ពាក្យថា “ការរស់នៅ” សម្តៅលើជីវិតមួយដែលសម្បូរទៅដោយបញ្ហាច្រើនណាស់។ បើយើងរស់នៅខុសក្បួននោះ វាធ្វើឱ្យជីវិតរបស់យើងសម្បូរបញ្ហា ការឈឺចាប់ ឧបសគ្គ និងបញ្ហាសុខភាពផងដែរ។ តាមការស្រាវជ្រាវប្រទេសជប៉ុនរកឃើញថា ពួកគេមានកក្បួនរស់នៅមានក្តីសុខ និងអាយុវែងផងដែរ។ តាមលោក Hector Garcia បានបញ្ជាក់ថា ក្បួនទាំង៣ នេះជួយសុខភាពផ្លូវចិត្តរបស់អ្នកមានក្តីសុខ ហើយអាយុវែងថែមទៀត។
ក្រោកពីគេងព្រោះតែមានហេតុផល៖ បើអ្នកមិនចេះរីករាយពេលព្រឹកទេ ជីវិតរបស់អ្នកក៏ពិបាករកក្តីសុខដែរ។ តាមលោក Hector Garcia និងលោក Francesc Miralles ជាអ្នកស្រាវជ្រាវកោះអូគីណាវ៉ា បានរកឃើញថា “ប្រជាជនប៉ុននៅទីនោះមានអាយុវែងតែងក្រោកពីគេងនៅពេលព្រឹកព្រលឹមបានយ៉ាងរហ័ស មកពីពួកកេមានគោលបំណក្នុងការប្រើជីវិតឱ្យមានប្រយោជន៍រួម ហើយវាជាហេតុផលមួយជម្រុញផ្លូវចិត្តគេរឹងមាំ។” តើអ្នកភ្ញាក់ពីដើម្បីអ្វី?ចូរអ្នករីករាយក្នុងពេលព្រឹកដែលគ្មានការរំខានក្នុងភាពស្ងប់ស្ងាត់នៅតែម្នាក់ឯងឱ្យមានក្តីសុខណា! នេះជាក្បួនទីមួយ។
ចំណុចបន្ទាប់ទៀត គឺការស្វែងយល់ពីគុណតម្លៃជីវិត ធ្វើឱ្យពួកគេរស់មានអត្ថន័យ និងមានក្តីសង្ឃឹម។ មានពាក្យគេនិយាយថា មនុស្សរស់នៅគ្មានក្តីសង្ឃឹមក្នុងខ្លួនងាយស្លាប់បំផុត។ ប្រទេសជប៉ុនសម្បូរមនុស្សមានអាយុវែងជាងគេ គឺជាអ្នកមានគោលបំណងក្នុងការរស់នៅក្នុងជីវិតនេះ។ លោកវេជ្ជបណ្ឌិត តែងតែក្រោកពីព្រឹកធ្វើការរហូតដល់ ១៨ ម៉ោងក្នុងមួយថ្ងៃ ពីព្រោះការងារនេះធ្វើឱ្យគាត់សប្បាយចិត្ត។ គាត់បាននិយាយថា អ្នកត្រូវធ្វើអំពើល្អ កុំអង្គុយទំនេរពេក។ ជីវិតនេះគ្មានអ្វីត្រូវខ្វល់នោះទេ បើអ្នកមានបុព្វហេតុសម្រាប់ជីវិត ហើយអ្នកធ្វើវាដោយប្រុងប្រយ័ត្ន។” គាត់សប្បាយរីករាយធ្វើកិច្ចការពេញមូយថ្ងៃ ក្នុងការជួយអ្នកដទៃ និងបម្រើដល់សង្គម។ ខ្ញុំអាចនិយាយថា ភាពរីករាយរបស់គាត់ គឺប្រាសចាកភាពអាត្មានិយម ជាមនុស្សម្នាក់មានបេះដូងលះបង់ ដើម្បីអ្នកដទៃ។
សម្រាប់ក្បួនចុងក្រោយនោះគឺ ការធ្វើលំហាត់ប្រាណ Rajio taiso ៖ មិនថាក្មេងមិនថាចាស់ នៅសាលារៀន កន្លែងធ្វើការ សួនសាធារណ ជនជាតិជប៉ុនមានទម្លាប់ហាត់ប្រាណនៅពេលព្រឹកជាប្រចាំ ដោយពួកគេតែងតែធ្វើលំហាត់ប្រាណម្យ៉ាងមានឈ្មោះ Rajio taiso ដែលវាគឺជាលំហាត់ប្រាណជួយដល់សាច់ដុំមួយតួខ្លួនប្រាណ ចង្វាក់ឈាម ដង្ហើមដើរស្រួលនិងជាអាថ៌កំបាំងធ្វើឲ្យជនជាតិជប៉ុនរស់នៅបានយូរផងដែរ។ តាមលោក Dan Buettner បាននិពន្ធសៀវភៅមួយចំណងជើងថា The Blue Zones បានសរសេរថា មនុស្សមានអាយុវែង និងសុខភាពរឹងមាំ មិនមែនជាមនុស្សធ្វើលំហាត់ប្រាណធ្ងន់ៗទេ តែជាអ្នកធ្វើលំហាត់ប្រាណបែបស្រាល និងជាអ្នកធ្វើចលនារាងកាយយ៉ាងសកម្មជាប្រចាំថ្ងៃ(តាមតំបន់ធម្មជាតិ)៕ អត្ថបទដោយ៖ ទ្រ សុភាព