វ៉ាសាប៊ិ(Wasabi) ប្រជាជនជប៉ុន និងនៅទាំងពិភពលោក និយមញុំាជាមួយនឹងស៊ុស៊ី ញុំាជាមួយសាច់ត្រីឆៅៗ មានដូចជា ត្រីសាលម៉ុន ត្រីធូណាជាដើម។ សម្រាប់ជនជាតិជប៉ុនគឺនិយមញុំាខ្លាំងណាស់ ហើយវ៉ាសាប៊ិនេះក៏មានតម្លៃថ្លៃខ្លាំងដែរ។ ក៏ប៉ុន្ដែបងប្អូនមានដឹងអត់ថា ការញុំវ៉ាសាប៊ិ(wasabi)មានប្រយោជន៍ជួយសុខភាពដែរទេ?

ដូច្នេះនៅក្នុងអត្ថបទនេះខ្ញុំនឹងមកប្រាប់បងប្អូនពីអត្ថប្រយោជន៍ជួយសុខភាពរបស់wasabi  នេះបើយោងតាមរយៈប្រភពwabeបានបញ្ជាក់ឱ្យដឹងថា នៅក្នុងwasabiមួយស្លាបព្រាកាហ្វេគឺមានផ្ទុកដោយ កាឡូរី១៥ ខ្លាញ់ ១ ក្រាម កាបូអ៊ីដ្រាត៖ ២ ក្រាម ស្ករ ២ ក្រាម ហើយនៅក្នុងwasabiក៏បានផ្ទុកដោយជាតិដែក ផូស្វ័រ ប៉ូតាស្យូម​ ម៉ាញេស្យូមដូចគ្នា។ អាស្រ័យហេតុដូច្នេះហើយ នេះបើយោងតាមរយៈការសិក្សាគេបានបញ្ជាក់ឱ្យដឹងថា​ wasabiគឺមានប្រយោជន៍ជួយកាត់បន្ថយភាពស្លេកស្លាំងដោយសារខ្វះជាតិដែក ព្រោះនៅក្នុងwasabiគឺមានផ្ទុកជាតិដែកជំនួយសុខភាពដូចគ្នា។បញ្ជាក់នៅក្នុងន័យនេះមិនមែនចង់បង្ហាញថាឱ្យតែញុំាwasabiដឹងតែឈប់ខ្វះជាតិដែកឡើយវាគ្រាន់តែផ្ដល់អត្ថប្រយោជន៍១ចំណែកប៉ុណ្ណោះ។

បន្ថែមលើសពីនេះwasabiក៏មានប្រយោជន៍ជួយកាត់បន្ថយសម្ពាធឈាមដូចគ្នា គឺធ្វើឱ្យសម្ពាធឈាមដំណើរការបានល្អ មិនលើស។ នេះបើយោងតាមរយៈការសិក្សាមួយគេបានបញ្ជាក់ថានេះដោយសារនៅក្នុងwasabiមានជាតិប៉ូតាស្យូមហើយប៉ូតាស្យូមនេះគឺមានផលវិជ្ជមានល្អលើសសម្ពាធឈាមរបស់អ្នក។

ជាចុងក្រោយបងប្អូនយល់យ៉ាងណាដែរចំពោះអត្ថប្រយោជន៍របស់wasabi? ទោះបីជាមានអត្ថប្រយោជន៍ពិតមែន បើបងប្អូនញុំាបានចាំញុំា បើញុំាមិនបានកុំបង្ខំខ្លួនឯងប្រយោជន៍ធ្វើទុកខ្លួន៕