នៅក្នុងសង្គមរបស់យើងមានអ្នកចាប់ផ្តើមធ្វើលំហាត់ប្រាណច្រើនឡើង ដើម្បីសុខភាព និងការពារជំងឺមួយចំនួនដូចជា លើសឈាម និងបេះដូង។ ការធ្វើលំហាត់ប្រាណនេះមានមនុស្សជាច្រើន មានចម្ងល់មួយរឿង ចំពោះបុរសការធ្វើលំហាត់ប្រាណអាចធ្វើឱ្យប្រដាប់បន្តពូជ(លិង្គ) តូចជាងមុនដែរទេ?
១. តាមលោកវេជ្ជបណ្ឌិតមានចម្លើយពីរ៖
ទីមួយផ្នែកពិត បើបុរសធ្វើលំហាត់ប្រាណខ្លាំងក្លាពេក ពេលឈាមមិនអាចទៅផ្គត់ផ្គង់សាច់ដុំអវយវៈ(ប្រព័ន្ធប្រដាប់ភេទ) វាប្រែក្លាយជាតូច និងមានសភាពខ្សោយ(ផ្លូវភេទខ្សោយ)។ ពេលកំពុងលំហាត់ប្រាណ និងហាត់រួច ពងស្វាសតូចជាងមុន។
ទីពីរ៖ ផ្នែកមិនពិត ការធ្វើលំហាត់ប្រាណកសាងសាច់ខ្លាំង វាអាចតូចជាងមុន តែនេះជាការបណ្តោះអាសន្នប៉ុណ្ណោះ នៅពេលអ្នកបញ្ឈប់ការធ្វើលំហាត់ប្រាណ ទំហំនឹងត្រលប់មកក្នុងសភាពធម្មតាវិញ។ ការធ្វើលំហាត់ឱ្យប្រដាប់បន្តពូជវែងជាមុនទេ? នេះក៏ជាជំនឿមិនពិតដែរ។ ការធ្វើលំហាត់ប្រាណមិនធ្វើឱ្យលិង្គវែងបាននោះទេ។
២. អត្តប្រយោជន៍ការធ្វើលំហាត់ប្រាណ...
ការធ្វើលំហាត់ប្រាណមិនបានបង្កើតទំហំឱ្យធំនោះទេ ប៉ុន្តែការហាត់ប្រាណបានបង្កើតសមត្ថភាពផ្លូវភេទឱ្យមានប្រសិទ្ធខ្ពស់។ តាមការស្រាវជ្រាវពីវេជ្ជសាស្រ្តផ្លូវភេទឆ្នាំ ២០១៥ មានមនុស្សចូលរួម ៣០០ នាក់ដែលធ្វើលំហាត់ប្រាណបានបញ្ជាក់ថា “វាជាជួយបង្កើតសមត្ថភាពផ្លូវរបស់ពួកគេបានល្អ វាធ្វើឱ្យលិង្គឡើងរឹង បញ្ចេញទឹកកាមបានល្អ បង្កើនភាពញឹកញាប់ និងមានគុណភាពនៃការរួមភេទ។” សូម្បីវេជ្ជបណ្ដិតជាច្រើនបាននិយាយថា ការប្រើថ្នាំដើម្បីរួមភេទ វាមិនល្អទេ អ្នកគួរធ្វើលំហាត់ប្រាណ ៣០ ទៅ ៤០នាទី ដើម្បីបង្កើតអារម្មណ៍ផ្លូវភេទបានល្អ។ តាមលោកគ្រួ សំបូរ នន់ ជាអ្នកកាយវប្បកម្ម ដែលបានពាន់ទម្ងន់ធ្ងន់នៅអាស៊ានលេខមួយ បាននិយាយថា ការហាត់ប្រាណ វាមិនធ្វើអោយប៉ះពាល់ដល់មេជីវិតទេ ការហាត់ប្រាណមានតែធ្វើឱ្យមេជីវិតយើងល្អប្រសើជាងមុន៕
អត្ថបទស្រាវជ្រាវដោយ៖ ទ្រ សុភាព