ភេសជ្ជៈ៣ ជួយលាងជាតិពុលចេញពីថ្លើមការពាររលាកថ្លើម ខ្លាញ់រុំថ្លើម ឡើងមក គួរផឹកខាន
ទោះបីជាថ្លើម មានសមត្ថភាព លាងជាតិពុល និងព្យាបាលខ្លួនឯងក៏ដោយ តែបើម្ចាស់មានទម្លាប់នាំជាតិពុលមកដាក់រាល់ថ្ងៃ ថ្លើមក៏មិនអាចទប់ឈ្នះដែរ គេងាយនឹងរលាក ក្រិន ខូច រួមទាំងងាយនិងមហារីក គ្រោះថ្នាក់ដល់ម្ចាស់វិញ។ ដូច្នេះក្នុងអត្ថបទនេះគឺមានប្រយោជន៍សម្រាប់អ្នកចូលចិត្តធ្វើបាបថ្លើម ដូចជាផឹកស្រាច្រើន ផឹកភេសជ្ជៈផ្អែមៗច្រើន គួរអាន។
យើងនឹងមកប្រាប់ភេសជ្ជៈដែលជួយជម្រុញមុខងារបស់ថ្លើមឱ្យល្អមកវិញ មានន័យថាថ្លើមមាននាទីលាងជាតិពុលចេញមកប្រាប់ តែបន្ទាប់ពីផឹកភេសជ្ជៈ៣មុខនេះហើយ អាចជួយមុខងារថ្លើមកាន់តែខ្លាំងក្លាទ្វេដង ដូច្នេះឧស្សាហ៍ផឹកផងនេះបើយោងតាមរយៈប្រភព TIME ។
១.តែបៃតង៖ មិនមែនជាប្រភេទតែបៃតង ដាក់ស្ករផ្អែមៗ ទឹលដោះគោផ្អែមៗឡើយ តែជាប្រភេទតែបៃតង ដែលក្ដៅឧណ្ហៗ អ្នកញុំាបែបហ្នឹងមានអត្ថប្រយោជន៍ច្រើនជាង ប៉ះពាល់។ តាមរយៈអ្នកជំនាញផ្នែកចំណីអាហារក៏បានណែនាំឱ្យផឹកតែបៃតង ដើម្បីជួយជម្រុញមុខងារថ្លើមរបស់អ្នកឱ្យកាន់តែល្អ ព្រោះនៅក្នុងតែបៃតងមានសារធាតុប្រឆាំងអុកស៊ីតកម្ម ការពាររាងកាយពីជំងឺជាច្រើនដូចជា មហារីក កាត់បន្ថយការរលាកក្នុងរាងកាយ ការពារជំងឺធាត់ឡើងមក។
២.តែក្រូចឆ្មារក្ដៅៗ៖ ជាការពិតណាស់ ការផឹកតែក្រូចឆ្មារក្ដៅៗគឺមានប្រយោជន៍ជួយបន្សាបជាតិពុលចេញពីថ្លើមបានច្រើនណាស់ ជាពិសេសជួយថែរក្សាស្បែករបស់បងប្អូនឱ្យស្អាតដូចគ្នា។ ក៏ប៉ុន្ដែចង់បញ្ជាក់ថាបងប្អូនដែលមានបញ្ហាក្រពះពោះវៀន គួរចៀសវាងផឹកមុនញុំាអាហារព្រោះអាចងាយនឹងចុកឆ្អល់ ក្រហាយក្រពះឡើងមកបាន។
៣.ទឹកមើមយ៉េន៖ ជាការពិតណាស់ ទឹកមើមយ៉េនគឺជាទឹកមួយប្រភេទដែលបងប្អូនយើងនិយមផឹកខ្លាំងមែនទែន ព្រោះទឹកនេះមានរសជាតិឆ្ងាញ់ ហើយក៏មានប្រយោជន៍ជួយដល់សុខភាពដូចគ្នា គឺជួយការពារមានស្លេកស្លាំង ហើយក៏មានប្រយោជន៍ជួយបន្សាបជាតិពុលចេញពីថ្លើមដូចគ្នា អាស្រ័យហេតុនេះហើយបងប្អូនឧស្សាហ៍ផឹកផង អាច១សប្ដាហ៍ផឹក២ទៅ៣ដងក៏បានដែរ កុំតែផឹកច្រើនកែវក្នុង១ថ្ងៃទៅបានហើយ។
សរុបមកភេសជ្ជៈ៣មុខខាងលើនេះគឺមានអត្ថប្រយោជន៍ខ្លាំងមែនទែនជួយបន្សាបជាតិពុលចេញពិថ្លើម កាន់តែលឿន អ្វីដែលពិសេសជាងនេះក៏ល្អសម្រាប់សុខភាពទូទៅដូចគ្នា បងប្អូនឧស្សាហ៍ផឹកខ្លះផងណា៕