ស្លេកស្លាំង អស់កម្លាំង ឆាប់ហត់ ពិបាកដកដង្ហើម ឈឺក្បាល ក្តៅខ្លួនជាប់រហូត ដោយគ្មានមូលហេតុ សុទ្ធសឹងតែជារោគសញ្ញានៃបញ្ហាកង្វះគ្រាប់ឈាមក្រហម ដោយបញ្ហានេះប្រសិនទុកយូរអ្នកជំងឺនឹងអាចប្រឈមជាមួយគ្រោះថ្នាក់ធំប៉ះពាល់ដល់អាយុជីវិត។
បើតាមប្រភព verywellfamily បានលើកឡើងនូវក្រុមបន្លែ ផ្លែឈើ និងសាច់ ចំនួន៥មុខមានអត្ថប្រយោជន៍បំផុតក្នុងការបំពេញគ្រាប់ឈាម ជាមួយនឹងមុខងាររបស់សារជាតិចិញ្ចឹមខ្លឹមៗ៖
១. ផ្លែទម្លាប់៖ វីតាមីន A និង C ខ្ពស់ មាននៅក្នុងផ្លែទម្លាប់ ដើរតួនាទីយ៉ាងសំខាន់ក្នុងការគ្រប់គ្រងកោសិកាឈាម។ លក្ខណៈពិសេសនៃ វីតាមីន A អាចផ្សាភ្ជាប់ពាក់ព័ន្ធនឹងការបង្ការបញ្ហាបង្ករោគស្លេកស្លាំងតាមរយៈយន្តការជីវសាស្រ្តចម្រុះ ដូចជាការពង្រឹងការលូតលាស់នៃប្រព័ន្ធភាពស៊ាំប្រឆាំងទៅនឹងមេរោគ កាត់បន្ថយភាពស្លេកស្លាំង និងការប្រមូលផ្តុំដែកចូលទៅបំពេញនៅក្នុងកោសិកា។
២. មើមយ៉េន៖ មើមយ៉េន មានសមត្ថភាពខ្ពស់ ជួយដល់អ្នកដែលមានបញ្ហាលើសឈាម បន្ថយកម្រិតសម្ពាធឈាម ស៊ីស្តូលិក និង diastolic ឱ្យមានតុល្យភាពក្នុងរាងកាយ។ មើមយ៉េន ក៏មានសារធាតុនីត្រាត ដែលវាបំលែងទៅជាទ្រីអុកស៊ីតផងដែរ ដែលជាម៉ូលេគុល ជួយទៅពង្រីកសរសៃឈាម ធ្វើឱ្យសម្ពាធឈាមធ្លាក់ចុះមកប្រក្រតីវិញ។
៣. សាច់ទ្រូងមាន់ និងសាច់ឥតខ្លាញ់៖ អាហារសម្បូរប្រូតេអ៊ីន ដូចជាសាច់គ្មានខ្លាញ់ និងសាច់ទ្រូងមាន់ មានជាតិស័ង្កសីខ្ពស់ ដែលជាសារធាតុរ៉ែនេះនឹងបង្កើនកោសិកាឈាមស និងកោសិកា T ដែលប្រឆាំងនឹងការឆ្លងមេរោគក្នុងឈាម និងសរីរាង្គកាយ។
៤. បន្លែបៃតង៖ បន្លែស្លឹកពណ៌បៃតង (ស្ពៃខ្មៅ ខាត់ណា សាឡាត់...) ត្រូវបានគេដឹងថា មានផ្ទុកទៅដោយសារជាតិដែកដ៏សម្បូរបែប ជួយចូលទៅបំពេញគ្រាប់ឈាមនៅក្នុងសរីរាង្គកាយអ្នកទទួលទាន។ ជាងនេះទៀតសម្រាប់ស្ត្រីមានផ្ទៃពោះ និងស្ត្រីសម្រាលកូនរួច ការទទួលទាននូវក្រុមអាហារប្រភេទនេះ គឺរឹតតែមានគុណប្រយោជន៍ធំសម្រាប់សុខភាពម្តាយ និងទារក។
គួរបន្ថែមឱ្យដឹងដែរថា សម្រាប់អ្នកមានបញ្ហាកង្វះគ្រាប់ឈាមក្រហម គួរតែឧស្សាហ៍ញុំាអាហារណាសម្បូរទៅដោយសារជាតិដែកឱ្យបានគ្រប់គ្រាន់ ពីព្រោះថា ការញ៉ាំអាហារសម្បូរជាតិដែកអាចបង្កើនការផលិត RBCs របស់រាងកាយដែលមានអត្ថប្រយោជន៍ក្នុងការបំពេញគ្រាប់ឈាមក្រហមនៅក្នុងខ្លួន។ ក្រុមអាហារសម្បូរទៅដោយសារជាតិដែករួមមានដូចជា សាច់ក្រហម (សាច់គោ...) សាច់សរីរាង្គ (តម្រងនោម និងថ្លើម) បន្លែពណ៌បៃតងចាស់ (ស្ពៃខ្មៅ និងខាត់ណា) ផ្លែឈើក្រៀម សណ្តែក ស៊ុតលឿង...៕
អត្ថបទដោយ៖ ប៉ាវ ភក្តី