចាក់ទាន់នៅក្មេងល្អ។ មួយវិញទៀតគួរតែកាត់បន្ថយរបបអាហារប្រភេទកែច្នៃនិង គ្រឿងស្រវឹងដើម្បីចៀសវាង៕