ជាការពិតណាស់ យើងគ្រប់គ្នាពិតជាមានមោទកភាពយ៉ាងខ្លាំងបំផុត ដែលបានធ្វើជាម្ចាស់ផ្ទះរៀបចំព្រឹត្តការណ៍ស៊ីហ្គេម ក្នុងឆ្នាំ២០២៣នេះ ដែលទើបតែត្រូវបានបញ្ចប់ជាស្ថាពរកាលពីល្ងាចម្សិលមិញនេះ។ ចាប់តាំងពីបើកព្រឹត្តការណ៍រហូតដល់បិទ ពួកយើង សូមអរគុណយ៉ាងខ្លាំងបំផុត ទៅដល់អ្នករៀបកម្មវិធី ជាពិសេសថ្នាក់ដឹកនាំ រួមទាំងយុវជន យុវជនស្ម័គ្រចិត្តយ៉ាងខ្លាំងបំផុត ដែលបានចំណាយពេលវេលា ធ្វើឱ្យព្រឹត្តការណ៍ស៊ីហ្គេមមានភាពរលូន។
មួយវិញទៀតសូមអរគុណដល់ការ ជួយយកចិត្តទុកដាក់ ផ្ដល់ព័ត៌មាន ផ្តល់ជាអាហារ ផ្ដល់ជាស្នាមញញឹម ដល់អ្នកចូលរួម ទាំងមិត្តបរទេសនិងក្នុងប្រទេស ដែលបានមកចូលរួមប្រកួតស៊ីហ្គេមនៅកម្ពុជា។ ជាពិសេសបានធ្វើឱ្យប្រទេសផ្សេងៗដែលមកចូលរួម មានការកោតសរសើរ ពីការយកចិត្តទុកដាក់ របស់យុវជនស្ម័គ្រចិត្ត ទៅកាន់ពួកគេមានទាំងប្រទេសខ្លះ សម្រក់ទឹកភ្នែកនៅពេលដល់ថ្ងៃចាកចេញទៅប្រទេសខ្លួនវិញ។ នេះពិតជាសកម្មភាពមួយដែលមានន័យ និងមានតម្លៃណាស់ សម្រាប់មុខមាត់ប្រទេសជាតិយើងយ៉ាងខ្លាំង ពួកយើងពិតជាអរគុណខ្លាំងណាស់ និងមានមោទកភាពខ្លាំងបំផុត ដល់យុវជនស្ម័គ្រចិត្តគ្រប់រូប៕
អត្ថបទដោយ៖ ប៉ែត ធីតា
