នាថ្ងៃទី១៥ ខែ ធ្នូ ឆ្នាំ២០២៣ ខាងមន្ទីរពេទ្យមិត្ដភាពកម្ពុជា-ចិន ព្រះកុសុមៈ បានប្រកាសដំណឹងល្អ១សម្រាប់ពុកម៉ែបងប្អូនដែលមានបញ្ហាជំងឺប្រចាំកាយដូចជាជំងឺសើស្បែក និងកាមរោគឱ្យមកទទួលការព្យាបាលជំងឺនៅខាងមន្ទីរពេទ្យដោយមិនបង់ប្រាក់ឡើយ។

គូសបញ្ជាក់ឱ្យដឹងថា ប្រសិនបើបងប្អូនកំពុងតែមានបញ្ហាជំងឺសើស្បែក និងកាមរោគកុំទុកយូរគួរតែប្រញាប់ព្យាបាលឱ្យបានទាន់ពេលវេលា ការពារប្រឈមគ្រោះថ្នាក់ដល់អាយុជីវិតរបស់បងប្អូនប្អូន។ ដូច្នេះហើយសូមត្រៀមខ្លួន ព្រោះមានដំណឹងល្អ ខាងមន្ទីរពេទ្យផ្នែកជំងឺសើស្បែក និងកាមរោគ នៃមន្ទីរពេទ្យមិត្តភាពកម្ពុជា-ចិន ព្រះកុសុមៈ ចុះព្យាបាល ជំងឺសើស្បែក និងកាមរោគ ដោយឥតបង់ប្រាក់ឡើយ។ រយៈពេល ០២ថ្ងៃ ចាប់ពីថ្ងៃទី២៦ ដល់ថ្ងៃទី២៧ ខែធ្នូ ឆ្នាំ២០២៣ ពីម៉ោង០៨:០០ នាទីព្រឹក ដល់ម៉ោង១៤:០០ នាទីរសៀល។

អាស្រ័យហេតុនេះ សូមបងប្អូនទាំងអស់គ្នា ជ្រាបជាដំណឹង ប្រសិនណាបងប្អូនមានបញ្ហា ជំងឺសើស្បែក ជំងឺកាមរោគផ្សេងៗកុំភ្លេចមកទទួលការព្យាបាលនៅមន្ទីរពេទ្យមិត្ដភាពកម្ពុជា-ចិន ព្រះកុសុមៈ។ មកតាមវេលាដែលមន្ទីរពេទ្យផ្សព្វផ្សាយនិងទទួលបានការព្យាបាលដោយមិនយកប្រាក់៕

 សម្រាប់ព័ត៌មានបន្ថែមសូមទំនាក់ទំនង

លេខទូរសព្ទ :099 502 201