យោងតាមការរបស់CDCអាមេរិក បានឱ្យដឹងថា អត្រានៃអ្នកជំងឺមហារីកសុដន់៖ ១០% អាចកើតលើស្ត្រីវ័យក្រោម ៣៥ឆ្នាំ ២០% អាចកើតលើស្ត្រីវ័យក្រោម ៥០ឆ្នាំ ៥០% អាចកើតលើស្ត្រីវ័យចន្លោះ ៥០-៦៩ឆ្នាំ និង២៨% អាចកើតលើស្ត្រីវ័យចន្លោះ ៦០ឆ្នាំ ឡើងទៅ។ សុរបមកស្រ្តីវ័យកណ្តាលចាប់ពីអាយុចន្លោះ៣០ឆ្នាំឡើងទៅគឺអាចប្រឈមនឹងកើតជំងឺមហារីកសុដន់ប្រសិនបើមិន​ចេះវិធីថែសុខភាព។

ជាការពិតណាស់ យោងតាមការចុះផ្សាយនៅលើគេហទំព័រ Webmd វេជ្ជបណ្ឌិត DR. DAVID MYLAND KAUFMAN បានរៀបរាប់ថា របៀបរស់នៅ និងរបបអាហារ ដើរតួយ៉ាងសំខាន់សម្រាប់សុខភាពសុដន់។ ការស្រាវជ្រាវបានរកឃើញថាមានការផ្សារភ្ជាប់គ្នារវាងការផឹកស្រាច្រើន ការជក់បារី អាហារកែច្នៃ... ផលប៉ះពាល់ទៅលើអរម៉ូនអ៊ឹស្ត្រូសែន ជាកត្តានៃការកើនឡើងហានិភ័យនៃជំងឺមហារីកសុដន់។ ដូច្នេះដើម្បីឱ្យសុដន់មានសុខភាពល្អ ប្រឆាំងជាមួយកោសិកាមហារីកកុំឱ្យកើតបាន ស្រ្តីគ្រប់រូបត្រូវបង្កើតទម្លាប់ញ៉ាំអាហាររារាំងមហារីកសុដន់ទាំង៥នេះឱ្យបានរាល់ថ្ងៃ៖

-ផ្កាខាត់ណាខៀវ៖ អាចជួយកាត់បន្ថយការប្រឈមនឹងជំងឺមហារីកសុដន់ ព្រោះវាមានផ្ទុកនូវសមាសធាតុ glucosinolate ដែលរាងកាយរបស់អ្នកអាចបំលែងទៅជាម៉ូលេគុលដែលគេហៅថា isothiocyanates ដែលមានប្រសិទ្ធភាពប្រឆាំងនឹងមហារីក។ ក្នុង១ថ្ងៃគួរញ៉ាំខាត់ណាខៀវក្នុងវរិមាណ២០០ក្រាមស្មើនឹង២ខាំ។

-ដំឡូងពណ៌ទឹកក្រូច៖ ដំឡូងជ្វាសាច់ពណ៌ទឹកក្រូច ជាអាហារសម្បូរទៅដោយសមាសធាតុដែលគេស្គាល់ថាជា carotenoids។ យោងតាមការសិក្សា ស្ត្រីដែលមានកម្រិតខ្ពស់នៃ carotenoids នៅក្នុងចរន្តឈាមរបស់ពួកគេហាក់កាត់បន្ថយហានិភ័យទាបនៃជំងឺមហារីកសុដន់ល្អបំផុត។ ស្ងោរញ៉ាំ១ថ្ងៃ១មើមនៅពេលព្រឹកល្អបំផុត។

-សណ្តែកជប៉ុន៖ សណ្តែក១ប្រភេទនេះផ្ទុកសារធាតុ isoflavone ការពារជំងឺមហារីកសុដន់។ ការសិក្សាដ៏ធំមួយលើស្ត្រីជនជាតិអាមេរិកដើមកំណើតអាស៊ី ដែលបានរកឃើញនៅពេលដែលក្មេងស្រីវ័យជំទង់បានទទួលទានអាហារសណ្តែកសៀងយ៉ាងហោចណាស់មួយដងក្នុងមួយថ្ងៃ ជួយការពារការកើតមហារីកសុដន់បានល្អណាស់។

-ខ្ទឹម៖ ដូចជាខ្ទឹមបារាំង ខ្ទឹមស ខ្ទឹមក្រហម ស្លឹកខ្ទឹម មានផ្ទុកសារធាតុអាមីញ៉ូម ដែលសំបូរទៅដោយសារធាតុចិញ្ចឹមជាច្រើនរួមមានសមាសធាតុ organosulfur សារធាតុប្រឆាំងអុកស៊ីតកម្ម flavonoid និងវីតាមីន C ដែលជាសារធាតុប្រឆាំងនឹងមេរោគ រារាំងកោសិកាមហារីកកុំឱ្យដុះឡើងបាន។

ផ្លែក្រូច៖ ក្រូចថ្លុង ក្រូចឆ្មារ ក្រូចឃ្វិច ​មានសមាសធាតុផ្សំជាច្រើនដែលអាចការពារប្រឆាំងនឹងជំងឺមហារីកសុដន់ រួមទាំងអាស៊ីតហ្វូលិក វីតាមីន C រួមទាំងសារធាតុប្រឆាំងអុកស៊ីតកម្ម flavonoid ដូចជា quercetin, hesperetin និង naringenin ដែលផ្តល់នូវសារធាតុប្រឆាំងអុកស៊ីតកម្ម ប្រឆាំងកោសិកាមហារីកល្អបំផុត៕

អត្ថបទដោយ៖ គន្ធា