បន្លែផ្លែឈើគឺជារបបអាហារ១ចំណែកល្អសម្រាប់រាងកាយ ដែលមនុស្សគ្រប់រូបមិនអាចខ្វះ ហើយរំលងមិនញុំាសោះឡើយ។ ក៏ព្រោះថាបើកាលណារបបអាហាររបស់អ្នកមានបន្ថែមនូវបន្លែផ្លែឈើ និងធ្វើឱ្យរាងកាយរបស់អ្នកមានសុខភាពល្អ មិនងាយឈឺទៅណានិង។
ឥឡូវនេះយើងមកណែនាំរបបអាហារ២មុខ ដែលមានប្រយោជន៍សម្រាប់សុខភាពរបស់អ្នក ដែលអ្នកមិនគួររំលងមិនញុំាសោះឡើយគឺផ្លែប៉ោម និងសណ្ដែក។
ផ្លែប៉ោមមានអត្តប្រយោជន៍ជាច្រើនសម្រាប់រាងកាយរបស់មនុស្ស អត្ថប្រយោជន៍ទាំងនោះមានដូចខាងក្រោម៖
-ផ្លែប៉ោមបៃតង ប៉ោមក្រហម ដោយសារផ្លែប៉ោមសម្បូរដោយជាតិសរសៃជាច្រើន ដែលមានប្រយោជន៍ញុំាទៅមិនបង្កជាខ្លាញ់អាក្រក់ កកក្នុងសរសៃឈាម ដែលបង្កជាការស្ទះធ្វើឱ្យឈាមមិនអាចរត់ទៅផ្គត់ផ្គងដល់បេះដូងនិងខួរក្បាល ដែលជាមូលហេតុធ្វើឱ្យ មនុស្សអាចស្លាប់បាន។ មួយវិញទៀតផ្លែប៉ោមបៃតងក៏មានផ្ទុកដោយ សារធាតុ pectin ដែលជាប្រភពជាតិសរសៃដែលធ្វើការជា prebiotic គឺជួយទៅជំរុញការលូតលាស់របស់ពួកបាក់តេរីដែលមានសុខភាពល្អនៅក្នុងពោះវៀនរបស់អ្នដែលអាចជួយអ្នកបំបែកអាហារកាន់តែមានប្រសិទ្ធភាព។ អាចការពារការទល់លាមក និង រាគ ។
-ផ្លែប៉ោមសម្បូរដោយ ៖ វីតាមីន C វាមាននាទីជួយជម្រះសារធាតុពុលក្នុងរាងកាយ និងជួយរំលាយខ្លាញ់ផងដែរ មិនតែប៉ុណ្ណោះវីតាមីន C ជួយឱ្យស្បែករបស់យើងភ្លឺថ្លា មានសំណើមចេញពីខាងក្នុងទៀតផង។ ដូច្នេះហើយអ្នកមិនគូររំលងមិនញុំាសោះឡើយដើម្បីសុខភាពរាងកាយ ទូទៅ។
សណ្ដែកគឺជាអាហារមួយប្រភេទដែលមានអត្ថប្រយោជន៍ច្រើនណាស់សម្រាប់រាងកាយ តាមការសិក្សាស្រាវជ្រាវបានឱ្យដឹងថា ជនជាតិជប៉ុនដែលមានអាយុវែងគាត់ចូលចិត្តញុំាសណ្ដែក។ ឥឡូវទៅមើលអត្ថប្រយោជន៍របស់សណ្ដែកទាំងអស់គ្នា។
-កាត់បន្ថយហានិភ័យជំងឺបេះដូង៖ តាមរយៈការសិក្សានៅ Journal of the American College of Nutrition បានបង្ហាញឱ្យដឹងថា ការទទួលទានគ្រាប់សណ្ដែកដី១ក្ដាប់តូចជាប្រចាំថ្ងៃអាចជួយអ្នកកាត់បន្ថយហានិភ័យនៃជំងឺបេះដូងបាន។
- . ជួយគ្រប់គ្រងកម្រិតជាតិស្ករក្នុងចរន្ដឈាម៖ សារធាតុ anthocyanidin ដែលមាននៅក្នុងសណ្ដែកខ្មៅ មានសមត្ថភាពជួយជម្រុញ ឲ្យដំណើរការនៃអ័រម៉ូនអាំងស៊ុយលីនកាន់តែល្អប្រសើរ ។ ស្របពេលជាមួយគ្នានេះ ជាតិសរសៃសដែលមាននៅក្នុងសណ្ដែកខ្មៅ បានជួយបន្ថយល្បឿននៃការបឺតស្រូបជាតិស្ករនៅក្នុងចរន្តឈាមបានល្អ និងល្អសម្រាប់ជួយប៉ូវគ្រាប់ឈាមក្រហមផងដែរ៕