គាត់បានបញ្ជាក់ជាសារព្រមានថា ជំងឺតម្រងនោមជាជំងឺដែលគេនិយមហៅថា "ជំងឺឃាតករស្ងាត់ស្ងៀម" ពីព្រោះមនុស្សជាច្រើនមិនមានរោគសញ្ញាអ្វីទាំងអស់រហូតដល់វាឈានដល់ដំណាក់កាលចុងក្រោយ ទើបដឹងថាខ្លួនខូចតម្រងនោម។ ២ទម្លាប់ការពារតម្រងនោមរបស់អ្នកបានល្អបំផុត៖

១. អ្នកដែលមានជាតិស្ករខ្ពស់ក្នុងឈាម ងាយមានបញ្ហាខូចតម្រងនោមជាងធម្មតា មកពីកោសិការាងកាយមិនអាចគ្រប់គ្រងជាតិស្ករក្នុងឈាមបាន នាំឱ្យតម្រងនោមត្រូវធ្វើការកាន់តែខ្លាំងនៅក្នុងរយៈពេលវែងអាចប៉ះពាល់យ៉ាងធ្ងន់ធ្ងរដល់តម្រងនោម។ ដើម្បីការពារបញ្ហាតម្រងនោមនេះ សូមអ្នកធ្វើលំហាត់ប្រាណដើម្បីកាត់បន្ថយហានិភ័យជំងឺតម្រងនោមហើយជួយគ្រប់គ្រងសម្ពាធឈាមបានល្អបំផុត។ កត្តាសំខាន់ដែលធ្វើលំហាត់ប្រាណការពារខូចតម្រងនោមទាំងវ័យក្មេង។ អ្នកអាចធ្វើលំហាត់ប្រាណដូចជាលើកទម្ងន់ ដើរ រត់ ជិះកង់ និងរាំជាដើម។

២. កុំទម្លាប់ប្រើថ្នាំលេបច្រើនពេកដើម្បីការពារសុខភាពតម្រងនោមបានល្អ។ មានប្រជាពលមួយចំនួនតែងទិញថ្នាំលេបដោយខ្លួនឯង ហើយលេបជាប្រចាំថ្ងៃ វាប៉ះពាល់ដល់តម្រងនោមណាស់។ យោងតាមមូលនិធិតំរងនោមជាតិ ថ្នាំទាំងនេះគួរតែលេបមិនលើស ពី ១០ ថ្ងៃសម្រាប់ការឈឺចាប់ និងមិនលើសពី ៣ ថ្ងៃសម្រាប់គ្រុនក្តៅ ការលេបថ្នាំច្រើនជាង ៨ គ្រាប់ជាប្រចាំក្នុងមួយថ្ងៃក៏អាចកាត់បន្ថយមុខងារតម្រងនោមជាបណ្តោះអាសន្ន ឬជាអចិន្ត្រៃយ៍។ អ្នកលេប​ថ្នាំ​ដែល​​គ្មាន​​វេជ្ជបញ្ជាអាច​បណ្ដាល​ឲ្យ​ខូច​តម្រង​នោមអត់ដឹងខ្លួននោះទេ។ សូមបងប្អូនមានការប្រុងប្រយ័ត្នផង។ អ្នកគួរទៅពិនិត្យមុខងារតម្រងនោមឱ្យបានទៀងទាត់ដើម្បីការពារសុខភាពតម្រងនោមទុកជាមុន៕ អត្ថបទដោយ៖ ទ្រ សុភាព